轉眼又到 2008 年了，龍師傅在此恭祝大家新年快樂，一年好過一年！
今天是除夕，我沒有在街外倒數，因為街外人流多到你不相信！
在一個星期前已經和龍嫂商量，除夕夜到那裏慶祝。有想過出外吃除夕大餐，於是除便找了附近一間西餐廳看一下價錢。這間餐廳，我唯一喜歡的就是它情調好而已，平日的晚餐大概是六十五元左右吧。在除夕夜，它竟然夠膽變成二百六十五元一位，吃的東西幾乎完全一樣，只是加了雪糕而已！看到這裏，我已經沒有心機再看了，因為如果出灣仔或尖沙咀酒店吃的話，擔保我們半夜也不能回家，因為交通太擠塞了。
外賣有沒有好東西？當然有。到最後，想到有 blogger 介紹尖東的海鮮站有海鮮外賣，想起在寫字樓吃也不錯呀！於是今天晚上就買了外賣在寫字樓吃，可能會有更佳的享受！
後來發覺我這個決定是對的。因為在尖東港晶中心這間海鮮店買了外賣，想叫的士，一架過海車也沒有，到電台 call 車得到的答覆也是沒有。可能的士司機也知道尖東在今天晚上來說是 "有入無出吧"！到最後，在沒有選擇的情況之下，我夾硬拿著兩大袋東西，還要加上一個裝著羅盤的公事包，從尖東步行至地鐵站，然後搭車回寫字樓，真的無陰功呢！不過回到寫字樓一打開所有食物，就發覺物有所值了！
兩大袋東西，終於回到寫字樓了，還在樓下七十一買了兩罐 coke zero，我的最愛！
再來一個近鏡，和那兩罐可樂比較，你就知道那袋食物有多大了，很重哩！
花了十分鐘將全部食物拆開，開心死了！因為我和龍嫂都很肚餓！
先看生蠔，我們要了半打，甚麼品種都有，圖中的是美國珍寶蠔，好大隻呀！三十五元一隻算是合理；不過吃的時候剛看到新聞說美國有人吃生蠔中了病毒，咁我地食唔食呢？梗係食啦！唔通買番黎唔食然後倒左佢咩！
其它比較小的賣二十元一隻，都好合理。
這個就是主菜龍蝦沙律了，一盤二百八十元，兩盤有特價，好似係五百蚊，因為佢有兩食，所以我地要了兩盤，一盤是沙律，另一盤是伊麵底：
每盤有半隻龍蝦，龍嫂話外賣價錢黎講，好貴；但我話大快活到會，兩盤野都差唔多啦，重要有龍蝦，幫你開埋肉，仲想點？所以我覺得女性對錢係會比較著緊的。
你睇下，沙律之中既龍蝦啖啖肉，我好奈都無食得咁舒服了！
最重要係，唔只肉，重有膏！我好奈都無食過龍蝦係有龍蝦膏，可能出面酒樓食龍蝦，大家都專注在龍蝦身吧！龍蝦膏係分佈在龍蝦頭裏面的，他們將膏開採出來，然後灑在意粉上。看到也好吃嗎？那就不要說他們收得貴了，龍嫂！
再來一個龍蝦肉大特寫，真係睇到都想一啖咬落個 mon 度！
翡翠螺好好食，四十八蚊六大隻，真係睇到都流口水！
再來一個大特寫，你睇到佢既曲線，已經話俾你聽叫你食佢！
呢隻好好彩，連個尾都勾埋出來！第二，三，四，五，六隻都沒有了！
富貴蝦，九十八蚊一大隻，真係好大，你睇Ｄ膏多到！真係好食到……無敵！不過我驚兩個人食唔哂，只係 order 左一隻而已。
新年新景像，杯也買過全新的，圖中的杯，是昨天才買的，特色是杯口濶，也買了不同的顏色，方便很多客人來的時候可以憑杯的顏色認出那杯是自己的。
將會上我寫字樓批一生運程及看流年的朋友，下次你來就會用這批新杯了！
我雖然自己有私家杯，但也忍不住拿出來用。乾杯！新年快樂！
吃了這餐，令我明白到，在那裏吃都不重要，和誰吃及吃甚麼才重要！
有得食，有得睇，一路食一路睇電視，真係至高無上既享受！一個屬於自己的地方，坐得又舒服，唔駛等位，唔駛趕埋單，又方便，又唔駛同人迫，代價就是八百元，及由尖東行去地鐵站！
最後一提，佢地有堂食，不過超擠迫，店內得兩張檯，商場走廊再放多四張小檯，都係算吧啦！買番屋企食最舒服！
外賣方面，附近他們會送貨，但當我問到香港是否送貨時，老闆娘面有難色，道：睇下你叫既野有幾貴啦，如果好貴，好多人食既話，五點前都可能會送既！
又係算把啦！
可以一去！
特登較到１２月３１日２３點５９分 post。新年快樂！
海鮮店
地址：尖東港晶中心地下
消費價錢：每人三百元左右
推介：龍蝦伊麵，翡翠螺，生蠔，麵包蟹
分數：＊ ＊ ＊
（分數指南：以六粒星最好，無星最差。）
無星：一生不去
一粒星：被迫才去
兩粒星：免費才去
三粒星：可以一去
四粒星：一定要去
五粒星：特登都去
六粒星：一生必去
