今天去了一間串燒專門店, 令我眼界大開!
本來對串燒無乜好感, 又熱氣, 又唔飽肚; 但今天去的這間嵐川, 有好多網友介紹, 所以今天在收工之後, 和龍嫂就去試一下.
我們都知道這間串燒店超貴, 我都預左五百元兩個人, 怎知埋單四百元有找, 甚為化算.
但想深一層, 在西環的店子, 收到一百八十元一位, 確是貴了一點, 但他有本事令龍師傅覺得合理, 而一向甚為慳家的龍嫂, 也覺得 OK, 我想食物的水準是甚高了.
如果你想去, 一定要訂位, 我很難想像西環吃東西, 除了三上還有店子要訂位的, 這一間確是異數.
裝修很有日本風味, 店內也播著日本音樂, 好有日本 feel!
先來一個前菜, 是西芹, 蘿蔔來的. 粗是粗了一點, 切得不夠幼細, 但口感極好, 用料極新鮮!
我們看到餐牌上有一個一百五十五元的一人前, 有十串串燒, 於是就叫了一個, 再加其它的.
一人前除了串燒之外, 也有麵豉湯, 白飯; 我們再叫多數樣東西, 也夠飽了!
價錢方面, 絕不便宜, 一般來說兩串要四十元, 我印象之中也沒有過這樣貴的, 以前吃的都是十多二十元左右, 但我可以說, 四十元一串絕對有物值!
我先來介紹一個牛柳串燒, 也是四十元, 吃過之後, 你可以乖乖行番出去, 絕無投訴!
燒得極香, 師傅也見功力. 雖然兩位師傅及老闆陳國柱先生也是香港人, 但燒得甚為日本, 你在街外一般而言不會吃得到; 即使號稱串燒專門店的笑笑, 也要輸給他九條街, 但嵐川價錢只是貴笑笑一點點.
拆開之後, 我給你看它的內肉:
面頭再加了好像出前一丁味粉之類的東西, 吃了之後, 油香從四方八面湧進咀裏, 肉汁豐富, 何止合格!
芝士釀雞翼, 也是一絕, 收四十元, 只是工錢已經物有所值了!
以下呢串好神奇, 雞頸肉, 你吃過沒有? 我聽也未聽過, 燒雞皮就聽過:
吃了之後, 甚為對板, 有點雞翼的味道!
燒蕃薯, 也是一絕, 火路剛剛好!
燒雞肉, 味甚香甜:
燒雞肝, 吃完之後我直頭想拜佢為師:
一咬下去, 彈牙不在話下, 那種口感, 拍得住鵝肝! (順帶一提, 他們這裏有燒鵝肝, 不過要九十元, 也就作罷)
蒜蕊豬肉, 也是一絕:
外面舖了少許豬肉, 內裏的蒜蕊爽口, 合埋剛剛好!
燒雞腎, 也是很香滑!
燒鰻魚, 其美味程度絕對難以形容, 如果你喜歡吃鰻魚, 你一定不住點頭!
串燒牛舌, 是另一個必吃佳選, 那種口感, 那種牛香, 那種肉汁, 只是這味牛舌已足夠我送一碗飯了!
燒肉丸, 可以一試, 這個是一人前裏面的其中一樣串燒:
燒鵪春蛋, 甚為特別, 原來燒過係會好好味!
燒豆腐, 我想他們的用料甚靚, 應該是日本料, 太好味了!
燒冬菇, 比較乾身, 但可以收貨!
師傅起菜甚為快手, 很快就燒得起, 我們很快已經不停地吃了, 值得一讚!
另一樣特別的東西是, 我們面前有個簽桶, 是用來放置不要的竹簽的:
我覺得價錢雖然貴了一點, 但我一定會再去, 我建議你找一日特登都去, 去體驗一下真正好味的串燒是怎樣的!
嵐川日本串燒
地址: 西環堅尼地城厚和街 28 號順昌大廈地下 B 舖
電話: 28559082 (一定要訂位, 唔訂位有排等又或者無得食)
必食推介: 串燒牛舌, 雞肝, 牛柳
平均消費: 一百九十元
食物質素：
環境質素：
服務質素：
物值 ：
總評 ： （特登都去）
（分數指南：以六個太極最好，無太極最差。）
無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去
OPENRICE 連結: http://www.openrice.com/restaurant/sr2.htm?shopid=14706
