馬鞍山嘉華星濤灣風水之二

再繼續和大家分享嘉華星濤灣的風水.

昨天和大家說過, 我看的單位是到山到向格局, 意即坐方有山, 向方有水就合局, 即坐滿朝空; 如果沒有真的山和水配合, 即使到山到向是不能合局的, 有時反而上山下水, 如果能夠向方有山, 坐方有水就能有好風水, 即坐空朝滿.

看看圖則, 我們可以清楚看到, 左手面是海, 右手面是山, 即在星濤灣之中, 到山到向就能合局, 如果能夠入氣, 財運肯定沒有問題!

戶主在露台做了窗簾, 其好處是可以慳位, 不用時全部窗簾可以縮進上方之中, 好過做拉簾很多:

而且對面的景觀甚為開揚, 對面為會所, 後面是火車軌, 即確保未來一定不會起樓, 甚佳!

客廳甚為整齊, 擺設簡單而整潔, 我常說, 最整潔的單位, 不是執得齊整, 而是沒有雜物:

看完單位, 順道到樓下的會所看一下. 地方甚為新淨, 管理員態度也很好, 一千多的管理費, 甚為超值!

大堂放了一個魚缸, 甚有氣勢:

會所的另一角, 甚為齊整:

會所後有一個小花園, 地方雖小, 但植物甚多, 令人看得很開心, 而且對風水也很有幫助!

樓下的公眾地方甚為寬闊, 這裏的設計真一流:

不過要留意的是, 馬鞍山甚少放盤, 尤以星濤灣為甚, 所以即使打算購買也可能要等一下.

既然一場來到, 也看看附近海典灣的風水:

新界樓就是有這個好處, 地方開揚, 價錢比市區平, 空氣又好; 唯一要考慮的就是交通問題而已.

海典灣的另一角:

環抱水, 而且甚為靜局, 居住環境一流!

海典灣也是面向海, 背向山, 如能配合單位坐向, 也可以有好風水的.

樓價方面, 海典灣現時成交價是四千三百元,一呎 而嘉華星濤灣則是四千四百元一呎, 大家都是差不多; 而剛新入伙的嵐岸向海那邊可以去到六千三百元一呎, 我覺得星濤灣甚為抵買!

  • Dick表示:

    龍師傅, 依你所見整個屋苑那幾座會是最佳呢?
    [版主回覆04/20/2008 00:22:00]狄克, 我看的是第二座, 而事實上呢個屋苑都只係得第一同第二座而已, 唔算多.
    雖然單位唔多, 但我已經好 impress, 亦明白用料對一間屋既重要性, 以前都有睇過靚樓, 但論幼細, 嘉華呢間發展商絕對數一數二.
    哦….好似有點離題添, 呢個屋苑一二座都OK, 只要山向拿得準確一定大發!

  • q表示:

    其實嵐岸只是向海最出的兩座比較貴呢!  後面那四座也有平貨, 因為我剛剛買了, 我的單位客廳露台是望海, 而三個睡房是望山, 不知風水學來算是否好樓呢???  而呎價並不是太貴哦! 跟海典, 嘉華差不多而已.   
     
    [版主回覆04/20/2008 00:36:00]陳媽媽, 你好, 首先恭喜你, 買了嵐岸, 如果價錢和嘉華星濤灣差不多, 咁買嵐岸又會高一線, 因為嘉華已經起碼四年樓, 而嵐岸則是新樓盤.
    以風水計, 嵐岸一定不差, 因為同樣見山見水, 只要單位本身合局就無敵, 而且門口地氈亦好緊要, 因為要用地氈顏色配合來令單位進財. 我的客人門口就是漏財, 再加上大門對露台, 漏上加漏呢, 所以門口放適合的地氈, 就可以將財引進, 這點是很重要的, 但一定要用羅盤堪察才可以了.

  • q表示:

    我家的大門只是面向牆, 牆邊才是露台, 相信問題不大呢!  不過, 我買入的單位是低低層, 三間睡房雖然三間睡房都能遠眺山景, 但是直望火車天橋呢! 
    [版主回覆04/20/2008 00:58:00]陳媽媽, 是的, 我在星濤灣看風水時也有看到嵐岸, 你那邊會面向火車天橋, 但相去甚遠, 應該問題不算太大! 低低層可能風水會差一點, 但都要現場看才可以決定!

  • Rebecca表示:

    Dearest all,
    I visited some of my friends… they moved to Ma On Shan recently… their view are great! But I prefer living in the higher floor…. it is much much better than lower floor although the price of lower floor is cheaper.. since lower floor is darker and no wind!
    Reb
    [版主回覆04/21/2008 17:33:00]Reb, 個個人都有唔同睇法, 無可否認高層一定會好D, 景觀開揚D, 但價錢又當然貴D!

