東京自遊行五日四夜 Day 3 – Part 1 台場 — 台場小香港 / 一番街

最近排了出生肖運程,日本遊記很久也沒有和大家見面了,今天又放一個和大家分享!

第三天東京行程由龍師傅來寫。今天,我要介紹一個非常好玩的地方 — 台場!

去台場,如果你在羽田機場降落的話,你可以考慮降落即去,行李在機場寄去酒店就可以了。

我和龍嫂沒有想過,原來台場是這麼好玩的。開始時我們只計劃在台場玩大半天,然後在旁晚去涉谷;但後來因為太好玩,及太多東西可玩了,所以玩到晚上,還未行完。

如果你時間充裕的話,即使你計劃去兩天我也覺得不為過。

行 Mall,如果你合意的話,已經行到大半日,還有 Mega Web,有個大摩天輪我地都沒有時間玩;富士電視台,去到剛好是五點半,已關門,還有 Sega 館 Joypolis,如你喜歡,又可以玩足一日。

我們最意料之外的就是 Sega 館,因為我們沒有預算這個景點,沒想到這個 Sega 館可以玩足一日!

這個台場 Mall 有分兩部份,一邊是 Island Mall,另一邊係 Seaside Mall。

在這兩個 Mall 裏面,行幾奈就隨心。如你合意,可以行足半日,如不合意,可能行一,兩個鐘頭就行完。

我覺得必去的地方有:台場一番街,台場小香港,同埋 Sega 館。

在裏面,我見到有D類似機動遊戲俾你玩:

呢個 area 地方都幾大的,如你有興趣,可以玩下,主要係練習肌肉的控制力度。

輪到台場小香港了,這是一個地方佈置到好似香港咁樣,不過只能遠觀,不可近玩。

為甚麼說不能近玩呢?因為日本人又或者外國遊客會好鐘意或覺得特別,但我們中國人,尤其是香港人看在眼裏,感覺有點似廟街。

看看以下圖片就知道了:

又有甚麼古玩行,水喉五金之類,都係得個外殼,入面係無野嫁:

新記香港麵?小籠包?我就唔敢食了。龍師傅既鐵律之一,永遠係試地道食品,唔通去到日本,特登走去食番香港野咩?

還有麻婆豆腐,不過都係唔敢試了。

呢度一看無妨,但不來也不是你的損失:

鴻星都有,真係睇下好喇,唔係在這裏食一餐就會嘥左一餐的 quota。

裝飾都係以中國化為主,其實我覺得似幾十年前既香港多一點。

接著下來就係去三樓的台場一番街,這裏有很多特色的懷舊日本東西可買,如有興趣也不妨可以看一下:

我反而覺得這裏富有特色,我看到一些真的是數十年前的波子機:

還有棉花糖機。我以前年少的時候也很喜歡玩這個,入五毫子可以捲一分鐘棉花糖。其實有甚麼好吃呢?全部都是吃空氣而已:

更特別的,是找到了這部七十年代的遊戲機。真的覺得很懷念:

以前細個小學生的時候,就是玩這部遊戲機大的了,後來全部變了直身機,這些檯機現時已經絕了種。

數年前曾經想過在美國買一部回來玩,價錢約為六千多,不過運送麻煩,也就作罷。

看到這部機,也就坐下來玩了一局,不便宜,要 100 yen 一局,折算為港幣七元多,不過也算寶刀未老了,我一局玩了十五分鐘,有六萬多分,還可以簽名呢!

這個時候,龍嫂也來了,於是我們又開始往別的層數去了,然後去了一個我們想也未想過可以玩一天的地方,就是 Sega 館!

台場的景色真美啊!

一望無際,感覺舒服,生活平靜,夫復何求!

(台場遊記未完,待續)

  • 林小峰表示:

    原來龍師傳係機王(排第二先得果2萬幾分…)
    咁你地在日本係講英文定係有人翻譯???
    [版主回覆11/21/2008 00:37:00]Ulysses, 係呀, 我打機以前好好嫁, 不過後來長大了, 太多工作, 好想打, 但都無時間!
    而家買左部 Wii 都係玩過一次孖寶賽車, 部機同我距離好近, 但感覺上係好遠, 因為都唔知幾時先至可以再玩了!

  • 民傑表示:

    龍師傅:你去過北海道嗎?
    [版主回覆11/21/2008 00:39:00]李老師, 沒有呀! 反而東京就去過兩次!
    我也想去北海道, 本應是十一月, 但龍嫂怕凍, 唯有推遲到明年三, 四月左右了, 現時也排滿工作了!

  • 米雪兒表示:

    龍師傅,我今次去日本時,坐車時,係响彩虹橋度望返過嚟呢度啊!
    [版主回覆11/21/2008 00:40:00]米雪兒, 哦? 有這麼巧合? 台場真是一個好地方呢!

