iphone 將於七月十一日在香港和記發售, 但和記職員做得好差, 乜都話唔知!

昨天不眠不休, 在 macrumorslive.com 看完大半的 iphone update, 今天再上 apple.com 看完整個 Steve Jobs 的 presentation.

一如所料,  Steve Jobs 的 presentation 做得非常出色, 而亦有以下 message 帶給大家.

– iphone 已確認出 3G 機, 全世界 22 個城市在 11 July 同步發售, 包括香港和記及澳門和記.

– 電量大幅增大, 連續聽歌電量可以去到 24 小時.

– 很多公司都有寫 iphone 程式, 而 Apple 亦鼓勵大家寫 iphone 程式.

– iphone 3G 會有 8GB 及 16GB, 16GB 會有白色及黑色, 而 8GB 則只有黑色 (我一定買 16GB, 白色)

– 8GB iphone 售價大幅調低至 199 美元, 16GB 亦只賣 299 美元 (真係好平!)

整個 presentation 歷時 1 hour 44 mins, 我同龍嫂坐定定睇哂! 因為我唔單只睇佢 present 甚麼, 我也會留意他的 presentation 技巧, slides 的運用, 燈光的運用, 對場面的控制等等. 和龍嫂一路看一路討論, 真是樂在其中.

由於和記說過, 和記用戶會有優先訂購權利, 所以我今天就去了他們的店舖詢問一下.

一問之下, 令我大惑不解, 那位女職員竟然跟我說沒有聽過!

和記是全港最大的電訊商之一, 應該甚有專業形象; 沒想過他們的職員的質素是如此之差! 態度亦差!

我話唔係喎, Apple 既網站已經在昨天即時 update, 個女職員話唔知道.

無花無假, Apple 網站已經即時 update:

大大個 "3" 係 Apple 網站出現, 和記既職員竟然話唔知???

然後我問佢: "Apple 尋日已經講左 July 11 在香港和記有得賣, 咁你都唔知?"

個和記女職員話: "咁係咯, 咪係七月賣咯."

我覺得佢地完全發緊夢, 而且同場有兩個男職員在場, 亦無幫口, 我諗佢地都係唔知.

咁我再問: "咁你地 May 29 已經公佈左和記用戶會優先訂購, 而家仲未知詳情? July 11 賣, 又有優先訂購, 而家已經係 10 June 咯喎."

佢都係話唔知.

咁又係既, 我番黎睇佢地既網站, 一D iphone 資料都無.

咁大間公司, 咁既處理手法就係唔專業; 比 Apple 賺咁多錢, 梗係第一時間賣哂廣告, 再加宣傳啦! 唔賣廣告唔宣傳就笨, 但係佢地真係咁笨, 我真係唔明佢地既 marketing 做緊乜.

即使無 details, 亦可以 provide 一D standard script 比下線既職員, 以留住客人, 又或者開始留名留電話留電郵, 係個 system mark 一 mark 就可以啦!

請著呢班人做 marketing, 真係想賺錢都難, 亦枉費了傾個代理番黎既要員, 拆賬俾 Apple 起碼都要三成, 而且亦係獨家, 我都唔知佢地既想法.

呢次應該係攞哂彩, 如果我係和記 marketing, 明知 Steve Jobs 會在 WWDC08 公佈, 一早已經落哂廣告啦! 未必要詳情, 只係有個 iphone, 再加個 "3" 既標誌已經殺哂; 然後再加多一句 slogan, 咁已經天下無敵了. 整個東方頭版, 蘋果頭版, brand awareness 已經加哂分, Smartone, PCCW 即刻輸足九條街.

不過佢地無做, 連網站都無 update, 我覺得好可惜, 職員全部發夢, 好明顯成間公司都無 market sense.

 

  • 米雪兒表示:

    對我嚟講無影響....  我唔多在乎啲影音電玩之類嘅嘢嘛!
    [版主回覆06/11/2008 00:06:00]米雪兒, 你個人都係最實際啦, 我鐘意, 女仔咁樣好嫁!

