(龍嫂著)
本來諗住用一個篇幅可以寫哂蟹道樂, 但點知越寫越多野寫, 一篇二十張相唔多夠用,所以都係分開兩篇寫啦!
登! 登! 登! 期待已久的長腳蟹終於出場喇, 睇到都興奮啊, 一隻咁大隻的長腳蟹, 唔止係蟹腳剝哂殼, 最難得的地方就係連中間的蟹身都剥埋殼! 還附上兩隻小小的茶匙給你用來吃蟹羔, 的確係細心無比啊! 5800 yen 確係無收貴你的, 剩係買隻蟹都唔止啦,而家仲要剝埋比你食, 食手工都抵啦!
![](../images/5M44CIAJJNk6n90010T30A.jpg)
我同龍師傅係到諗, 如果香港都有呢類型食蟹的地方就好喇, 好多人都好鐘意食蟹, 但係又怕麻煩, 因為食蟹都講求技巧的, 識食的話你會覺得好多肉食, 唔識食的話, 只會食到蟹腳矣已. 咁樣食蟹就最開心喇.
![](../images/gHu37OHMclDLe2t23Nk0nw.jpg)
上一篇咪叫你估下個壺用黎做乜0既, 而家開估喇, 其實係用黎裝食完的蟹殼架, 有無人一睇就估到呢? 送杯 coffee or tea 比你呀!
![](../images/fyeaXs..BWAIkzih2Bl2AA.jpg)
其實個餐都仲有包些小食的, 連個甘荀都切到成個蟹的形狀, 真係少些心機都做唔到, 日本就是這樣, 連最微細的地方都照顧周到, 每樣東西都係正所謂唔打得都睇得. 呢個小食有數樣用麵粉做成不同形狀的東西, 我個人唔太鐘意, 因為較為淡口, 但唔緊要啦, 其它野都食到好飽喇! 呢樣根本就食唔落喇!
![](../images/KM2v8L6YNibnUmMZqqDR5A.jpg)
個餐仲包埋呢個牛油雜菌, 一向鐘意食菌的我, 點會錯過呢, 好鮮甜啊!
![](../images/KU1r6JmvuonGOf.AZKUPgw.jpg)
日本最常見的就係漬物, 但漬物一向都唔係我杯茶, 所以我無食到, 但其實我地已經好飽喇, 因為我地要兩個餐, 其實有些東西係重覆左,好似飯同埋芝士焗蟹咁, 真係食唔落喇!
![](../images/bqErmQl4ZCvPqRAZpuMnng.jpg)
拿拿拿…..雖然真係食唔落, 但講到甜品, 我通常都預留少少位比佢的, 啊啊!
黎到甜品時間, 龍師傅要左個綠茶雪糕, 你睇佢….連個裝飾都係蟹的剪紙, 好香的茶味, 以前香港無得食, 但而家香港周圍都有得食, 所以唔覺得佢特別囉!
![](../images/0qq665u84qVlWIvpcprAXg.jpg)
我要左個抹茶雪糕, 如果要我剩飲這些抺茶我諗我會死的, 因為剩飲的話會好苦好澀, 但混埋雪糕一齊食, 使到甜味剛剛好, 也能帶出抺茶的香味.一個字, 正!!
![](../images/Ek_s3cyyAA4lOCr.WnLKEg.jpg)
總括來說, 呢間蟹道樂我下次都會編入我必去的行程之一, 現在也很懷念啊!
龍師傅評註
我也很懷念蟹道樂,現時看回龍嫂這篇文章,真的覺得很開心。猶如現在身處日本一樣。
去過這麼多地方,最開心是日本,東西夠靚,而且服務專業,絕不會覺得不值,但那時去日圓只是兌 73,現時已升到去 85,好像不很化算呢!
希望我今年和往年一樣,能夠做到一年去四次旅行,坐飛機五日四夜那種,心目中有泰國,日本,台灣,最後一個可能是韓國吧,現時韓圜已下滑!