早兩日有網友問過我，說想在銅鑼灣開咖啡店，不過地舖租太貴，所以問我上樓舖有無得做及前景如何，有甚麼地方要注意等，我當然樂意分享。

我既心得，分兩方面來說，你未必現在想做生意，但你聽完我講將來一定有用；未必是上樓舖，我也會講及成本，盈利的大約計算等等，很多人都是敗在成本及估計完全錯誤（不是部份，是錯得好離譜果隻）。

第一方面，是人流及 marketing 的估計，舖租等。第二方面，就是生意本身的性質。

要了解銅鑼灣上樓舖有無得做，先從租金講起，好多人想做上樓舖，連租金都未知道就說有得做，我覺得真係好天真，這些人十成都是生意失敗，頭髮逢鬆，一副生意失敗的樣子。

我 quote 一間舖，你地估下租金有幾多。這個舖位是在銅鑼灣洛克道，開益書店隔離，面積一千呎：

答案是六萬八，和六年前的租金真的差天共地，每天營業額二千三也只是夠交租而已，還未計電費及其它雜費等。

但租金貴自有其原因。這裏位處崇光隔離，地點一流，只要招牌做得大一點，人流也算可以。

有人問：龍師傅咁好野既？個舖幾錢租都知。

我已經講過多次，有好多答案就擺在眼前，自己一定要有求知慾，同埋主動找答案。像這一間舖，還不簡單，門口有電話，一打去問，馬上知。我連交幾錢按金，上期我都知。

銅鑼灣上樓舖林立，如想做上樓舖，旺區確是一個好選擇，銅鑼灣，旺角都可以。

真的想做上樓舖，一定要知行情。甚麼行情？例如現時上樓舖做甚麼生意，一看，十五分鐘，行勻幾條街，已有答案。

多是做美容，書店，修甲，理髮等。

像這一間，做指甲，都做得幾好：

還有一些比較另類的，例如這間，賣可樂：

都有一定市場。點知？我睇住間舖做左四年以上，如無得做一早執左了，應該有好多遊客上去。

上樓舖，最緊要係個招牌，招牌越大，越吸引人；如做得生意，就一定要做大大個既招牌，廿四小時開著，正係對面海都睇到；如果覺得嘥電費，嘥錢既話，咁即係唔係做生意既材料咯。

除左招牌之外，易拉架都係一個好好既宣傳方法。不過可能遲一點會立例禁止，咁到時就少左一個宣傳渠道了。

留意下呢間熊貓樂園，做左好多年都做得住，你睇下個招牌幾大，貴貴租都捱得住，自有其原因。

如做上樓舖，一定要裝修到靚一靚，咁自然能夠吸引到人過來：

銅鑼灣除左上樓舖之外，亦有用寫字樓黎做既公司，例如顯輝中心，專賣音響：

如用寫字樓做生意，一定要夠集中，最好樓上樓下都有同類型既舖頭，咁客人自自然然會上來睇。

謝斐道後面，板前壽司隔離亦有一大堆上樓舖：

其實街舖真係幾貴租，有間燕萍，是吃越南菜的，近年也因為租太貴，而搬了上樓：

另外見到間數馬巷，也是上樓，不過呢間舖麻麻地，應該不會做得長，招牌太不顯眼，而且沖灑多用快圖美，難做。

上樓舖最好上一層比較好一點，如上到兩三層，想搵人幫襯都好難：

就像這一堆，差不多要用望遠鏡才看得到，難做。

再看回我第一間介紹的上樓舖，六萬八，你有無信心做得住？

明天為大家介紹開一間舖既心得。早前有網友說要在銅鑼灣開上樓咖啡舖，問我有無得做，所以就寫了今天這篇網誌，明天繼續講做生意的要訣。