今天下午路經油麻地, 當時是下午五時多, 食晚飯又不是, 不吃又不是, 肚子餓得要命, 所以想吃一碗雲吞麵.

找了很久也找不到, 到最後來了這一間, 深仔記.

老闆周先生在這裏做雲吞麵做了二十五年, 環境是舊式裝修, 但沒有所謂, 夠地道:

我看看餐牌, 主打麵食, 本來想試多數樣, 但晚上還會有飯局, 所以還是叫一碗麵算吧, 撈麵太多, 就來一碗炸醬麵.

看看四週圍，原來有很多報章雜誌也有介紹，看來是好吃了：

煮麵的檔口就在不遠處，我不知道這位是否周先生（因為雜誌影的相是多年前，樣子好像有點不同，所以不肯定），不過肯定他笑容可躬，甚有禮貌，招呼直頭拍得住 Ritz Carlton！

我常覺得做生意應該是這樣的，好又一句，唔好又一句，橫掂都要落單了，何不多些笑容，加多一句多謝，在麵檔已經拎足一百分了！

炸醬麵來到，非常香滑：

麵身爽夾滑，絕無硯水味，很久沒有吃過這樣好吃的麵條了！

炸醬略帶點油，剛好提升了豬肉的香味，口感也很彈牙，十五蚊一碗麵能夠有這樣高的水準，我異常滿意，即使賣到二十五蚊一碗我也覺得超值！池記都未必做得夠佢好！

也有來一碗湯，也甚為好飲！

一，二，三，三分鐘我已經食哂，仲要主動話俾佢聽："你碗麵好好味呀！我食到停唔到口，不過今晚又要食飯，下次我一定過黎試下你地既蜆！"

因為我見到佢餐牌有寫到，晚上六點半後有小菜，小炒，我深信一定會係好好味！

我覺得佢地真係好用心做呢碗麵出黎，我食完之後好感動！極力推介！

佢地係油麻地 MTR 附近，出閘後三分鐘步程，不妨去搵下，包你食得好開心！

深仔記
地址：九龍油麻地砵蘭街  99  號地下
電話：27803768
必食推介：炸醬麵
平均消費：十五元

食物質素：　　　    
環境質素：　　
服務質素：　　　   
物值　　：　                 

總評　　：　　        （特登都去）

（分數指南：以六個太極最好，無太極最差。）

　無太極：一生不去
一個太極：被迫才去
兩個太極：免費才去
三個太極：可以一去
四個太極：一定要去
五個太極：特登都去
六個太極：一生必去