電腦展(1) — 多人到爆

今年本來無意去電腦展,但無意之中又有一個空檔,所以就在星期日去了。

勁多人:

有些時候直頭行都行唔到,真係迫到爆!

不過都值得去既,因為你想像得到,你認識的所有牌子都有參展,真的有很多東西看。

例如 Lenovo:

Eee PC 大賣,所以各大廠商都出 Netbook,Lenovo 也不例外,出了一部 10" mon 的 mini notebook:

而且有多色可揀,價錢只是四千多元,不貴!

Fujitsu,又係一個好好既品牌:

喜歡他們的機款多,新,功能勁,外型靚仔,不過價錢就略貴一點。

它們的賣點,是那部 U2020,我覺得太細了。

在場中有 invisible shield 賣,仲要幫你貼埋,近期大熱:

它們標榜的是不會刮花,物有所值,雖然一個保護貼幫你貼埋要成二百四十元,但我覺得還是值得的。

Buffalo,狂賣 router,儲存裝置:

Router draft N 現時已狂落價,五百元樓下已有一部,現時已出到 Draft N2.0,真係令我心郁郁!

呢個好,呢個係拍賣會,由 PCM 主辦:

中間在睇人舉手的是總編 Lawrence,聞名不如見面,他真人我還是第一次見面。

我有聽開由林子揚先生製作的所有 podcast,例如大蘋果時代,PCM Podcast 等,所以 Lawrence 主持的 PCM Podcast 我已聽過多次,也成為我的精神食糧,無奈他們太忙,最近兩個月已由以往的一個星期一次變成兩個星期,甚至三個星期一次,真係令我幾失落,因為我真係好鐘意聽。

拍賣產品非常精采,有 Macbook Pro,Lenovo notebook,Ricoh GX200 相機等,以大概市價八成成交,都算抵買。

場中看到一個久違了的名字,TDK:

細細個聽錄音帶一定係 TDK,原來現時也有,但已被很多牌子蓋過了,今時不同往日。

場中當然有好多人影相,但影到好似呢位仁兄咁,都算誇張了:

伸上去影,真係有計!

場中大量 show girl,都算係一個綽頭:

跟住就見到後面有一大班攝影師影相,好多都係電腦記者:

靚女都係任影唔嬲,最緊要有人過來睇:

Vaio,都係果D,今年無乜特別,而 Sales 亦未見好落力 sell。

東芝既 showgirl 好似日本妹,而 Toshiba 亦係最多人排隊買記憶咭,真係好平,百多元有 4GB。

其實靚女都幾累的,係咁笑,係咁企係度,我覺得好似擺酒影結婚相咁樣。

佢地都係宣傳,不停咁將產品放在手上,務求你攝入鏡:

有加電單車都幾靚喎!

當然,唔少得去 PCM Counter 朝聖,佢地有 PCM 賣,原價十五,呢度買十二蚊,仲有洗面膏,memopad,清潔 mon 用既小公仔,我都即時買左一本,因為每個一我都一定買,內容豐富,題材又多元化,一本在手,最新既電子產品資訊都在我腦海中。

(未完,待續)

  • PuiYin表示:

    我有朋友去 電腦展 買左個細主機(可上網,正版AOS, OFFICE, ETC) + 7吋電子相架 = $999 (極抵價)
    [版主回覆08/26/2008 23:46:00]Meowatch, 吓? 抵到咁?

  • Tang Tsz Leung表示:

    龍師傅,
    依家d記憶咭減價幅度同速度都好驚人。

    [版主回覆08/27/2008 00:38:00]樑, 無錯, 真係嚇得死我, 4GB SD card 可以賣一百元, 我在上個月買都要一百六十元左右呢! 真係平到無人信!

  • 真夜表示:

    我都有去電腦展~真係好多人……(掛左成個hr先入到場……)
    不過d記憶咭真係幾抵買,我以前買一張MS PRO DUO要700以上…… 而家只係200多D……(痛心)
    [版主回覆08/27/2008 15:20:00]真夜, 不需痛心, 電腦產品就是這樣, 每天都降價呢!

  • jerry表示:

    what a coincident..,singapore pc fair is on tomorrow.
     
    [版主回覆08/27/2008 15:21:00]hookspirit, 真係咁橋? 而家可能係散貨既好時間吧!

  • Master Pak表示:

    真係開心,可以睇電腦展。我又留意到好多正既相機出晒黎,好Pro。你有冇買到正野呢?
    [版主回覆08/27/2008 23:35:00]秋雲兄,我都有買到野,攝影書,電腦雜誌,其它既就無了,因為好多都有,例如 Netbook,記憶咭,Router,Mobile Disk 等等。

  • 大少拉表示:

    龍師傅~ 年年電腦展都好多到爆~ 但d貨品又真係平好多.. 好難平行自己買野心態!!哈哈哈~~
    [版主回覆08/29/2008 15:09:00]大少拉, 咁平衡唔到, 咪買咯, 我都係咁樣嫁! 不過最好諗諗先, 如果諗左好奈, 都係想買, 咁真係好想買, 買左就會好開心!

  • 表示:

    讚美的力量,鼓勵的火花,曾讓許多人的生命,有了奇蹟似的改變。
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

  • 匿名訪客表示:

    有時候我們覺得別人變了,其實是自己變了
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

  • >