這天行經銅鑼灣，發覺有一大班人在排隊，唔知發生乜事？

原來可口可樂攪 COKE ZERO Promote。見到人龍唔係太長，即管過去排下，順便睇下佢既運作，因為 COKE ZERO 或無糖可樂我都好鐘意飲。

排左唔駛三分鐘，已經排到，真係俾一罐 COKE ZERO 你，係 7-11 要賣六個二。

呢班大眼人好得意，佢應該有個 Theme，但係未睇到，於是邊飲邊睇。

罐可樂一拿上手，好凍呀！我睇下呢個可樂桶，佢點整到咁凍呀？仲要咁快派出，我諗應該係雪到冰先拎黎：

睇真Ｄ，可樂桶內係有雪既：

睇下佢地派送既速度真係好快，平均五秒鐘派到一罐，一分鐘十二罐：

現場真係幾多人，宣傳效果一流，仲有音樂播添，大公司既 promote 真係落足本錢：

個個都睇到好開心，大眼人好少見，所以個個都覺得好得意：

行去背面睇果Ｄ工作人員，佢地個個都有著同一樣既衫，內容係 "Who says you can't have real taste zero sugar?" 文法唔知有無錯，要問古德明又或者蕭 Sir 先知道了，不過無所謂啦，志在宣傳！

睇佢地係咁派，都幾辛苦的，好彩都唔係好熱，仲有好多人係咁打電話，叫Ｄ朋友黎；我心諗，唔係卦？為左罐可樂特登黎？搭車都蝕哂啦！

我都有同龍嫂講，因為龍嫂都係在隔離街之麻，佢竟然話唔黎，呢次角色居然掉番轉！

個大眼做得幾靚的，再影近Ｄ：

轉過頭行去佢地後台，原來有好多箱可樂擺係度，二十四罐一箱，總共五十幾箱，都有千幾罐了，唔怪得之可以派咁多：

佢地都好辛苦嫁，你睇兩個單眼女仔都要抖下，自己都飲埋一份！

呢個係佢地既宣傳版，口號係：無糖依然可樂，試過你就信！

再留意，在無糖可樂的宣傳廣告之中，有一隻單眼：

我覺得很奇怪，這隻單眼是甚麼意思？剛巧在身旁有人問負責人員，於是又去了解一下。

他意思是說，無糖可樂是要用眼及用舌頭去試的，它的味道跟可口可樂一模一樣。

亦因此，也有條舌頭係度做宣傳：

我睇完成個 promotion，已經可以將呢個宣傳解碼。

點解？即係話佢呢隻 product 唔掂咯，唔係使乜攪咁多野。我自己其實好鐘意呢隻產品，但以我一個人又唔可以代表全部香港人的。

以前都有類似既產品，係雲呢拿可樂，也找過明星做廣告，而家都唔見哂，果陣時又係咁樣，突然之間有好多 promotion。

ZERO COKE 都已經出左一輪，一隻 product 如果隔左一輪先整個咁大既 promotion，絕對唔係做 Brand 咁簡單，而係根本隻產品唔賣得，所以先要宣傳下，如果賣得，使乜試飲，一人一罐咁好呀？

不過，我都希望佢繼續有得賣的，因為佢真係無糖，好健康，而且味道同可樂又差唔幾。

我也有問身邊友人及客人，有無人常飲，答案係，無！飲可樂就有，飲無糖可樂就無，佢地話味道始終差Ｄ。