  • Lai Yi表示:

    龍師傅,
    我同男朋友都有意思想買星濤灣.
    不過依你所見, 向山好d 定向海果邊會好d 呢?
    咁如果大門直沖露台, 又可以點化解呢?
    不過呢排摟市咁高..希望下半跌番 d 先買 lu
    [版主回覆04/21/2008 22:04:00]Pysche, 哈, 想不到那麼多人會有興趣呢, 這兩篇網誌一出, 很多人都問我那座及那個單位好.
    其實地區性的風水沒有問題, 最重要是用羅盤量得坐向, 再配合室內室外格局, 因為每間屋的間隔都會不同, 景觀又不同, 都會影響到風水的. 最好睇中幾個單位, 然後一次過睇風水去選擇.

  • Lai Yi表示:

    謝謝, 龍師傅~
    如果我睇中一定會搵你架幫我地睇下架…
    [版主回覆04/21/2008 22:14:00]那就先謝過了, 今天才剛有客人問過隔離海典灣及嵐岸的風水. 但以我個人的感覺, 買入星濤灣, 一生無悔, 因為用料太靚了! 很多東西都很幼細呢!
    過一個星期會介紹元朗村屋, 留意啦!

  • cheung表示:

    Dear 龍師傅 ,
     
    首先真係好想多謝你 0 甘大方同 0 甘有恆心同我地分享你睇風水的心得 ! 我係第一次上黎睇同留言.. 希望你會睇到..雖然過左一段時間..
     
    我地都 plan 緊買樓 .. 我個人對馬鞍山無特別好感 , 但係因為另一半好鍾意 , 又近佢屋企 .. 見到你寫嘉華星濤灣 , 好想問下其實你個人認為佢前面有一條馬路對風水有無影響 ? 我見都有幾多車同大巴士經過 .. 無論住幾高層都會嘈 .
    同埋我一直好想住向 南或西南樓 , 因為真係冬暖夏涼 , 但係向西南就要向番內河 , 係咪無向吐露港 0 甘好 ?
     
    最後 , 想請教 龍師傅 , 我地仲考慮緊其他區 , 例如小西灣藍灣半島 , 海怡半島或其他不太舊的樓 , 我經常好擔心買新界樓 , 一定唔保值 .. 我都明白最緊要住得舒服 , 但係坦白講 , 馬鞍山 0 甘多供應 , 升值一定唔駛預佢份 , 佢又唔係行 8 運地區 .. 你有咩高見 ??
    最後 , 希望我地買左樓或者選擇緊的時候可以搵你睇睇 !
    [版主回覆01/05/2009 23:45:00]McJoan, 歡迎你的問題, 只要不太複雜, 我都可以回答.
    馬鞍山我個人的感覺也是麻麻地, 不過地方確實好, 但交通不便, 這個單位戶主上班在大埔, 所以問題不大.
    風水方面, 馬鞍山確有可取之處, 唯一考慮是交通問題.
    向河或向海, 就很難一概而論, 要到現場堪察才可以有定案.
    小西灣藍灣半島及海怡半島我都有看過, 兩個屋苑的風水都很好.
    你說得對, 馬鞍山確係不行運, 這點我在為另一個客人看馬鞍山樓時已表明, 不過戶主也是有些個人原因要住那區, 例如親人同住那一區等.
    你要先想你想住那一區, 因為我看你提議的, 都好似天馬行空, 馬鞍山在新界, 海怡半島在南面, 小西灣在東面. 因為人都是住開那一區, 就不願搬的, 例如有人住土瓜灣, 就一定要住土瓜灣, 沒有辦法, 因為街坊熟, 街市又幫襯了多年, 搬出外區不適應.
    如你到時落實, 當然歡迎你的光顧, 先謝過!

  • cheung表示:

    龍師傅 ,
    首先好多謝您的回覆 … 但我地好失敗 , 由 09 年中到而家 , keep 住睇樓 .. 見個樓價係 0 甘升 , 到而家都未買到 … 嗚嗚嗚 .. 真係一屋難求
    最終決定二個屋宛 , 好難決定 , 想問問 龍師傅 的意見 ..
    1)     嵐岸   – 向山的單位 , 景觀同嘉華星濤灣差不多 , 是否都同嘉華一樣可以合到山到向局呢 ? 但我擔心佢望到太多條路 (4 條橫行馬路再加一條鐵路 ), 同嘉華不同 , 佢面前無會所擋 . 而且單位都係犯左 大門直沖露台 及馬鞍山確係不行運區域
    2)       沙田   帝堡城 – 比馬鞍山較近市區 , 有某些單位望到一條連接廣源的天橋 , 穿心的 , 我擔心佢似帝后華庭的穿心煞 … 但沙田的地運會否比馬鞍山好 ? 還是其實差不多 ?
    謝謝 !!!
    [版主回覆01/10/2011 23:13:00]McJoan, 沒有問題的,有時候命運使然,最重要是自已計掂條數,供得起就可以了。 嵐岸四平八穩,而向山是否好則要實地堪察才可以知道,因為有些單位宜向山,有些單位宜向海。 帝堡城我剛看過,風水很好,而且也很實用,兩間的分數都是差不多。

  • >