  • Ben表示:

    好多大公司都唔會理呢D客戶服務~~~香港特別係 ! 舊嘅客戶唔會有咩特別優惠,只有新客戶先有,因為佢地要新開客戶數目,舊有嘅…你鍾意走就走~~~咁多間只有CXL好D….不過佢D Plan 又太貴 !
     
    [版主回覆06/11/2008 22:11:00]Ben, 客戶服務當然係一個問題, 職員發緊夢又係一個問題; 但我最覺得不值的, 是這樣辛苦, 拿了個優先代理, 竟然乜都唔做; 其情況就好似訂左一席鮑翅宴, 但去食之前先食三個 burger, 三碗雲吞麵, 我覺得好可惜.
    尤其係廣告都無配合黎賣, 真係唔知佢地 marketing 做緊乜.

  • QQ表示:

    都好,少D人知少D人訂機 等我都去問下個白色先
    [版主回覆06/11/2008 22:13:00]QQ, 問到唔該你話俾我聽啦, 我諗都幾難問到!

  • Rebecca表示:

    Deareset Dr. Lung,
    Totally agreed. Without good Customer services….the sales can't be boosted up even though we got great products!
    For retail business, the critical success factor are product and customer services with heart…… heart…
    Reb
    [版主回覆06/11/2008 22:17:00]Reb, 服務由心真係好緊要, 我亦以此為鑑, 所以亦好用心對每一件事, 無論是工作, 或私人生活, 對客人, 對學生, 對朋友都好, 都要有心.
    雖然現時工作忙了很多, 但我都會盡量做多一點事, 去令大家感受得到我的誠意.

  • man fai表示:

    龍師傅,我不是打手,不過我對公司的看法是九流中的劣評。
    話說我早半年足足有兩個月上唔到網,打去公司叫人來屋企維修,總共放左我飛機四次……每次籍口都唔同……錢照收。
    一間公司的服務質素這麼差……是很失敗的了,浪費顧客對佢地既信任。
    [版主回覆06/11/2008 22:19:00]哦, 阿輝是用 "3" 上網的嗎?
    我就不知道了, 不過寬頻公司差別別都好大, 以前有線唔駛講, 我直頭想 call 齊記者, 然後去佢門口將個 modem 整爛; 現時 PCCW 則好很多, 時不時有斷線, 但很快又以無事, 再配合 now, 簡直係無敵! 如果你一天有二百四十小時的話, 如果你又睇 now 既節目的話, 佢可以消磨足你一生的時間!

  • man fai表示:

    是和記住宅上網服務阿。
    [版主回覆06/11/2008 23:26:00]哦? 和記住宅上網? 應該好可靠呀! 因為我有一個客人是馬會高層, 他們告訴我馬會是用和記的!

  • 花寶多小強表示:

    吾係喎, 我尋日去問, 個女sale話我知係7月11日發售, 但未有詳情, 仲叫我留低電話添喎, 可能係佢地傳達訊息吾夠快啦
    [版主回覆06/11/2008 23:27:00]小強, 哦? 咁就正路. 莫非唔同舖頭有唔同處理手法?

  • 火貪鈴貪表示:

    成個"和王集團",除左大老頭李生真係做野之外, 就算佢2個仔同果個打工皇帝都係返工等出糧,根本唔會有咩良心,你睇佢地賣幾百萬的樓都可以爛仔成咁就知,可況係幾十一百的服務.
    龍師傅決定幫3出新iPhone ? 我地哎瘋人網個面好似一面倒唔會同3出喎~ 佢本身D service 真係唔掂,仲要比佢賺……
    話時話,小道消息3 唔係香港獨家代售3G iphone喎
    [版主回覆06/12/2008 22:13:00]Xanadu, 係呀 ,出改機都得, 但就要等.
    我都會睇下佢個 plan 點樣然後再決定!
    再有新消息就 update 大家啦, 唔該哂!

