這次的分享很實用，因為我的客人用了她和三位男生的互動，去說明如何用術去吸引對方，讓對方喜歡自己，又或者很喜歡和自己相處。

女人無非就是要做到這些，讓你身邊的人都喜歡你，離不開自己。

真的不難做，更有實例去印證，你更會容易明白。

我常說，要看感情個案，學習感情技巧，就一定要看實質個案；而我的 Blog，就是有最多真實例子供你參考的地方。

因為有實質例子印證，你就會更容易明白我的感情理論在說甚麼，以及如何應用。

讓我們先看我的女客人分享，然後再加上我的想法。

網友來信

龍師傅：

你好，我係 K，上個月曾經搵過你做一生運程咨詢，現時確實變得更好運，所以感激你亦想同你分享我既近況。以下內容可公開，煩請以C稱呼，謝謝你。

（龍師傅註：好的，我先多謝你大方公開個案，如果題材適合，我是會分享的，也可以幫助到更多人。）

我上個月搵龍師傅做一生運程咨詢後努力改善自己。本身係因老闆話我說話令人感覺唔舒服，後來佢發現可能佢誤會左，不過多得佢我先會搵龍師傅你做咨詢。

呢個月黎發生左好多事，所以來信會比較長，希望龍師傅願意看下去。先簡述我既一生運程：我二十二歲先會開始起運，而二十二歲前既呢三年半運會有大起伏，之後則會愈來愈好。貴人運強，桃花運唔算差，唔適合同年紀差太遠或比自己年少既人一齊，但係現時唔應該放太大心機係愛情方面。

我將自己呢個月既事分為兩方面，同時亦希望知道自己既思維有無錯誤。

先係感情方面，呢個月內有三個人比較值得學習，但三個都唔係可交往對象。

（龍師傅註：可以的，雖然三個都不是長期發展對象，但也可以當為學習教材，從人領悟到愛情技巧及道理。）

A係我既同學既中學同學，有次佢黎陪我個同學上堂而認識左佢。

同佢相處既過程中一直有用師傅教既LAP、溫柔體貼細心，佢真係因為咁而鐘意左我。

因為我知佢比較負面，而且容易衝動，唔適合我，所以就算知佢對我有意，都無會感性咁為拍拖而同佢一齊。

（龍師傅註：如果一開始時就知道對方價值觀和自己不一樣，就不要勉强自己，所以不發展是正確的。）

後來佢發現我原來對所有人都係咁好，而佢一開始鐘意我其中一個原因係以為我對佢有感覺，所以佢覺得我令佢太無安全感為由放棄我；又因為驚自己會繼續陷入我既「陷阱」而連朋友都唔做。

但係我無因為咁而改變，因為我覺得佢會咁諗係佢太無自信或者有控制慾，我亦無必要為佢而減少同其他男仔交流。

（龍師傅註：根本也沒有任何關係，因為你根本就不喜歡他。

而你也成功做了桃花萬人迷，就是他以為你喜歡上他；桃花萬人迷清一色都是這樣的，就是無論對任何人也好，也會充滿正面情緒，豐富身體語言，滿面笑容而讓男生動心，這是好事。）

B係我既同事，佢大我十三歲，而且有個穩定交往既遠距離女朋友，所以我一開始已經無將佢當係對象。

佢係個非常溫柔既人，對所有人都好好，所以全公司既同事都好鐘意佢，被好多人話係完美男朋友。

因為佢太好人，好多野都會幫我地做，觀察左好耐都發覺全公司既女仔都同佢無等價交換可言。

本身我都覺得自己無野可以做，後來有次落雨佢無遮，而我每日都必備雨遮，所以我就遮埋佢。

我從呢方面再細心留意，發覺佢經常忘記帶遮，所以同佢返工既日子我會遮佢，我無返工既日子就會特地提佢帶，結果佢慢慢依賴左我。

而且佢病既時候如果同佢一齊返工我會遞暖水比佢，就算唔同時間都會係佢就返工個陣倒定比佢，好神奇原來咁簡單既野得我一個會做。

（龍師傅註：大家也要學習，就是根本一些簡單的事情已經讓自己與別人不同，但有很多女生想得太複雜，會覺得這樣會被人誤會自己喜歡上對方，其實是不確的。

另有一種，就是明知看到對方需要，但卻不屑於去幫助別人，只將自己放大，這樣的人也很自私，只顧自己，在愛情路上必然會很蝕底。）

後來佢升職，有好多野要學，初初經常要ot，個段時間就發揮左我平日觀察既成果，我發現佢記性好差，成日漏野，所以佢ot做野既時候我會幫佢執左書包先，同埋check三四次個場，等佢做完野之後無手尾要跟。

