要伴侶死心塌地愛自己，是每個女人都想的事情；不過，能夠做到的人少之又少，是因為她們顯意識想伴侶愛自己，但實際上卻努力做著要伴侶不要愛自己的事情，這最常見於感情人身上。

這個成功個案，我建議各位珍藏。因為個案之中的女生，清楚展示了如何表裏一致，利用男女心理學及控心術，成功讓丈夫死心塌地愛自己（關於男女心理學及控心術，大家如果有興趣學習，可以按此了解網上課程內容。）

我常說，要一個男人愛自己，而且要很愛，你就必然要做著讓男人愛的事情；而沒有技巧的女人，感性的女人，最擅長是發脾氣，將話說清楚，半夜大哭務求得到關注，這只是很幼稚的做法，而且必然不會達到目的。

而有辦法的女人，就會默不作聲，看看有甚麼事情可以在潛意識之中和對方溝通，從而讓對方改變。

何時也要記著，不要只以自己的角度去看事情，這種做法很自私，而且也一定會失敗；你必然要從對方角度去想，看看對方需要甚麼，思考一下到底問題出在那裏，然後輔以相應行動，對症下藥，這樣自然會得到效果。

讓我們先看個案，然後再加上我的點評及分析。

網友來信

師傅你好，我啱啱聽咗你新嗰集podcast，我有啲啲感想/親身經歷想分享。

（龍師傅註：好的，歡迎來信，只要題材適合，我樂意分享，因為這樣也能幫助到大家；我有教無類，只要大家肯去學，肯聽，我就會教。）

講少少返背景，而家28歲，未同而家老公結婚前拍過超過10次拖，但次次拍得都唔長。（我非常同意女仔要拍多啲拖，越拍先會知自己想要咩，實戰經驗很重要！）

（龍師傅註：對，實戰經驗是很重要的，一兩次失敗根本不算甚麼，也很少有人一拍即合就結婚生小朋友的。）

之後同拍咗拖7年嘅男朋友結咗婚2年，2016年生埋bb，佢而家對我好好，個個朋友都話佢真係好錫我。

我係大概2013年左右機緣巧合下(吸引力法則?!)睇到你個blog。(因為好實用,所以keep住睇到而家,希望師傅有時間可以寫吓婚後嘅話題,拜托！)

（龍師傅註：真開心你可以看到我的網誌，好的，如果日後有真實個案來信，我必定會分享。）

當時我同男朋友拍咗5年拖左右，嗰陣嘅我極度感性，師傅所講嘅禁忌我大部分都有做，將被愛放大、讓我們好好談一談等等都成日做；所以，嗰陣嘅感情唔好，雙方都好唔開心。

（龍師傅註：這是正常的，你打人人家自然會避開，唯有感性人才會扮奇怪為甚麼自己不停發脾氣，給予負面情緒，每次出來見面都先預備不開心的話題吵架，卻奇怪對方為甚麼不樂在其中。）

之後睇晒師傅嘅blog，開始執行師傅都教嘅嘢（要有200%嘅執行力）；開頭係有難度嘅，因為感性人做事完全隨心，唔駛經大腦，好方便但會撞板。

（龍師傅註：對，感情一定要思考，而我的網誌，網上免費課程，就是幫助大家在感情上思考更多。）

要做師傅所教嘅嘢就要諗清楚,不過好彩嘅係,師傅某部份教嘅嘢自己都有做開 eg：LAP 加上嗲嗲哋嘅語氣,有時加埋仰慕嘅眼神。

（龍師傅註：LAP 技巧是我原創的，非常實用而且容易做，大家一定要記住。）

溫柔體貼細心都會做嘅,但唔係經常做；同理心都識嘅,不過同樣地唔係成日做。(以上自己會做嘅係拍咗好幾次拖,先學到嘅,早啲睇到師傅嘅blog我相信我嘅感情路會順好多!)

個人認為最難做到嘅係同意唔同意嘅事，但做到之後，事情會意想不到咁好！

（龍師傅註：這一定是的，因為這是溝通技巧，如果懂了，溝通技巧自然會有所提升。

要學習溝通技巧，大家可以按此參加我的免費講座「溝通一定要做對的三件事」。）

當做咗師傅教嘅嘢,之後見到成果,係會令自己更有動力去做,所以一直做到而家。

其實師傅個blog救返我呢段感情,十萬個感激,多謝師傅無私嘅分享!

