(龍嫂)
食飽飽就梗係做下運動啦, 最好的運動就係行街, 呢個 OUTLET ,每個牌子都是一間間歐陸色的屋仔,加上九月中天氣涼涼地,地方乾淨,空氣清新,使你能夠舒舒服服咁行得好開心.
一出蕎麥麵的門口,對面就是 Franc Franc, 一個係香港人深入民心的牌子,色彩鮮艷的家品, 睇到人目不睱給, 可惜今次無野啱,所以無買野.
行行下,居然 Outlet 都有 LEGO 賣架!
COACH 最近有心打入香港市場,就係八月份,在中環開左間旗覽店,但其實COACH 係日本已經流行左好耐, 所以好多間 OUTLET 都會有 COACH 這個牌子,仲比香港平三至四成潻呀!!
Gucci 都有好多款式,但折扣就不是太多,所以都係空手而回.
OUTLET 有 BODY SHOP 呀,禮品裝包得好靚架!
Armani 都有個 factory outlet, 折左都要幾千蚊,唔捨得買呀!
正當行到又攰又熱之際, 忽然見到 Starbucks 喎,龍師傅又點會放過呢.
黎到日本, Starbucks 都依然係人頭湧湧!
咖啡其實唔係我杯茶, 所以我通常都係黐龍師傅個杯飲兩啖, 但係行行下, 我見到人頭湧湧, 一睇…原來係我至愛的朱古力……
哈哈, 好開心, 我見人人出黎都攞住呢杯朱古力凍飲, 睇到我漏哂口水…..
咁梗係要飲番杯啦! 圖中做緊推廣的是草莓朱古力,但我對草莓麻麻地…..
所以我都係揀左我至愛的 Dark Chocolate , 哇, D 朱古力味無得彈呀, 好好味呀!
總括來講, Outlet 是可以玩足大半天, 顧名思意, Outlet 賣的貨品較便宜, 但款式可能是上一季的, 如果你唔太介意款式過了少少期的話, 女仕們唔多唔少都會買到心頭好. 如能秋天去更好, 因為成個 Outlet 似一個大型公園, 如果夏天去可能會熱死.