而且我知佢夜晚一定會好肚餓，所以每次都會帶食物比佢；成間公司得我一個佢會去依賴。

（龍師傅註：看上去你對他很好，如果不是太過影響自己，浪費太多時間，還是可以做的；只是太過勞心勞力，就不要做這些。）

有一次出現左突發情況，同我一齊返早既上司唔知醒，老闆急搵B返工，而B係升職之後第一次同老闆以外既人返朝早。

因為朝早得兩個人返工，又要收貨，個日又遲左開鋪，而且我只係返過兩次朝早，所以佢好擔心。

不幸地個日有好多貨要收，而且全部同一時間黎，佢超級忙；而我係佢處理網上收貨既時候自己默默咁執貨同做晒所有野，最後佢不停讚我，仲向老闆表示好想多啲同我返工。

其實看似再完美既人都一定會有可攻破既位置，只要觀察多左就可以不停幫自己加分。

（龍師傅註：你做得真的很好，這樣你必然會為你自己人生加分；很多人就是不停想不付出，但卻想有很多收獲。

未必一定要對男朋友，對同事，普通朋友其實也可以主動做多一點事情的，人緣必好。）

最後C係我最近識既同學，佢都係有女朋友，不過無必要因為咁而同佢疏遠。

佢同師傅一樣好鍾意玩魔術，以前睇過師傅其中一篇文章有段係講一個男人唔會想女仔睇完魔術之後反應好差。

而我當然跟住師傅所講，比足反應佢，佢亦都同朋友講表演比我睇係最好玩，我既反應一流。

（龍師傅註：對，我有講過，你真好記性！我們不一定要真實地反映對方的表現如何，只需要想在當下我們應該做甚麼就可以。

別人表演，為的當然是想對方讚賞，而讚賞真的不用花很多力氣，所以絕對值得做多一點。）

佢亦講佢另一位女性朋友既事，個位朋友係每次都會講「我知呀」，令佢同成班朋友好唔開心，所以做人必然唔係坦白就好，都唔係硬要認叻。

（龍師傅註：對，這也是人性的陰暗面，一定要知道對方想要甚麼，而滿足對方；不停認叻的人，其實真的沒有甚麼朋友的。）

除左魔術之外，我學習上都幫到佢，所以佢經常約我一齊做功課。

C依家每日都會搵我，讓我可以好好學習 Whatspp 技巧。

唔係yes or no 就足夠，所以我會講詳細啲，例如佢問我返工返早定夜，我答完之後會講埋實際係幾點到幾點，佢都會講自己既時間，所以我唔洗問已經知好多野。

（龍師傅註：對，就是這樣，除了答了是或否之外，加多一兩句，真的毫不困難，但就有很多人都做不到。）

不停幫佢之外我都唔會將自己塑造到好勁咁，平時反而係傻下傻下，最近都比佢話我好可愛，最重要係係重要時刻竟然幫到佢既話會加好幾倍分。

佢地三個係最有學習價值既，其他人我都一樣有應用；例如想佢黎搵我個陣，如果個度好近佢佢又好熟既話，我會問佢a車定b 車近xx架? 

呢類唔洗麻煩佢諗好耐，答完之後我又可以讚佢既問題。如果佢有興趣必然會問落去，甚至會主動話會過黎。

（龍師傅註：對，這也是問話術的一種，一定要在平日的對話多花心思。）

我二十二歲開始會多人追一定係因為睇多左好多龍師傅既網誌而成既，非常感激你！

不過可以見到依家接近我既都唔係可交往對象，可能我潛意識出左問題。

因為來信已經好長，我下次先再分享其他方面。感激龍師傅，亦祝你愈來愈多支持者！

（龍師傅註：多謝你的分享，而你的分享也正正道出了感情上有很多技巧，你也可以用實質例子去清楚說明出來，可以幫到大家。

我代網友們多謝你的無私分享！）