（龍師傅註：非常感謝你的來信和我們分享你的經歷。）

由同男朋友分手邊緣去到佢主動求婚(嗰陣我仲拖咗成年先同佢結)再到而家結咗婚生埋仔都仲咁sweet,真係要keep同用心經營!

而家做到令佢唔可以無咗我,因為得我可以令到佢放鬆,忘記到返工時嘅煩事；佢返工時會放心交頭家俾我,係比較大件事同俾錢先會勞煩到佢。

（龍師傅註：這就是你實質做過的正面事情而讓你得到回報；大家如果感情不好，應該要想想，你做了甚麼和感情有關的正面事情？急著表達不滿嗎？每次見面都批評嗎？對方有理想而你潑他冷水嗎？不停很自私而要對方哄自己給麻煩對方嗎？這些問題一想就明，唯有在感情上不願意付出但又想有收獲的女人才會對這些正確事情不屑一顧，結果一生都沒有男人愛自己，最後將責任推給緣份，推給上天就完美。）

未生bb之前佢有大假就同我去旅行,每次去旅行都係開心去開心返嚟,盡量令佢覺得同的去旅行係開心嘅,要俾佢覺得去旅行同我先會咁夾,咁佢就會淨係想同我去旅行。

陀b嘅時候佢知我辛苦,運餸都唔駛我買,飯又唔駛我煮；生咗b之後會幫手換屎片(厭惡性工作嚟,佢做完間唔時要讚吓佢),洗奶樽等等等等。呢度只係一部份嘅事實,懶得再打......

可能以上呢啲未必係好令人羨慕,但係我自己嘅角度嚟講,一個男人會用心去對自己係最重要!而且我而家係全職湊b,經濟上絕對要佢照顧。

（龍師傅註：其實伴侶能夠做到以上這些，已經很好了，唯有那些感生女人才會不知足，永遠都只看到男方負面的事情而不停要求，結果感情運越來越差。）

做齊師傅所教嘅嘢,之後我真係覺得佢愛我多咗,感覺係虛無咗少少,但事實佢對我好咗就夠lu。(事情表面上好就好)

感謝師傅抽空睇晒!

如果師傅認為值得分享,我好樂意俾師傅點評!

（龍師傅註：這一定是的，只要自己肯付出而且正確，感情上其實很容易就可以得心應手；最重要是自己有沒有心做，以及做了甚麼。

我有些感性女客人，她們以為自己付出了很多，但當我問她到底付出了甚麼時，她們一句也接不上口，其實只是那些空泛的情緒及形容詞，例如「我很愛他」，「我很緊張他」就以為是自己的付出。）

啱啱醒起一件事,想講埋。

有一次同老公當時係男朋友去旅行,喺間賣化妝品店入面,我揀緊香水,嗰sales企係隔離想sell我啦,咁自己聞吓又俾男朋友聞吓。

可能我揀完男朋友表示麻麻哋,sales講咗句:自己鍾意咪得囉。

我覺得佢潛台詞係:唔駛理男朋友鍾唔鍾意，可能個sales覺得我係決定買唔買嗰個所以咁講。

不過我嗰吓覺得sales唔尊重我男朋友,所以我講咗句:我搽嚟都係俾佢聞,梗係要佢鍾意啦。之後sales尷尬咁笑一笑之後行開咗。

（龍師傅註：你說得很好，而且你也做得很好；你搽香水，其實也是給男朋友聞，當他說一般的時候你不買，你做得很正確。

另一方面，那位 Sales 其實只是想你買香水而已，她根本就沒有從你的角度出發，所以她全錯。

最後，你不會因為你男朋友說不好聞而和他吵起上來，這樣其實是很正確的。)

我男朋友當時其實都陪我行得唔多耐煩,因為我呢句,我諗佢覺得我顧及佢感受同面子,結果佢幫我埋咗呢間舖張單。

想表達嘅係,男朋友陪自己行街都要顧佢感受,尊重返佢,我都明女人一買起嘢上嚟媽媽姓咩都唔記得,但做到嘅話男人會更樂意陪自己。

（龍師傅註：對，和男朋友也好，丈夫也好，如果一起行街，真的要小心不要只顧著自己看這樣自私，不停要伴侶陪自己看衣服，化粧品，這些事情只是感情失敗的女人所做的，她們眼裏只有自己，所以不會有同理心去想別人的感受。

希望你和你丈夫白頭到老，孩子快高長大！）