今天和大家分享砵砵雞的故事，我很有感想，所以想發表一下；砵砵雞的故事，是有關她和她母親的。
網友砵砵雞的分享
龍師傅, 小妹我的童年往事一直都忘記唔到, 細細個媽咪為左養我同呀哥就日夜返工, 但我同呀哥都無同等既待遇… 就係關懷… 基本上每一次媽咪都會比錢我地… 但係佢就痴呀哥多.. 所以我好妒忌…
講真.叫我忘記過去…真係好難.. 呢個唔係一套戲, 而係我真實既回憶, 而且因為真正要解決既係我同呀媽既關係
我同佢既關係時好時壞, 我同佢都懷疑呢D係咪因為肖牛同肖羊相沖既關係
我時常表達自己既感受同意見… 但佢就永遠都同我做返重覆既野…
好似我話:我想大家安安靜靜咁專注睇電視劇…
當我睇緊電視既時候, 佢就會開始係度講電話…講野又大聲, 又無啦啦問我呢樣個樣… OK! 我都算數.
人越來越大個. 自己既私人空間都需要..
佢好想關心我.. 所以佢每次自己走入黎我間房我都唔介意
但係佢依然佢有佢講… 我就R哂頭
唔明佢講乜…
當我有話要講既時候… 佢就訓左教- -''
搞到我條氣唔上唔落咁… 講定唔講好…. 不過我亦都忍!留返下次講囉..
呢幾日佢又走入黎我間房, 一路同我傾計仲一路摸我掃我.. 我感覺到好唔自在好唔舒服, 我同佢反映左. 但佢唔理繼續摸繼續講….
搞到我好炆… 直頭唔理佢佢先識做…
完全唔知佢真正既想法係點… 佢自己又要口不對心喎!! 都唔知黎真定黎假既…!?
成日笑笑口,唔正經… 人地認真個陣佢就玩玩下
又成日呃我… 好似三歲細路比佢哄咁…
同佢傾極都傾唔到… 有時佢唔岩聽既說話就避開唔答…
當我諗返起佢摸我既時候,笑笑口又唔正經既時候…我會打冷震…
就好似有個唔係好熟但叫媽咪既人, 突然間想同我親密一樣…
令到我好難接受-____-好唔舒服….
我曾經為自己創下一年每日三餐都係食牛既紀錄… 但唔係我鐘意食牛..而係我媽咪鐘意食牛..以為我鐘意食牛… 所以餐餐食牛-____-
我好多野都反映左好多次… 重覆又重覆… 結果都係一樣…
究竟我同佢有D咩仲可以再做?
依家我真係寧願佢返到黎就訓教… 少嗌交為妙-___-
(打左好長篇添… 我希望師傅可以幫一幫我…)
龍師傅的回應
大家看後會有何感想？在我看來，長輩就是長輩，無論對方怎樣對你都好，都是你的長輩，這是一出生就定下來的，即使你它日家財千萬，都是你的長輩。
長輩有分兩種，一種是未必要常常見面的，例如姨媽姑姐；另一種，則是無可選擇在童年時要見面的，例如父母親。
這個世界有兩種人，你一定要原諒他／她，一是老人家，包括爸爸媽媽，另一種是小孩；當然，小孩長大後如變了濕柴則當別論。
我常說，朋友有得揀，親人無得揀，而且親人有血統關係，所以無論如何都好，一定要積極想著攪好關係。
像砵砵雞這種感覺，我看後似曾相識，如叫我親吻媽媽，我一定做不到，大男人很難做得到的，爸爸就更不用說了。
但這些，並未構成對爸爸媽媽疏遠的理由，即使他們怎樣對你，也還是你的父母親，你一定要孝敬他們。
在砵砵雞這篇分享之中，我們不難看到自己的影子，好像：
— 同一句說話對媽媽重複千百次，媽媽仍然是沒有聽到。
— 明明不喜歡吃牛，對媽媽說其實自己不想吃牛，但由於媽媽喜歡吃牛，所以常做牛的食物。
