20 3 月, 2015

今天為大家分享一位網友的個案,文中提到了中產搵食男。

富家公子當然有條件做搵食男,而中產階層的男士,當然也有機會;他們有基本的經濟基礎,有車,有樓,可以給女生很多希望。

S 小姐的來信

龍師傅你好,

最近見到你係曼谷旅行, 不時update 第一手資料, 好期待你回程後會有更詳盡嘅介紹呀! 好多謝你閒時都不忘照顧一眾讀者, 希望你玩得盡興!

除咗男女感性, 你個blog 仲有咁多方面嘅資訊, 真係令人大開眼界. 好彩無意中因為失戀搵到呢度, 先可以令我感情運大開, 連對工作/人生等方面想法都理性好多, 好快可以看透局面.

最近我網上交友認識咗一名從事投資銀行, 年約37嘅中產人士. 第一次約會佢送我返屋企, 得知佢住半山, 羅便臣道. 當時感覺有D奇怪, 因為佢重複咗數次地點俾的士司機聽, 係當時嘅情況我覺得係不必要嘅。
(龍師傅註:不停重複自己住在那條街,而那條街可以突顯為不是一般地區的話,那對方大有可能懷有某種目的,或者是黑心男,或者是搵食男。
「師傅,只說自己是住在那條街已經懷有某種目的?不是吧?是否你想太多?」
絕對不是。請你想想,初次約會,必不會說明自己住在那條街,這其實有點奇怪;女方說明則沒有問題,因為男方有機會送自己回家,也必定要問明街名;但男方不停說明而且重複,這聽起來真的有點奇怪,我們再看下去。)
第一次約會睇戲, 我即時有拎錢出黎俾返佢. 佢話唔洗啦, 你下次請我食糖水囉. 我答應後佢即刻話: 唔洗, 講下笑.
第二次睇戲加落bar 飲嘢, 我完全冇提及過金錢, 亦無俾錢嘅動作. 因為我一直想知佢係咪一個捨得洗錢嘅人, 佢透露過自己每日見到銀行戶口銀碼無郁就會panic.
兩次睇戲佢都提我要帶學生證因為買咗學生飛. 我想咗好耐, 感覺呢個gesture 有D肉酸, 佢一定係一個計較嘅人. 以佢嘅收入, 10蚊之差是否需要買學生飛?
(龍師傅註:要點折頭這也是正常的,不過提了數次則可能對錢有點緊張;再加上他說看到銀行戶口的數目沒有動就會 panic,女方可以順勢啟動 LAP 技巧,說他很精打細算,很有事業心,很進取就可以了。
做人說話的技巧,就是將話掉轉來說,讓對方覺得舒服,自己心裏的想法則未必要表明,然後自己再暗地觀察;這樣主動權就必然會常常在自己那一方。)
第二次約會酒過三巡, 準備埋單時我杯果汁仲有少少, 佢話口渴問我可唔可以俾佢飲. 到埋單, 俾錢前佢好仔細咁望張單, 我感覺係有1分鐘. 我唔知呢個係咪佢習慣, 因為第一次食飯. 然後落出信用卡交俾侍應後, 問: 「係呢? 你每個月有幾多零用錢嫁?」
我想咗幾秒. 佢追問: 「即係無固定, 無就搵屋企攞果D?」
我答: 唔係嫁. 我有政府grant loan. 我唔問屋企攞錢嘅, 之前去外國exchange 都係用loan 錢. 我當時嘅目的係唔想佢誤會我係有錢人家, 因為我透露過我去過22多個歐洲國家旅行.
(龍師傅註:這去到一個層面,既說自己有經濟能力但又想對方不知道自己的經濟能力。
無論如何,去了歐洲 22 個國家旅行,絕對不是一般的女生做得到;如果家境只是一般,那其實在之前說了這點之後,就要說明「去 22 個歐洲國家旅行」而「自己家庭環境一般」。可能是之前的男朋友請自己去,可能是到外地又工作又旅行,等等。)
而我屋企事實上亦只係公屋家庭, 當晚係尖沙咀酒吧那張單我雖然唔知總數幾錢, 但對於我22歲無業學生黎講, 係有點吃力. 自問兩次約會表現都跟足師傅教路, 愉快氣氛, 感覺對方都傾得好開心, 達成等價交換. 係我過分解讀佢嘅gesture 還是真的有問題?
