Thai Perfect – 真正 Perfect 無得彈的泰菜

3 月 18, 2008

下午去了銅鑼灣食飯,去了一間龍嫂跟我說過的泰國餐館 - 泰式食。

二時多去到,唔駛等位,午餐牌亦未收,咁當然叫午餐。

佢個午餐有好多款式:

廿四樣,可以試足一個月了,而午餐仲有自助沙律,餐湯,跟餐還有一杯茶,真係好抵食。

呢個就係上樓舖同街舖既分別了。上樓舖價錢一定平過街舖,而且多數唔駛等位,因為唔係咁多人知,不過就可能要人介紹先去得到;就好似呢間,雖然位處黃金地段銅鑼灣崇光對面既金百利,但由於上左樓,我都係龍嫂講我先知。

我最後決定來一個咖喱牛腩飯,很久也沒有吃過了:

有沙律有湯有茶都係三十八蚊,仲想點?

先來餐湯,佢有蕃茄薯仔湯同埋冬蔭功,因為係自助,你每樣要兩碗都得嫁!

我決定先來過蕃茄薯仔湯,不過後來太飽,都無再飲了。

佢呢個湯好香,好好飲,僅次於私房菜喜宴;我好意外咁既餐都會有D咁好既湯水,雖然佢有落少少味精,但都係好少,可以接受;翠華咁既價錢,而家翠華都係賣緊味精水啦,租咁貴!

然後再來沙律,我好意外,佢除左沙律之外,仲有炸春卷,又係任拎,我都唔係幾好意思,三十八蚊有D咁好既野食:

個沙律真係無得彈,又唔會太凍,沙律汁又香甜,有薯仔,蘋果,雪梨,真係一流,食左一碟,我再食多一碟!

接著到主菜,咖喱牛腩飯:

汁夠,咖喱好香,唔太棘,牛腩仲腍過生記,完全有咬勁,撈飯立即成為天下美味!

泰式食招呼都算唔錯,起碼唔會口黑面黑,起菜超級快!

最後到咖啡,可以不提,呢個午餐當無咖啡啦!

如果當無咖啡,我仍然覺得呢個餐係好超值,銅鑼灣咁既價錢,真係食佢既自助菜式之一,炸春卷都唔得啦!

呢間餐廳都幾有特色,門口仲放左部督督:

全泰式裝修,環境一流!

你下次去開銅鑼灣一定要去!

Thai Perfect (泰式食)
地址:銅鑼灣紀利佐治街金百利 8/F(SOGO 對面)
必食推介:咖喱牛腩飯,沙律
平均消費:五十元
分數:   (一定要去)

(分數指南:以六個太極最好,無太極最差。)


 無太極:一生不去
一個太極:被迫才去
兩個太極:免費才去
三個太極:可以一去
四個太極:一定要去
五個太極:特登都去
六個太極:一生必去

​關於作者

龍震天課程

龍震天,玄學家,作家,出版書籍三十本,題材包括男女感情心理學,語言技巧,潛意識,改思改運,解碼術,感情個案分析等。


龍震天設有一對一咨詢服務,網上課程,運程詳批,風水,結婚擇日服務,詳細服務範圍可以按以下連結了解:


http://lungcourse.com/service

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>