吾好吾食22/05/2022

今天晚上,和龍嫂去了中環,正在想有甚麼好東西食時,看見了這間杏花樓:

我橫諗掂諗,杏花樓唔係食糖水咩?

龍嫂話:唔只嫁,佢都有飯食,不如試下咯!

也想不到有甚麼其它地方好吃,於是就進去了。

地方尚算不錯,他們晚市有做套餐,於是拿上手看一看:

連凍飲也是四十三元,在中環有此價錢,也算是經濟實惠;卻原來是惡夢的開始。

影完菜單之後,有個服務員走過來說:先生,呢度唔俾影相喎!

唔俾人影相只有一個原因,就係因為D野唔好食,驚比人寫。

當下沒有理會,只在想如果再來干涉我就走了,但之後她們又沒有阻止的意思。

叫了兩個套餐,一個係香茅豬扒飯,一個係蕃茄牛肉米線。

服務員落單,字體罕有地整齊:

不過原來寫得整齊與否和東西是否好吃係無關的!

先來蕃茄牛肉米線,用料足:

何謂用料足呢?即係碗野有齊蕃茄,牛肉,米線;味道麻,都好難做得出咁難食既米線;蕃茄硬,牛肉肉質其劣無比,擺明將貨就價;米線都好似未煮熟,生過唔生。食左一啖,即刻放番低。

然後到香茅豬扒飯了,佢既飯叫做十八穀飯,即係有十八種穀既飯:

又係齊料咯。我無數過,不過應該都唔會少,但飯硬又無味,我想問其實佢地自已有無食過呢?

豬扒分開上:

肉質硬到你無命,肯定係翻炸!

雖然餐飯係好難食,但龍師傅做人好公道,好既我會讚賞,呢杯芝麻雪丸冰就真係好好飲;不過呢杯野無得跟餐,照原價廿一元,都算抵飲:

佢係飲得既芝麻糊,再加雪米磁,好有特色!

嗱,好地地做甜品咪幾好咯,無端端走去整飯,我建議係呢度食甜品可以,食飯就無謂啦!

又應左我一個成日講既道理。唔係食果行飯既就唔好做果行。做開甜品既就唔好去整米線,整西餐既就唔好去整日本野。

我地做人亦都係一樣,人總無樣樣專業,只要你有一樣專業,徹徹底底咁發揮出來就可以了。你幾時有睇過源記甜品無端端整個叉雞飯你食呀?

杏花樓
地址:中環擺閣麟街 32 號 C 舖
必食推介:芝麻雪丸冰
平均消費:五十元
分數:  (免費才去)

(分數指南:以六個太極最好,無太極最差。)

 無太極:一生不去
一個太極:被迫才去
兩個太極:免費才去
三個太極:可以一去
四個太極:一定要去
五個太極:特登都去
六個太極:一生必去

BONUS BLOG:Aluminium

又到食完飯行街街既時候了,除左俾我睇到洋服舖都有擺風水之外,上到去擺花街,見到呢間 Aluminium:

呢個品牌在設計界裏非常出名,好多設計師都有用呢個品牌,因為佢係意大利做,夠特色同埋夠貴。

我最鐘意係佢既椅,心目中常常想買三張:一張自己坐,兩張俾客人或朋友坐,咁就顯得好有品味了;好似門口呢張,你睇個椅背,真係好特別:

讓我再想想吧!而家D椅好地地,又坐得舒服,無理由咁就掉左佢地嫁?

Sudio E2 藍芽耳機 85 折優惠再送贈品!

只需要輸入優惠碼「LungchuntinE2」,就可得到全單八五折優惠;30 Apr 前更送無線充電板!

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>