Wii — 得閒睇唔得閒玩

在兩個星期前已經買了 Wii, 但一直都是放在地下, 連安裝也沒有時間!

直至昨日, 被龍嫂多番催促下, 才撥出二十分鐘時間去裝機 (因為龍嫂想玩很久, 但又不懂裝機), 但裝機之後, 我又忙著工作上的事情, 就只有龍嫂一個人玩.

我們買的是日文機, 龍嫂又不懂日文, 她於是自行猜猜怎樣按掣, 怎樣玩. 我由於忙於在另一邊工作, 所以也看不到她玩得怎樣.

後來我們又趕著去吃飯, 所以我昨天也沒有碰過這部 Wii.

直至今天我回到公司, 又忙著工作, 在下午見完其中一個客人時, 剛巧有一個空檔. 於是就看一下財經新聞. 看了一會, 就見到這部昨天我親手裝的 Wii.

在那一刻我有點感觸. 龍師傅阿龍師傅, 你是否現在忙到連玩一會兒的時間都沒有呢?

於是就開了機, 我玩的是 Mario Olympics, 看到介紹的短,片 音響, 畫面也不錯呢!

Wii 是有一個 sensor 的, 因為它主要是玩一些觸控感應遊戲, 所以我將它裝了在電視的上方, 反應也不錯, 準確度也很高!

再看看它的畫面, 我覺得也很清楚呀! 雖然好像是行 720 線, 但也算是很清了, 如果買了 PS3, 豈不是更清楚?

我玩了跑步, 游泳, 射擊, 感覺也很好玩, 也真的要很用力, 對於一向沒有運動的我, 真的很有用呢!

我還知道有一個遊戲好像玩 yoga 的, 七百多元, 我想對我運動方面也一定有幫助!

 

  • FreelineAsia表示:

    I still remember the days when jobs are rare a few years back. Its good to hear Mr.Dragon got too much work to do.
    [版主回覆05/24/2008 17:15:00]摸石過河, 是的, 工作忙我覺得是一個樂趣, 只要你喜歡你的工作; 另有一樣, 就是工作並不只是為了錢, 當你為錢而工作, 大部份都沒有樂趣; 但當你不為錢而工作, 才真正能夠將工作做得好, 而金錢則是附帶收益.
     

  • 米雪兒表示:

    上次我堂哥個女嚟我屋企玩時,佢玩 wii 嘅「打保齡球」遊戲....  咁小朋友啲手,就當然無我哋大人啲手捉得咁緊個感應器架啦!  唔知係條帶較得索唔實,定係佢無索到帶....  佢一碌(指碌保齡時)就將個感應器掉到飛起掟埋去部新買返嚟兩星期唔夠嘅電視到!  好彩個角度只係擦過右上角喳!  好彩佢無掟爆部新電視喳!  嚇鬼死我!
    [版主回覆05/24/2008 22:00:00]米雪兒, 咁真係好彩, 如果唔係就一殼眼淚咯!
    我介紹你玩 Mario Kart, 我今日好忙, 都要忍唔住同龍嫂在線玩了十分鐘, 真係好好玩, 最難得係龍嫂都鐘意玩, 同埋在線既速度非常好, 絕無窒格, 正!

  • man fai表示:

    哈哈,女性果然對機器的安裝是''白痴''的程度。
    好彩有龍師傅幫手!
    [版主回覆05/24/2008 23:22:00]阿輝, 通常女仔都會怕裝機, 全部電視, 天線, 音響, 電腦, 都一定係我裝嫁!

  • 米雪兒表示:

    龍師傅,如果真係掟爆部新電視的話....最大滯係我自己主動接我堂哥個女嚟我屋企住幾日架!
    [版主回覆05/24/2008 23:24:00]米雪兒, 你好有愛心喎, 我知道鐘意小朋友既女仔, 一定心地好好, 唔會係壞人, 咁如果你個堂哥個女整壞部機, 你都應該唔會有表示, 唔通叫佢賠咩!
    我聽人講過, 有兩種人, 我地一定係要讓既, 一種係老人家, 因為老人家都捱左幾十年, 就下佢地都好應該; 另一種係小朋友, 因為佢地仲未成熟, 所以有時候就下佢地, 原諒佢地都無可厚非. 我覺得都好有道理.

  • QQ表示:

    我都講左成四個月話去買 到現在都未去睇機 Hahahahaha
    [版主回覆05/24/2008 23:25:00]QQ, 應該要買, 我都係因為出左 mario kart 同埋奧運, 所以即刻買. 而家同龍嫂最鐘意玩 Mario Kart. 難得龍嫂玩得好投入, 因為可以 online 十幾個人玩, 又每次唔同賽道, 同埋唔駛俾月費, 所以我覺得好抵玩!
    但而家新書埋尾, 工作又忙, 唯有間中先玩一, 兩舖啦!

  • Ben表示:

    Wii 呢個真係偉大發明~~唔知可以過下癮,重可以促進家人們嘅感情….不過都要你有時間先至玩到
    [版主回覆05/25/2008 12:12:00]Ben, 係呀, 所以我鐘意玩D比較簡單點的, 一開就可以玩得那一種, 太過複雜的我就不懂玩了, 例如冒險的那一類, 所花的時間太多, 我又花不起呢!
    有次行過機舖, 發覺有個街機叫三國, 我都唔知D人玩乜, 一大堆咭係度轉轉下, 好似打麻雀洗牌咁, 真係零明白, 我真係老了.

  • ming yeung表示:

    我女朋友話…玩PS3的winning都咁沈迷…所以唔比買wii
    [版主回覆05/25/2008 17:03:00]混血男, 那就遲點再買啦! 男仔好少沉迷 Wii 的, 因為 graphic 太過簡單, 和 PS3 完全是兩回事呢!

  • 米雪兒表示:

    就算真係咁好彩整爛咗,當然唔洗佢賠啦!

  • 米雪兒表示:

    打漏咗個「唔」字....  就算真係咁 唔 好彩整爛咗,當然唔洗佢賠啦!
    [版主回覆05/26/2008 08:17:00]米雪兒, 咁都好彩無爛到!

  • >