今天要到黃埔花園工作，正好到附近的尖沙咀吃個茶餐。

茶餐對我是很重要的，我最愛吃公仔麵，所以一個茶餐如果公仔麵做得好，咖啡又做得好的話，我就一定會長期幫趁；這間九十八度一定是我的不二之選：

門口的裝修做得極好，內裏環境也一流，以茶餐廳來說也算數一數二，起碼坐得舒適，環境也很乾淨；牆上還加了一些花畫，店內也種了小植物，未知是否和風水有關呢？

這個名字也很特別的，九十八度，是甚麼意思呢？又未夠一百度，莫非是水的沸點？但讀書既時候老師話俾我知水既沸點係一百度喎！

他們的餐具也很特別，全部碟都有自己既 logo：

佢地既下午茶都有好多選擇，豬扒包，雞中翼，豬仔包，公仔麵都有，而且價錢極為合理，平均都係三十元左右，平過去酒店飲杯咖啡：

我叫了一個公仔麵，呢個餐真係乜都有了，又蛋又多士又盛，真係一次過乜都試哂：

順帶一提，麵唔駛加四蚊轉出前一丁，佢普通既公仔麵已經好好味了！

餐黎到，先黎多士，煎蛋同埋芝士腸：

好軟滑，各樣都好好味，完全合格有餘！

然後到牛肉公仔麵了：

湯底濃，係自家湯底來的，牛肉味香，又滑，麵質非常軟熟，完全收貨！

最後到杯咖啡，完全對版：

我後尾睇到佢杯咖啡係用咖啡機沖的，呢部機同大快活，大家樂既一樣，而奶都係用愛護牌，所以極 OK：

呢度好乾淨，招呼好好，我下次去開尖沙咀一定會再去，有機會就試下佢其它既野食先！

同場加映：晨衝書局

吃飽飽後，門口隔離就係晨衝書局，又走入去睇下：

呢間晨衝都有好多年了，要睇英文書就一定要去呢度，貨算做最多，最齊；有時你搵唔到既書佢都可以幫你代訂，不過等候時間就可能長到兩個月，但價錢比起 Amazon 平，下次你搵書都可以先黎呢度格下價。

九十八度
地址：尖沙咀樂道 23 號 A 地下
必食推介：沙爹牛肉公仔麵
平均消費：三十元
分數：＊　＊　＊　＊（一定要去）

（分數指南：以六粒星最好，無星最差。）

無星：一生不去
一粒星：被迫才去
兩粒星：免費才去
三粒星：可以一去
四粒星：一定要去
五粒星：特登都去
六粒星：一生必去