8 2 月, 2009

昨天和大家分享了 LT Case,但 LT 其實等不及我的回應,在過年期間已做出了決定,我很開心,因為她和我的看法相同,且來看 LT 第二個用心的回應,簡直是漂亮!

LT 的回應

龍師傅呀 ~ 我未等到你登出我個篇分享,我已經做左一個明智既決定啦!

我前幾日(1月29日)已經正式選擇左放手啦!

哈哈!之前唔開心既時候,成日睇你既分享同分析,令我既心情可以出奇地咁快平伏!由1月22日開始(個日我男朋友提出想大家冷靜),當中經歷新年假期,直至1月29日,係呢段期間,初頭我真係好傷心、難過一個男人點解話變就變。我既心情大上大落,時好時壞,好似諗通左,但係心中其實依然有刺!直至29日,個日本來都仲抱住要同佢講道理既心態,不過個日下午同佢傾完最後一次後,我心中已經浮現左:呢個男人係留唔到架啦,我知道要點做啦!

所以我而家我要裝備好自己,活得比佢好,令佢第日知道佢唔要我係佢好大既損失!!

而且最開心既係所有朋友或知道呢件事既人都好牚我,俾左好多意見我,連佢屋企人都為我哭及不值(佢媽媽真係哭呀!),同埋佢地都好珍惜我,要同我以後永遠都做好朋友,佢地尋日仲帶左我上去深圳玩呀,希望我開心D。所以發現原來自己都咁有人緣既,而且個班仲要係佢屋企人添!雖然而家都仲需要時間去習慣無左佢,不過我真係比想像中復原得更快,因為我以前真係好鍾意佢,一直都唔捨得離開佢架。

龍師傅的回應

LT,多謝你的讚賞,很多網友都喜歡每日來我的網誌,看一篇我寫的文章,因為我的文章全部都有極度正面訊息內含其中,如你有習慣每天上來,其實就是幫你的潛意識平靜一次,幫你每天做出最好的決定。

多謝你既分享,其實對方家人如此支持你及帶你去深圳玩,我已經可以解到碼。

– 佢屋企人好鐘意你
– 你在佢地心目中的形象好好
– 佢地唔同意你地分手
– 佢地同意個仔唔同你一齊係佢個仔既損失

好開心你做了一個這樣明智的決定, 如你身邊有好多朋友撐你。朋友支持你,我亦可以解到碼, 就是這個男仔一定不是好人及不適合你, 你和他繼續下去亦一定無幸福;無錢,前路艱苦,常為經濟而吵架;對你不好,你會很後悔,沒有愛的感覺之餘,也是不停吵架。

我反而不擔心你會沒有他不行,因為他真的沒有甚麼可以令你沒有他不行,錢是最重要的元素。我常說,錢不是萬能,但錢的確可以令人開心及解決了很多問題,很多愛情都是用錢來營造的。

而他最 core 的都不可以給你,性格又有此問題,你根本沒有他,就是免了一個負累。你已經可以再有機會找一個更好的男朋友,十年之後,你望番轉頭,包保你覺得今日既決定是明智的。

我反而再解多一個碼,就是預計他在若干時日之後,會和現在的女朋友分手而再找你,我反而擔心你到時心軟,再度陷進地獄之中。

希望 LT 早日再找到一個好對象,繼續她美麗的愛情故事。

("運氣,你到底在那裏?" 系列,是龍師傅對網友回應的看法,或對身邊事物的感想。你們在看過之後,歡迎回應,龍師傅有機會以你的回應作題材,幫你詳細剖析你的事情,讓你成為龍師傅網誌的主角!)

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?