27 3 月, 2008

今天在寫字樓做得很夜, 收工已經是八時左右, 想不到往那裏吃. 只想在寫字樓附近草草了事算了. 不過食碗雲吞麵又好像有點簡單, 突然想起先後有兩個客人都有介紹過西環的 "泰國人海南雞", 於是就去試試.

這間餐廳主力是海南雞, 要其它的東西也有, 小吃也有, 不過第一次來, 當然是叫他們最耍家的海南雞飯啦, 三十八蚊一客, 仲有湯送, 我真係以為我睇錯:

背後是飲品 list, 我同龍嫂本來想叫一個椰青, 一個椰皇, 不過椰青已經賣光, 所以叫了兩個椰皇:

除了叫海南雞飯之外, 我們也叫了一個 "泰式雜錦撈金邊粉", 聽落去好好味呀!

檯面放了魚露, 棘油等, 好泰式:

落單後, 服務員就將單貼在檯面:

先來海南雞, 呢味真係佢地主力, 兩分鐘已出來:

這個海南雞, 如果計味道及軟滑程度, 我肯定俾 B+, 而星加坡文華酒店則會俾 A++, 爭三個級數, 只係呢間無去骨, 同埋唔夠星加坡文華 Grand 而已, 論味道, 他們已經做得好好!

飯就差D, 無乜味, 雞油唔夠, 所以香味絕對唔係一級, 但佢有個湯補救:

湯係雞湯再加冬瓜粒, 好鮮味, 好香, 用黎撈飯就剛剛好. 呢個海南雞飯, 唔係最正宗, 甚至乎連醬料都只得一樣, 不過我都可以俾八十份佢! 如果以三十八元的價錢來衡量個物值的話, 我可以俾到九十分!

再來就是雜錦撈金邊粉了, 用料十足, 未食我已經知道好食:

佢有牛丸, 豬肉丸, 鮮牛肉, 蘿蔔, 真係乜都有, 都只係賣三十蚊咋! 咁既價錢, 真係大家樂都食唔到!

配料好好味, 牛丸爽口, 豬肉丸好彈牙, 鮮牛肉好香腍, 而蘿蔔亦係糖心, 好有蘿蔔味!

個粉就差少少, 但都可以接受:

我覺得只係差個味道, 同龍嫂既感覺一樣, 其實大家食得多, 意見都係差唔多, 即係話好既野食意見係好一致既. (又想起 openrice, 點解D十大同我地想既差咁遠呢?)

我地同時亦叫左個泰式春卷, 完全合格有餘; 三十二蚊四條, 都差唔多了:

春卷配料十足, 而且好有春卷味, 絕對係新鮮, 有D好似隔夜咁, 腍 bet bet, 送俾你都唔食啦!

睇下佢入面, 佢真係用料十足, 絕無欺場:

椰皇超好味, 十二蚊一個, 俾出面平好多了:

不過咖啡就千祈唔好飲, 我雖然無叫, 但睇到對面有兩個女仔, 叫完飲左一啖就走左, 我都知道係乜野事了:

我地兩個椰皇分開兩次加單, 所以後來變左三張單:

服務員完全無咋型, 都算好招呼, 值得一讚!

佢地應該無做過生意, 因為以我黎睇, 如果以咁既質素絕對唔止收呢個價位, 我覺得佢地可以賣到五十八元, 只做海南雞, 去埋骨, D 飯攪攪佢, 變香D同埋滑D, 咁一樣大收旺場!

可能佢地驚係西環開到五十八無人黎卦? 但我就一D都唔擔心; 而家西環人消費都好高的, 當你睇到寶翠園, 高逸華軒, 泓都既客人, 你就知道西環既消費幾高都有人去 (西環尾食蠔可以去到五百蚊一個都要訂位; 又試過同高逸華軒個客去西環茶餐廳飲咖啡佢問人地有無 wine, 仲要係字正腔圓, 好重咁拼個鼻音 "wine" 字出黎.).

泰國人海南雞
地址:西環卑路乍街103 號地下(祥香隔離, 屈臣氏過數個舖位)
必食推介:海南雞飯, 春卷
平均消費:六十元
分數:       (特登都去)

(分數指南:以六個太極最好,無太極最差。)

 無太極:一生不去
一個太極:被迫才去
兩個太極:免費才去
三個太極:可以一去
四個太極:一定要去
五個太極:特登都去
六個太極:一生必去

關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?