今日要介紹既，係位處銅鑼灣廣場既南翔：

未到七點已經好多人。我同龍嫂都要等左二十分鐘先有位坐，但都無所謂，因為樓上樓下都有好多野睇，睇完上去就差唔多。

門口有好大個牌介紹，佢地標榜係正宗上海城隍廟既南翔搬過來，好正宗：

之前鼎泰豐都標榜係台灣過黎，因為管理不善，師傅同服務員又亂黎，質素又差，將貨就價，所以到最後都要執笠（但最近又係新港中心開番，標榜全部質素由台灣直接控制，我有機會都會去試下），呢間南翔係點？一陣試下咪知咯！

先睇下佢既介紹，我係上海都食過，勁多人，但勁好食：

未來野食，先來茶，佢既茶好有特色，每位都只係八蚊：

我叫左玫瑰果味茶，好香，好好飲：

龍嫂叫左菊花茶，不過佢話無乜味，拉尾溝我既茶黎飲：

佢呢種沖泡方式最叫我欣賞，一人一壺，慢慢飲，慢慢嘆，好有特色！

食物方面，如果你唔想諗可以叫佢地既套餐，但我勸你都係自己諗下，因為我地自己諗，食到飽飽都唔駛套餐既價錢，而且套餐又好似唔係好啱食：

醬醋器皿，都好精緻，好有日本 feel：

我同龍嫂叫左幾樣野，但後來唔夠，又要加單：

咦？點解有隻手指公既？估下隻手指公係我定係龍嫂？

哦，原來佢既餐牌有Ｄ食物隔離係有手指公既，即係代表推介。我地叫左好多佢地既推介，味道真係一流，除左有一樣，一陣先講。

先來小籠包，湯汁豐富，肉質香甜，又夠熱，完全合格：

如果你去到，你就會睇到佢地分開左有個工場係專做小籠包既，透明玻璃，好 impress，因為師傅既態度好好；仲有一個女師傅，紮長馬尾既，離遠睇落去真係好有魁力。呢Ｄ就係 charming 了。

另一個，我想講講，千祈唔好叫，佢係蟹粉湯飽：

夠熱，肉汁超多，不過成個都係超腥，我唔知點解。

睇番隔離檯，我地左右兩邊分別坐左兩 pair 人，佢地一人一個，夾埋四個，我特別留意佢地食左之後係乜反應：有Ｄ無出聲，有Ｄ即刻唔食，有Ｄ話：咁既味既？證明真係唔好食。

我唔知點解呢個推介會咁腥，莫非地道既就要係咁樣？都係唔太合香港人口味。

蔥油開洋拌麵，我食左之後好感動，我俾足一百分，一定要叫：

用大量蔥花舖面，大家睇唔到內裏係點樣，我揭開佢再影多張俾大家睇：

味道好濃，麵質彈牙，蔥超香，出面無任何地方可以做得到，如果有你話我知啦！三十蚊係超超超超超值！

酸棘湯，又係一絕：

湯味夠濃，料又足，飲落去好正宗，好地道，出面都唔係咁易飲得到！

薰蛋，貴就貴Ｄ，廿二元兩隻，但真係無得彈！

入口即溶化，我建議貴都要叫，同溫泉蛋一樣好味，我唔駛兩分鐘已經食哂了！

到最後試左佢一個腰果酥，又係無得彈，一百分！

軟硬適中，好多層，好鬆化，好似叉燒酥咁既味道，但佢仲好食過叉燒酥。

最後黎個炸饅頭，以南翔咁專業既技術，梗係 easy 執啦，又係一百分！

我覺得整體上全部我都好滿意，只係個灌湯飽下次唔好叫就可以了。

最後攪到食唔哂，要打包添：

夜晚再食過，真係好好味，我誠意推介，南翔既小籠飽同埋饅頭真係好正宗的！

是次埋單二百零七元，超級抵食！

南翔饅頭店
地址：銅鑼灣廣場一期 3/F 305-8 舖 
必食推介：小籠飽，饅頭，酸棘湯
平均消費：一百元
分數：　　　　（特登都去）

（分數指南：以六個太極最好，無太極最差。）

　無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去