17 3 月, 2008

(估計閱讀時間:  分鐘)

晚上行經銅鑼灣, 想著去高麗韓國燒烤餐廳, 剛好在隔離有一間西餐廳, 門口望落去好吸引:

個名叫做老佛爺, 好似好特別喎, 於是就同龍嫂入去試下.

英文名叫 La Fayette, 唔知有無特別意思呢? 我見到佢地既咭片, 係有個洋人頭係度既, 可能古時真有其人都唔一定:

餐廳佈置很精緻, 用具也很精美, 坐得很舒服, 極有高級西餐廳既感覺.

先睇下個餐牌有乜野食.

見到有海南雞飯, 好啦, 試下, 最重要係去骨, 啱哂我.

除此之外, 佢地仲有其它套餐, 價位在百零附近, 好合理:

我同龍嫂商量完之後就叫肉眼扒, 五成熟, 而個老細(真係有樣睇既, 佢既相格一睇就知係老細) 亦都在我們一進來時很有禮貌地招呼, 也詳細介紹了他們有甚麼好吃, 招呼一百分.

除了叫餐外, 你還可以加廿蚊叫龍蝦湯, 加十五蚊叫沙律, 加五十八蚊叫個鵝肝, 正是豐儉由人:

我睇到個餐牌有 "老佛爺咖啡" 呀, 到底係點既味道呢? 好期待呀!

海南雞飯有個前菜, 係豆腐卜及芽菜, 我可以俾一百分:

有一個 gesture 係好重要, 就係老細親自攞過黎, 重要將對筷子擺到相中咁樣, 所以我特地影張相黎讚一下.

一咬落去, 豆腐軟, 索哂D鮮汁, 而個汁好有南洋風味, 你係第二度係食唔到呢種味道嫁!

芽菜亦香甜, 一個一百分既頭盤!

再來就係龍蝦湯了:

味道濃, 原隻細龍蝦上, 因為好細隻, 所以無乜肉, 不過龍蝦頭就好味, 好多羔.

再來就係鵝肝, 個老闆好 considerate, 話上左個鵝肝等我地食完先至上其它菜, 免得一片混亂, 我覺得好有酒店招呼既感覺.

鵝肝一上, 都唔駛講好好味, 下面已經證明一切:

三十秒之內, 我同龍嫂都無講野, 只係極速想食哂佢! 因為太好味了, 五十八元絕對超值!

下面佢有舖左冰凍木瓜, 我覺得佢地既做法真係好聰明, 完完全全可以平衡左鵝肝既滑漏!

然後到海南雞飯了, 真係睇頭十足:

先講湯, 佢地無雞雜湯, 用明火例湯, 但個湯煲得好夠火喉, 味道一流, 又無乜味精, 我好快飲哂!

我估係紅蘿蔔煲生魚, 真係好夠味, 火喉十足!

汁醬合格, 起碼有三樣齊哂俾你:

去骨雞, 完全去骨, 食得好滿意, 但就嫌隻雞嚡了少少, 可能是過熟的緣故, 如果生番D會滑D:

飯則係最差既一樣, 好似有少許雞油味, 但不夠油, 不夠香, 而且用了菜做菜飯, 未夠正宗, 而且比較乾身. 都唔係話佢唔好味, 但比起正宗雞油飯差好遠.

當佢白飯咁食都OK既!

繼續來了另一個主菜, 美國肉眼扒:

用叉叉上手一秤, 五安士左右, 兩個人都好夠了, 因為鵝肝很漏.

老細話用上美國肉眼扒, 我覺得可以再整得更好味, 因為佢太熟, 而且唔夠 juicy, 咬落去很硬, 差不多用刀也切不開, 感覺上很乾, 就像牛肉乾一般.

配菜幾好, 有南瓜, 薯仔, 我都食哂:

食飽飽, 最後來個老佛爺咖啡, 咁奇怪既, 用黑白奶既杯同碟?

一飲落去, 肯定不是用黑白奶, 他們是用愛護牌的忌廉, 但質素也只是一般而已, 因為面頭無 creama, 肯定不是用咖啡機沖泡, 多是是用壺煲, 而且豆的味道也不怎麼香, 其實可以做好一點的, 他們的地方也不是那樣繁忙, 可以考慮用咖啡機, 用一萬元左右的, 已經可以有不錯的效果了, 又很方便, 他們不妨考慮一下.

最後一提的是他們的招呼, 好到加零一, 大家都很親切, 也很用心的去招呼你, 這種心意在別的地方很難看到; 亦因為有佢地咁好既招呼, 我會加一個太極俾佢地.

最後, 老闆特意走來問我們食物怎樣, 很是難得; 我如實說給他聽, 他也樂意聽我們的意見, 希望他們下次可以做得更好!

順帶一提, 他們是有 wine 晚餐的, 一百八十八元一位, 喜歡飲酒的不妨一試!

老佛爺
地址:香港銅鑼灣禮頓道60號地下
必食推介:鵝肝, 龍蝦湯, 豆腐卜
平均消費:一百六十元一位
分數:   (一定要去)

(分數指南:以六個太極最好,無太極最差。)

 無太極:一生不去
一個太極:被迫才去
兩個太極:免費才去
三個太極:可以一去
四個太極:一定要去
五個太極:特登都去
六個太極:一生必去

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>