  • beanie338表示:

    我四月回香港時已告訴你3G版iphone在六月會在北美推出,現在證明我沒有老點你啦。:P
    [版主回覆06/12/2008 22:14:00]Beanie, 你當然唔會老點我, 而家直頭 confirm 哂啦! 唔該哂!

  • Foon Koo表示:

    到家陣係得'郁得瘋'公佈左冇鎖版iphone售價,8gb-eu499,16gb-eu569
    睇黎2代香港到時有得單買都唔平喎!!!
    [版主回覆06/12/2008 22:16:00]寬哥, 如果真係有無鎖版, 而和記既 plan 又貴既話, 我可能都會買無銷版喎, 又或者, 到時又有得改機呢!
    睇黎你又有新一輪既生意了!

  • Kevin表示:

    係啦,  3超廢 d sales屎乜都唔知, 好心傾左引入就做定野啦 新聞犒出左d asles 屎懵懵下…
    [版主回覆06/13/2008 01:01:00]一間細公司係咁我都覺得過份, 一間大公司我覺得直頭過份.
    今日好似好D, 可能俾人鬧左(包括我), 今日職員都有講兩句, 就係無詳情; 當我再問, 佢地話: 請留電話.
    呢句 script 我諗只得兩句, 亦係我在網度寫過既兩句, 唔知係咪睇到我個 blog 先識講!
    佢地唔應該咁, 起碼都係個網站大賣先啦! 如果我係 PCCW, 多兩個月我攞左個代理唔玩謝你!
    場景我都有哂. 第一幕, 李家三父子在家玩 iphone, 成間屋都係 iphone, 職員係咁打來, 佢地都話唔賣, 原來佢地係用來砌積木, 老細都唔賣, 咁出面咪唔好賣住咯.
    第二幕做番 PCCW 自己, 自言自語到 : 咁就少左個對手了, 然後大賣 iphone 廣告.

  • Master Pak表示:

    唔係獨市尚好,係既話最終又係要幫襯佢。可能佢地就係持住係咁,大安旨意啦。我諗佢地cold call會唔錯既。
    [版主回覆06/13/2008 08:57:00]秋雲兄, 聽人講好似有改機, 因為而家歐洲都有淨機出, 所以買改機都有可能!

  • Foon Koo表示:

    又係我….香港除左衫之後,有第二間公間公佈左有得買啦.
    http://www.designergroup.com.hk/newDG/home/home_hk.php #
    [版主回覆06/14/2008 21:21:00]寬哥, 真係好多謝你既提供, 你真係有心, 而家又多另一個途徑去 order iphone 了!
    DG 真係做得幾好, 亦冒起得好快, 我有好多 mac 機附件都係在佢地度買嫁!

  • SkyBlue表示:

    龍大師:
    我諗都未必關佢地事,如果你有留意新聞的話,會發現有份賣iPhone的舖頭都係差不多時間出新聞稿,大家不約而同話7月11號有得賣,講得出賣幾多錢又係個幾間。我諗其實今次係蘋果做主,台先係客,我諗台想做乜都要問過蘋果。講真,如果我攞到iPhone賣點會咁低調, 第一時間大賣廣告先啦!你唔為難班Sales啦, 佢地都唔想。
    [版主回覆06/16/2008 22:02:00]林氏花貓,好多謝你上來呀,以後有時間記得多D來我網誌睇下!
    當然,如果係 apple 要佢地簽 NDA 的話,那也無可厚非,但佢地高調在5月29日開記者會話會做代理,咁即係已經俾人知左,雖然詳情未知,但都可以叫客留低電話,而 Sales 亦好應該有 standard script 再加 Q and A. 呢D係行外人,正常做生意既人都諗得到的東西來的。
    再者,無 details, 亦可以有D東西做俾人睇既!
    多D上來啦!多謝你既支持!

  • >