1 3 月, 2009

今天和大家分享一下網友 who am i 的際遇及想法。

網友 who am i 的回應

龍師傅你好,

我係由李民傑江健勇老師那邊找到你的書及網址!

我中意睇書就係呢個,原因,往往可以將知識無限擴展!

我都睇左你2本書la,包括"突破"及"記憶術"

其實我最需要先係記憶術,因為我好似有失憶咁成日都唔記得野

睇左你本書,好有系統地學到一d技巧,之後都要不斷練習

希望今次可以長遠地幫到自己。

對於師傅話要每樣都試,先可以搵到自己既專長,我真係好認同。

我咁講唔係我已經搵到我自己既專長,而係我搵到自己既人生方向。

我有一個經驗,記得當年我讀大學時要做一些學會主席,事實我全冇有關經驗,連攪活動經驗亦極缺乏,當時亦冇信心做得好

但就係憑住一個字 "試",就去左做個個主席。

因為當時覺得,就算失敗我都叫試過,最緊要試完可以更認識自己!

就係咁,呢次選擇成為左我人生分水嶺!

當然,我唔算係做得好好,我諗最大原因係冇經驗,但因為呢次機會,我先發覺原來自己一路都唔知自己想要咩,亦都發現自己一路做好多野都係晒緊時間,全冇目標。

到今年出黎做野,雖然工作唔係話高薪厚職,亦唔知係咪好0岩自己,但至少呢樣係我大方向下既選擇,我諗只要我適時調整,終有一日我會去到我既目的地,而且我現在都很享受我的工作!

ha,但其實我都仲好需要認識多d自己ar! 我好想盡快搵到自己條路。

而對於"改變",係我做工之後更有深體會;而家做緊屬於銷售工作,真係效果主導,
當你一次唔成功,2次3次都唔成功,咁多數都係自己既問題,好快要作出改變。

我先發覺,點解好多人(包括我),明明一路做左一樣野咁耐都係一直錯
但d人都仍然行呢個方向既lei?
就好似飛機咁,但航線唔0岩,你永遠都冇可能去到終點。
所以我明白師傅你講既適時改變,可能就係咁既意思。
呢個亦係我而家開始努力改善自己既原因。

不過我而家廿歲出頭,我諗仲有好多野要經歷要去試。
希望會響師傅身上學到多d野la! thx

P.S. 我現時唯一未能搵到解決方法既,就係我成日都好想27-30歲到有小成就,35就有大成就。但我總係覺得自己既態度行運及選擇,好多時都係偏向穩陣,唔敢博,最終最好都只會係"晚成"。
ar, 我真係好唔想自己係晚成個類人,但我又成日覺得以我而家既能力及智慧,真係未必可以35-40歲有大成就!

P.S. 呢期mark six 証明師傅所講既野係0岩。
咁多人買中既組合,頭獎只係分得55萬,
ha..師傅好野

龍師傅的回應

who am i 的確是一個有心人,我憑他一句已經可以解到碼,就是文末 PS 那一句 Mark Six,我亦可以進一步解碼,他絕對是一個醒目之人。

為何?因為他能夠一看六合彩的派彩,馬上聯想到我早前在 "突破思考,創造命運" 一書之中寫過一篇和六合彩有關的一篇文章。要聯想,應用得到,不是易事,此即解釋了為何有人博覽群書之後甚麼都得不到,有人看書之後一里通百里明,我很高興看到 who am i 能夠學以致用!

另外,who am i 花了很長的篇幅去分享他的看法,而且是極為正面的看法,這樣行文,一定是一個有心人。

他其實方向已經正確,在讀書的時候嘗試做學會主席,和我的理念不謀而合;就是 "不要以為自己不行,甚麼都試",及後做完,覺得仍有不足之處,正是第二次和我理念相同,就是 "做人不要太謙虛,但也不要太自大";覺得仍有不足,就會想到改善,這絕對是一件好事。如果我攪講座或工作,覺得自己天下無敵,我想不出十年,我一定會被淘汱,因為十年沒有進步過。

男仔出來做事想做銷售是很正常的,我覺得大方向正確,因為做生意叻之人,多是口才好,而且是最好的 saleperson;你看 Steve Jobs 就知道了,他的 present 是一流的,而且他帶領的蘋果屢創佳績。

我覺得 who am i 有些想法可以再 fine tune,例如三十歲前有小成就,三十五歲有大成就,這個未必可以作為成功的動力,因為計劃自己多少歲有甚麼成就,潛意識不會幫你工作,很多人都會想 "我 40 歲要退休","我晚年要過得好",但又有多少人成功呢?

所以,還是不要訂立這樣模糊的目標,在現階段還年青,可以嘗試不同的東西,然後選定了,集中火力去做同一樣東西。

我想說明兩點,就是:

— 運氣是不需要長久的,有運,三年所賺的錢已經夠你花一生也花不完。
— 每一個人,是每一個人,一生總有三數次機會令你改變一生,從而得到一個運,而這個運,可以令你飛黃騰達。

其實最重要的,是不停的裝備自己,當運氣來到時,就是我說的 tipping point,你就會去到另一個 level 了。

至於 who am i 所說的六合彩文章,我會另文再和各位分享。

最後,我想對 who am i 說,我每天都會有網誌,看龍師傅的網誌,你一定會有所得著,如果你能夠將我的 mind set 應用到你日常生活的話,你會發覺運氣會逐漸轉變,越變越好!

 

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?