(龍嫂著)
去完大江戶之後都要返酒店喇,係未返去之前,都要醫下個肚仔先, 返到新宿,其實都無乜 planning 食 d 乜,本來想搵松屋食牛肉飯的,但見到附近無松屋,所以求其搵左一間小店,門口有個賣票機，個門面都幾好咁，於是就決定入呢間喇！
我成日都想，香港咁跟風，點解香港會無呢ｄ售票機架呢？都幾方便，可以請少一個收銀員。
如果睇得唔清楚的話，可以入裡面睇清楚些先買飛。
我地買左一個日式咖喱豬扒飯同埋玉子豚肉飯。你地睇下，只係一間小店，個豬扒炸得幾靚。。。
連 ｄ 汁都鋪得好靚，剩睇相會以為去左間高級餐廳潻呀！一食落去，哇！好好味呀，真係慨嘆香港點整唔到人地咁好架呢？？
再黎就是玉子豚肉飯喇，你睇下個蛋靚到。。。。。
份量唔算太多，但以女仔來說，份量叫做剛剛好的了。
經過一日的遊玩，我同龍師傅都身心俱疲，我地 book 左一間比較貴的酒店,叫做 Keio Plaza Hotel，有些友人住過話 ok，我上兩次去都是住些小酒店，去過東京的朋友就會知道有幾細間，上次住池袋的 Theater，個位置勁方便，今次諗住住間好少少，同埋想住新宿，所以揀左呢間，但就。。。。。。。
如果大家想去日本 shopping 的話，千其唔好揀呢間，你想買完野返酒店放低先的話，你唔使諗喇，因為你唔會願意行咁遠放低 ｄ 野的，我訂呢間酒店個時比佢呃左，以為好近新宿的 shopping centre，原來好鬼遠，兼要行條地下通道，但如果你夜左番酒店，個條地下通道會佈滿乞兒，當你行過的時候會一陣陣異味的。
http://www.keioplaza.com/map/index.html
佢個 websit 話 5 mins walking from west exit ，但我地計過，應該唔止五分鐘，尤其是你行到好攰的時候，更加唔想行喇。
返到黎酒店，其實我自己都有一刹那擔心ｄ行李唔知能唔能夠安全到逹，好彩一 check in 時，個服務員已經話我地的行履已經到左，當堂安心哂！
可能係我地期望過高，其實佢只係一間正常的酒店，我地 Ｃｈｅｃｋ ｉｎ 個時，佢話幫我地做左 ｕｐｇｒａｄｅ 房，但都唔知係咪真的。在東京這個寸金尺土的地方，總算比我之前住的大左些，但略嫌酒店有些舊。
Queen Size 的床尚算舒服。
浴室都係一般的小巧精緻，一樣是塑膠酒店，除了間房大些之外，實在想不到任何理由下次再來住呢間酒店。
唔知係咪我的錯覺，電視好似比起我上次住 Theater 時少了一些。
同埋叫做可以放得落張茶几同梳化囉。
總括來說, 呢間酒店如果你唔嫌它遠了一點的話,住這裡都算舒服的, 早餐 OK,房間企理, 有免費寬頻, 地方在日本來說是算大的了.