  • 表示:

    SEGA既JOYPOLIS真係幾好玩架,我以前去都有玩過,仲好記得響休息既座位上發現到一部當地既手提電話,果陣同個導遊講,原來日本公民好有公德架,因為導遊話當地人唔會拾左人部手機,希望遺失者能夠返回原位拾取.
    [版主回覆11/21/2008 00:42:00]瞳, 有呢種公德真係一流, 日本人真係好有態度, 真係值得我地學習.
    我有時做事, 我也會想, 如果我是日本人, 我會怎樣做呢? 人家認真, 執著, 有禮貌, 尊重別人, 都是我們值得學習的地方!

  • Master Pak表示:

    龍師傅,假日可以去下旅行真係好,又可以休息下。相中部機好經典窩,竟然重可以見到。
    [版主回覆11/21/2008 21:03:00]秋雲兄, 對呀, 我睇到都好開心, 所以就打左一局, 都打左十五分鐘!

  • Kathy表示:

    Hi  龍嫂,
    我們一家四口已計劃四月六日至十日東京自由行, 看了你的BLOG後得到很多資料, 但有點不開心, 因為我們亦定了京王酒店, 原先亦好像你一样定間好小小的, 比兩個小朋友開心, 但睇完你POST D 酒店相同埋知道距離購物區有點遠後, 真有些担心回酒店的路程, 小朋友會很累.
    我有些問題想向你請教:
    我哋想根據你的建議, 一落機(羽田)就先去台場, 請問由機場寄行李到酒店手續係點? 費用多少? 安全嗎? 由台場回酒店多久? 應該几點走?
    Day 2: 我哋想去御殿場OUTLET, 應該几點出發及回程呢?
    Day 3: 去原宿, 池袋等
    Day 4: Disney Land
    Day 5: 新宿, 歌妓丁等
    請問由酒店去機場最好几點BUS?  以上請多多指教, 因有兩個小朋友照顧, 有點担心喔…
    [版主回覆03/29/2009 18:31:00](龍嫂覆)
    Kat Kat: 不用不開心啊, 只是距離 JR  有點遠, 同埋要經過一條隧道姐, 酒店房間空間的確比較其他平價酒店寬敞, 環境亦不錯呢, 小朋友應該精力無限, 所以不用太擔心.
    其實你一出左海關, 在左手邊就會見到一個付運的 counter, 你可以比個酒店名佢, 佢會話比你聽幾多錢的, 我同龍師傅得一件行履, 所以都是一百港元咁上下, 但而家可能貴些, 因為日元貴左啊, 如果你一落機就去台場的話, 一定會夜晚先返到酒店, 行履就一定已到酒店了, 我想大約在下午三.四點就會到酒店了.
    你亦都可以選擇到台場之後, 在 JR 裡有很多入錢的 locker, 放左入去先行街街.
    如果有小朋友的話, 我就強烈建意你到台場世嘉館, 好多野玩的, 小朋友一定好開心, 但唔好比佢入鬼屋了, 因為都幾驚下.
    玩完之後, 可以去大江戶温泉休息一下, 這是推介的 Day 1 行程, 因為咁早機會好攰的, 去完台場大約五,六點, 六點前會比較少人, 因為無特價呢! 温泉裡面都有野食的, 但唔好預太好食喇.
    Day 2 去 Outlet 可以唔使太早, 我地十一點起程, 重要塞車, 咁都是行到五六點都行完喇,如果你帶住兩個小朋友, 佢地會唔多啱玩, 因為主要是買野的, 女仕可能容易些揾到心頭好, 但男仕和小朋友會悶些啊.
    我地去的是 Sano Premium Outlet, 車程算是短的了, 同埋只係一程車會較方便, 你想去的御殿場要搭兩程巴士先去到, 來回要四個幾鐘, 咁你最好九時出發, 時間會好預些呢!
    Day 3: 如果你未去過池袋的餃子館, 和小朋友就一定要去喇, 因為都幾特別, 幾得意, 小朋友一定啱.
    Day 4: Disney land 我地未去過, 因為怕多人, 呢個幫你唔到喇!
    Day 5: 新宿都是行街 shopping, Keio 酒店有BUS 票買, 你可以問一下 information counter, 話比佢地聽你幾點機, 佢地會話比你聽搭幾點車的, 你預一個鐘車程咁上下啦.
    以上資料希望幫到你啦!

  • Kathy表示:

    唔該哂, 你的資料很有用喔!
    Thanks
    [版主回覆03/29/2009 18:59:00](龍嫂): 不用客氣, 最緊要幫到你!

  • HP表示:

    thanks
    peter
    [版主回覆03/29/2009 21:46:00]Peter, you are welcome!

  • >