28 5 月, 2009

早前分享過有關姓名學的文章,一連三天,和大家說明一個人的名字的重要性。

我所得到的回應甚多,其中有一個客人,耳聞.目睹的回應最值得和和位分享,值得大家深思。

耳聞目睹的回應

龍師傅, 我都覺得一個人的名字好緊要, 一個名改得好唔好, 絕對會影響深遠!

好似我uncle個仔仔咁, 大概八九年前同佢補習, 當時讀小五小六, 個性好動, 成績又唔好, 性格都好頑強, 有一日, 我無意中靈機一閃, 發覺應該係同個名有關, 事關佢叫雷錦強(雷咁強), 唉….你話有乜辦法會聽人話好好溫習呀, 結果, 後來上到中學都讀唔成書.

另外, 我覺得, 如果改一個名係好搞笑既, 即係容易被人改花名既都唔好啦, 我見過有人叫吳七好(嘩….粗口名), x亞帥, x美女……等等, 幫佢地改名哥個真係想玩死佢地咩…睇到呢d名真係笑爆咀. 好容易成為別人攞黎取笑既對象, 自己心理唔多唔少都有影響啦, 繼而無自信去識朋友, 社交圈子窄, 仲唔屈到病咩.

而英文名有d都好好笑, 好似Samantha (食咩飯), Patrick (劈柴), Ada (捱打), 有d就要夾埋個姓, 好似 Joe Ieong (遭殃), Judy Fan (早d番), 間唔中都收到呢 d 搞笑email. 我都send 左其中一個好笑既email俾你睇睇.

不過, 有時改得個名太普通同人撞就唔係咁好, 好似公司叫Anna, Rachel, Fannie, Catherine, Maggie, Cherry, Steven, Gary, Ken……最少都有三個以上, 有d仲要同姓!叫起上黎都唔知叫緊邊個. 但係改得太難既話, 講俾人地聽自己叫咩名個陣都好難形容啦, 我見過有人叫 x 烱柞, x 劼, 我真係要查字典先識讀佢地個名呀.

我未睇你篇文章之前仲以為改得特別 d 會好 d 添, 因為唔怕咁易同人撞名呀麻, 原來我既諗法係唔正確既………

期待你的第三同第四篇文章, 我會追睇同留言既. ^.^

龍師傅的回應及感想

耳聞目睹的回應,可讀性甚高,也說出了我心中的想法。

一個人的名字好不好,怎會和運氣完全沒有關係呢?如你說吳七好的人緣很好,大家完全對他的名字沒有偏見的話,我是不會相信的;單就這個名字,我就很有理由推翻那些人說姓名學毫無根據的論調了。

在過去有關姓名學的三篇網誌之中,沒有一個回應提及另外一個想法。大家都一面倒贊同姓名學的重要性,似乎彈相反論調的人全部都消失了。

文中所說的 "雷錦強" 也很好笑,我也肯定,他的好動,難教也和姓名直接有關係。如果將名字改為 "陳勁",那也一定會很牛精,因為身邊的人聽到他的名字,會將他標簽,然後他自己也會對號入座。

耳聞目睹說得沒錯,名字太普通的確沒有太大的氣勢,但如果要我選擇,我寧願名字普通,也不願改一個 "Trakaslavov" 來讓人永遠忘記。

一個人的運氣,其實是集合多樣東西而成,姓名學,出生年月日時,風水,出生教育,後天環境,個人際遇,全部都有影響。

好好想一下,你會發覺姓名學不但趣味無窮,也是一門有根有據的學問。

關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?