(龍師傅註:吃飯這些都比較簡單,也不需要很大的等價交換,只需要讓對方開心就可以了。)
赴約前我透露過最好12點前到家, 席間佢係11點40分時佢有問過我是否要返屋企. 但同時佢又話自己未飽, 叫多咗杯酒同嘢食. 到尾段佢開始問及我感情史, 另外係枱底玩我D手指。
(龍師傅註:這也很正常,男女單獨約會三次男方會有些小動件表明自己想再進一步交往,女方在這個時候當然有權拒絕。)
當時接受到. 後來我提出太夜要走, 佢一直話太早, 3點先就正常.
(龍師傅註:這就有點不正常了。如何在半夜三點回家算是正常?半夜三點去那裏?看戲?行商場?郊遊?圖書館?書局?
半夜十二時後的節目,除了酒吧飲酒及卡啦 ok 之外,我想不到有任何節目,這些一想就明。
而男方說半夜三點回家是正常,那也可以解碼:1. 他必然之前不只一次,而是經常半夜三點回家,因為他說這才是正常;2. 去酒吧及卡啦 ok,那也只是說他想進展快一點,快點有男女關係。
女方在這時要留意了。)
後來坐上的士佢開始拖我手同貼好近, 有時手放大腿. 上車時我已覺奇怪佢無講自己去邊, 原來已計劃同我落車. 步行去我樓下期間, 不停掃我腰同背. 去到樓下, 我道別, 佢即時錫我. 然後攬住唔俾我走, 話要錫多陣. 又話要送到我上樓。
(龍師傅註:那些去兩三次街就毛手毛腳的人,必然只是想有男女關係而不是很認真的愛情;女方在這時應該可以解讀得到,如果想要認真感情,那必然是拒絕,然後離開。)
我即時拒絕話: 下次先啦. 唔方便, 屋企人係度. 佢辯稱佢唔會入去, 只係門口. 在我聽來, 係無分別, 上到門口又有其他藉口話入去. 最後我堅持要走, 當中經過一輪糾纏, 我都係軟硬兼施, 話下次會再見面. 又透露我感覺太快(當然到呢一步我有責任, 因為之前我無阻止佢嘅body language, 我意識到自己有不懂拒絕嘅弱點, 除咗性格更多係情感經驗唔多)。
佢問我, 即係你覺得我係玩玩下嘅人. 我口快快答咗: 係呀. 佢當然就用噪音攻擊: 唔係啦, 我覺得你好特別. 你有個年紀大咁多嘅男朋友你屋企人會唔會覺得奇怪…… 呢個情形, 講咩都多餘. 另一個感覺係, 男方是否有可能覺得金錢付出太多, 當晚需要有D揸拿先算值得?
(龍師傅註:對,這位男生去到老羞成怒的情況,因為被女方看穿,而且直說,所以男方當然連忙否認,而情緒又在這時來了,又得不到目的,所以就在外表上發出來了。
搵食男的另一特徵,就是他們很願意付錢,但他們想付錢而快點得到結果,這是用錢買時間,因為他們最寶貴的,就是時間。)
最後我走脫了,上到樓, 佢msg 我話我唔理佢. 我就用師傅教嘅技巧, 即時多謝佢餐飯同讃佢了解我揀到啱我口味嘅酒. 佢轉態度: I had a good night with you as well but it’s too short. 我回覆: Maybe we should meet earlier next time. 好快又敲定咗第三次約會時間同地點.

 

(龍師傅註:對,這就是明智之舉,不停轉移男方注意力,讓男方不知道自己其實是看穿了對方。

最叻的女人是甚麼?最叻的女人就是內裏很厲害,但表面上顯得一無所知。)

翌日, 佢msg 我話我琴晚飲得太少, 冇醉. 對話大概如下:

1: But i like to drink alcohol, 咁點好?
2: You drink more I drink less
1: 想你陪我飲
2: I did last night. Didn’t you see it? I usually don’t drink in HK.