— 摸自己唔舒服，和媽媽說，媽媽照樣摸自己。
— 成日呃自己，例如喊就話警察叔叔會來之類的說話。
我好想說，這些就是回憶，回憶，你過後想用錢買回來也沒有；當你長大的時候，你再看回從前，你會發覺這些回憶好珍貴。
如父母親真的不好，你其實有很多辦法和他們相處。第一，他們說甚麼，你用哦字訣已經處理好。甚麼是哦字訣？他們說甚麼，你都點頭稱是，甚麼都說知道了就可以。他們的目的，只是想說那句話而已，你當孝順也好，敬老也好，就哦一聲已經可以解決問題，他們也會心安理得。
例如晚上出夜街，即使你長大了都好，母親都會加多句："唔好咁夜番！"
吃飯，母親總會說："飲多啖湯，夾多Ｄ餸"。
晚上母親去睡，見你未睡，總會加多句："唔好咁夜訓"。
這些都是很正常的，尤以沒有受過教育，在家做家庭主婦的母親更多這樣的說話；她們不能融入我的的社會，每天生活很簡單，買餸，做家務；莫非你想她聽你公司的辦公室政治問題？
我好想說，她在你身邊哝哝哦哦我們會覺得煩，假若有一天，這些聲音不再，你是否會覺得安寧？人總有生老病死，即使我們千萬個不願意，我們的父母親，理論上總有一天會比我們提早走到極樂世界；到時候，想聽媽媽的煩言煩語已不可能。
我聽過很多身邊人都說過，母親在生時不懂得去孝順，只顧工作，想著去一次旅行，甚至乎去一次海洋公園都沒有；當母親不在時，才醒覺自己之前是多麼的笨，為著工作而沒有帶父母親去吃過一次好飯，去過一次旅行。
砵砵雞，可能你還是學生，也不知道父母親的煩惱；不過我想告訴你，做人，最緊要是公道，母親生了你出來，要養育你，供書教學，多年 7 x 24 x 365 去照顧你，你的收入是零，對家庭的貢獻是零，那公又你贏，字又你贏，和又你贏，基本上是你贏盡了，母親說話多了兩句，算得上甚麼？你有得選擇不理你的母親，但你的母親不可以選擇不要你，趕你出門口，那是否公道？你自己要想想。
即如工作，覺得老闆對自己很差，自己可以選擇轉工；但如沒得轉，在那間公司工作，還是要受老闆氣，這是應該的；如你可以，大可以選擇搬出去住，久不久回家一次，自己養自己，是否可以呢？如不可以，應該忍受母親的煩言煩語，用哦哦哦的對策，而不是對母親抱怨。
至於對哥哥的大細超方面，確是有家庭會這樣，做母親的，也確是不公道。但那又怎樣？這個世界本來就是不公平的，我常說，如想著這個世界是公平的話，實聽乞米。
其實母親大細超，運氣自然已反映在她身上，她對待得不好的子女，自然又會對她差一點，這個是很正常的。
不過我想說，人大了，自己成家立室之後，童年的事情已經不太重要，父母親養子女是天職，而子女孝順父母親，也是理所當然的。
（你是否在命運之中感到難以適應？其實未必是命不好，只是你不知道自己的整體人生藍圖和命運軌跡而已。我常說，如果連甚麼顏色，數字，方位旺自己也不知道，那人生又怎會有運？清楚了解自己一生，一定好過盲目亂撞。與其一生猜猜度度自己的命運，倒不如清楚了解自己的命運軌跡，及知道自己現時是否跟命運軌跡有所偏差。
龍師傅設有論命及堪察陽宅風水服務，紫微斗數一生論命為港幣一千六百元，陽宅風水以建築面積計每呎九元，最低收費三千八百元，歡迎致電 82040102 預約或電郵 info@masters.com.hk 查詢詳情）
