遊記5 3 月, 2009

(龍嫂著)

本來諗住用一個篇幅可以寫哂蟹道樂, 但點知越寫越多野寫, 一篇二十張相唔多夠用,所以都係分開兩篇寫啦!

登! 登! 登! 期待已久的長腳蟹終於出場喇, 睇到都興奮啊, 一隻咁大隻的長腳蟹, 唔止係蟹腳剝哂殼, 最難得的地方就係連中間的蟹身都剥埋殼! 還附上兩隻小小的茶匙給你用來吃蟹羔, 的確係細心無比啊! 5800 yen 確係無收貴你的, 剩係買隻蟹都唔止啦,而家仲要剝埋比你食, 食手工都抵啦!

 

我同龍師傅係到諗, 如果香港都有呢類型食蟹的地方就好喇, 好多人都好鐘意食蟹, 但係又怕麻煩, 因為食蟹都講求技巧的, 識食的話你會覺得好多肉食, 唔識食的話, 只會食到蟹腳矣已. 咁樣食蟹就最開心喇.

上一篇咪叫你估下個壺用黎做乜0既, 而家開估喇, 其實係用黎裝食完的蟹殼架, 有無人一睇就估到呢? 送杯 coffee or tea 比你呀!

其實個餐都仲有包些小食的, 連個甘荀都切到成個蟹的形狀, 真係少些心機都做唔到, 日本就是這樣, 連最微細的地方都照顧周到, 每樣東西都係正所謂唔打得都睇得. 呢個小食有數樣用麵粉做成不同形狀的東西, 我個人唔太鐘意, 因為較為淡口, 但唔緊要啦, 其它野都食到好飽喇! 呢樣根本就食唔落喇!

個餐仲包埋呢個牛油雜菌, 一向鐘意食菌的我, 點會錯過呢,  好鮮甜啊!

日本最常見的就係漬物, 但漬物一向都唔係我杯茶, 所以我無食到, 但其實我地已經好飽喇, 因為我地要兩個餐, 其實有些東西係重覆左,好似飯同埋芝士焗蟹咁, 真係食唔落喇!

拿拿拿…..雖然真係食唔落, 但講到甜品, 我通常都預留少少位比佢的, 啊啊!

黎到甜品時間, 龍師傅要左個綠茶雪糕, 你睇佢….連個裝飾都係蟹的剪紙, 好香的茶味, 以前香港無得食, 但而家香港周圍都有得食, 所以唔覺得佢特別囉!

我要左個抹茶雪糕, 如果要我剩飲這些抺茶我諗我會死的, 因為剩飲的話會好苦好澀, 但混埋雪糕一齊食, 使到甜味剛剛好, 也能帶出抺茶的香味.一個字, 正!!

總括來說, 呢間蟹道樂我下次都會編入我必去的行程之一, 現在也很懷念啊!

龍師傅評註

我也很懷念蟹道樂,現時看回龍嫂這篇文章,真的覺得很開心。猶如現在身處日本一樣。

去過這麼多地方,最開心是日本,東西夠靚,而且服務專業,絕不會覺得不值,但那時去日圓只是兌 73,現時已升到去 85,好像不很化算呢!

希望我今年和往年一樣,能夠做到一年去四次旅行,坐飛機五日四夜那種,心目中有泰國,日本,台灣,最後一個可能是韓國吧,現時韓圜已下滑!

 

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>