1: Didn’t really feel it. Someone drank apple juice.
2: If i didn’t drink with you, i would order apple juice at the beginning. And you said we could have some non-alcoholic drinks. At the end you got something to drink for 解渴, 咪幾好.
1: emoji (不悅)

 

(龍師傅註:這去到一個很基本的問題,為何男方這麼注重女方要喝很多酒?這很正常嗎?

在我看來,這完全不正常;真正原因只有一個,就是男方想將女方灌醉,然後為所欲為。)

同一日都佢都又msg 我問我功課做成點, 訓前又話miss you tim 等. 我感覺佢似小朋友需要搵playmate, 陪佢飲陪佢蒲, 佢多次提到我應該跟佢去試下. 因為我從來未去過亦冇唔太鐘意果種場合.

今次來信除咗俾師傅你分析下佢係咪搵食/黑心男外, 都想學D博弈技巧.

(龍師傅註:如兩次見面有吃飯又去喝酒,必然有一定花費,對方必然不是黑心男,但第二次約會就毛手毛腳索吻送到家門口還一定要進入女方家裏,又不停權女方飲酒,必然是搵食男。)

師傅曾講過, 第二次就親嘴太快, 女方之後點都處下風.

(龍師傅註:其實必然不會處於下風。

為甚麼?真正的下風是甚麼???

「真正的下風是,女方不停想男方有進一步行動,但男方連拖手的興趣也沒有。」(龍震天)

所以,這並不是真正下風,只是證明自己的外表條件足夠,能夠吸引男人而已;當然,吸引的男人是否對勁,則要再看。)

但我一直嘅心態都係: 認識一個唔同年齡層同社會地位嘅人, 盡可能地跟住佢開眼界. 所以呢個局面, 點樣可以盡可能地令男方繼續投放資源係自己身上.

(龍師傅註:這去到收兵技巧。如果男方是搵食男,自己心知就好,自己不會再進一步就好,但表面上必然不是如此。

女方大可利用男方喜歡自己的弱點,讓對方花盡心思追求自己;但對男方的要求,自己無一答應。

可能有人會問,如果男方就此停止追求,那怎麼辦?

很簡單,對方是搵食男,也必然不是自己那杯茶,那男方停止追求,自己當然是找別的對象再交往。)

有考慮過第三次約午飯時提出今次我請, 然後就話覺得大家發展太快, 肢體上減少接觸, 到最後睇下佢是否需要我俾錢, 從態度轉變鑒定佢是否搵食男及對金錢睇法呢?

(龍師傅註:午飯也不會很貴,如有心請客吃些簡單東西即可;午飯也不會有甚麼特別,午飯不同飲酒,肢體上接觸也非常有限。)

謝謝師傅你耐心閱讀. 你嘅文章真係好有用, 希望羊年大家共勉之, 越過越好!

(龍師傅註:期望大家在看過這篇文章之後,知道中產搵食男手影。他們的特點就是他們因為有點經濟基礎,會花得起錢,但在付出金錢的同時,他們也想很快有回報。)

看完還意猶未盡?到龍震天專頁看看,你會發現更多精采分享:http://facebook.com/lungchuntin1

你 是否在感情路上,事業路上遇到問題?只要好好知道自己的命,每個人都可以有好姻緣,好運氣;清楚了解自己強項弱項,對著目標而行,一定好過盲目亂撞。與其 一生猜度自己的命運,倒不如清楚了解自己的命運軌跡,及知道自己現時是否跟命運軌跡有所偏差。 龍師傅設有紫微斗數一生詳批,紫微斗數感情咨詢,紫微斗數工作咨詢,陽宅及商舖寫字樓風水,改名,擇日結婚,擇日生子及問事服務,了解各服務收費詳情:

http://www.sunchiu.com/38754355272591036027.html

關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?