昨日講到我去左一年一次既電腦展，今天又繼續。
其實我聽 PCM 總編 Lawrence 在 Podcast 講過，電腦商會今年也有找過他們開會，想攪一些 function，有展覽的感覺，不過來來去去，都係變左劈價市場，最多人買既係 harddisk 同埋咭。
另一邊，又有 showtime，大家都影過不亦樂乎：
去到 Aigo counter，showgirl 一見我舉機，即時微笑向著我，任影唔嬲：
仲有個環保袋送，其實我真係特登來的，因為我想睇下全世界第一部中國做的 MID 是怎樣的。
在網上研究了很久，它可以查電郵，上網，睇 rmvb file，聽歌，做記事薄，看電子書，看 office file，看 pdf file，行 linix，真的很吸引，不過就只差一樣：沒有 3G 上網，對我來說是一個大問題。
看到展示品，好膠喎：
馬上問 showgirl 有沒有實物看，答案是有，只有數部，賣哂就無，大受歡迎，馬上去另一邊看：
Sales 好 professional，馬上和他傾了十五分鐘，也摸了部機十五分鐘，手感極好。
據 Sales 哥哥所講，MID 係 Intel 投資十億元的大 project，Intel 想改變世界，想改變人類用電腦的模式，大有當年開發 Centrino 的味道。
MID 的共同規格是，行 Linix，4.8 吋 mon，Atom CPU，我想很快應該會有更多的產品面世。
就只差 3G，唯有等下。
唔只賣電腦產品，書檔都有：
Sega 玩具都有，我睇到有樣野好得意，係個公仔黎，二百零蚊，佢可以幫你讀電郵，讀 MSN 內容，唔使你睇，好得意，不過只係講國語，所以作罷。
AMD showroom，好奇怪，只係佈置到一間房咁樣，無人入去，但有人在門外影。
睇到 PCM 個 counter display 左 mindstorm，係 lego 既 robot，有個心臟，可以用 USB 駁電腦做 programming，有cam 仔，有 sensor，好好玩。
突然想起兩年前，有日無意中用左三千蚊買左呢個公仔，打開哂又唔砌，要龍嫂係咁砌，砌完又無玩過，就咁放左係寫字樓，都幾浪費。
Targus 都有，不過好商務，唔型又貴係佢既特色，我最近五年都無買過佢地既產品：
場中有 mac 機賣，但都係公價，亦無新野，睇過就算。
Asus 個 logo 都幾大下，今年佢地好勁，推 Eee PC，仲有其它產品，好多人埋去睇：
Asus 呢部 Eee Box 做得好好，又細，掛在個 mon 後面都得，行 Atom 1.6 CPU，1G Ram，80GB harddisk，都係賣 2,499 咋，睇落去好吸引：
呢兩個賽車女郎係推部砌機：
原來呢個世界係有個組織叫 WGT，World Gamemaster Tournament，專係打機，我就唔知了，而且甚少打機。
佢係有 logo 嫁：
WGT，都有 showgirl：
不過睇到現場有人係度比賽，個個好專注，突然有個打緊機既朋友仔大叫，係無義識的叫，好似係打仗一樣，其他組員又跟住佢大叫，咁Ｄ觀眾唔知佢地做乜，咪又跟住佢地大叫咯，我睇極都睇唔明，我相信現場觀眾九成九人都唔知佢地玩乜：
其實打機係咪真係會發達？傻啦，當你知道當今世上最勁果個韓國仔，都係搵果三萬零蚊一個月時，應該毫不考慮不會入行。反而做開發就好，開發到一個好似"天堂" 呢Ｄ有十幾萬人在線，不停買點數既 game 時，你就真係去左天堂！
Acer 今年都係推 netbook：
現場有幾迫，睇下以下張相，你就知道我無誇張了：
門口 JT 有送贈品，係扭計骰黎，我都拎左一個：
總括來說，今年電腦展既收獲，係睇到好多唔同既 netbook，睇到 Aigo 既最新 MID，現場感受拍賣氣氛同埋睇到 PCM 總編 Lawrence 真人！
請大家支持 PCM 既 Podcast！如你有 iphone，可以用 itunes 自動 sync 落去聽！
同埋支持林子揚先生既 "日本瘋情嘩" and "大蘋果時代"，仲有 "香港點 300"！
