9 8 月, 2008

上文提要:Day 2 在 Siam Paragon 吃了一餐甚貴但不好吃的日本菜之後,我們就在 Paragon 門口坐的士去 Suan Lum 夜市了。

我們這次坐督督,最後一百銖成交,我覺得真係好貴,又無冷氣,又坐得唔舒服,不過諗住都係港幣廿五元,也算是坐過泰國有特色的交通工具,也就算了。

不過,我只係錯一次,以後除左酒店督督以外,我永遠都不會坐其它在街上行走的督督。

我只係諗住去 Suan Lum 夜市,絕對無諗住玩機動遊戲的。不過這位督督司機就在未經我和龍嫂同意下,給我們玩了一次機動遊戲,我差D個心臟停頓左!

我諗路程由尖沙咀去美孚那樣遠吧,一上車,走了去最外面的公路,沒有車,沒有紅綠燈,架車不停咁加速!

一架只係裝左摩打既三輪車而已,點可能去到咁快?我想最快有八十 kilo,真的嚇死我了!

我和龍嫂只有死命抓著坐椅(因為兩邊都無扶手),我地仲要驚以下事情會突然發生:

1. 架車突然碌到石仔,然後成架翻車;
2. 橫路突然有車高速經過,咁我地就撞到應一應;
3. 突然有行人沖出來,咁司機要避,就會扭埋一邊,後果不堪設想。

一路行,一路驚;龍嫂仲叫我同個司機講行慢D,我話:"你同佢講都無用啦,一陣佢聽唔明,以為你叫佢行快D添呀!"

好不容易捱過十五分鐘,車子終於停下來了,真的有恍如隔世的感覺;龍嫂話佢口又震,心又震,半分鐘大家都講唔到野,真係恐佈!

終於來到 Suan Lum 夜市了:

大家睇睇呢個係乜東東?我印象中好似係一個廁所。

係呢度,基本上係一個泰國既廟街,賣既野有平有貴,但七成以上舖頭會重複,來來去去都係賣 T-shirt,大笨象,Peuter 飾物等。

紙巾套,我覺得都幾精美,一百銖一個咋,仲有得講價:

黎到呢度,唔講價你就笨,因為講價係會平到三至四成的,我諗如果你識泰文,可以平到五成;如係係地道泰國人,可以平到六成。

另有一D好精美既手袋,不過龍嫂已經買左好多蝴蝶袋了,所以都唔吼佢。

有一檔賣時鐘係好有特色的,不過就好貴了,要幾百元一個,兩三千蚊既都有:

途中你會見到好多舖頭,而呢度既巷仔亦有分幾部份,如果你想全部行哂,兩個鐘頭度啦!

我最鐘意係呢間店,賣既精品係好有特色既,袋,文具都有,價錢略貴,不過有價講,九折度,因為佢地都係實價:

呢D袋夠特別啦,直身既,三百元一個度。

我都買左本筆記簿,都要成一百六十元,因為自己鐘意;另外買左D早前已經介紹既 quote,真係好抵同好實用,我都放左在寫字樓。

另有一些藝術鐘,我地都行左一陣,我鐘意睇靚野,同埋設計,因為呢兩樣野都係包裝,而我對包裝自己也很講究的。

呢間 Balance 都好特別,賣一D好特別既家庭用品,各位行過都可以睇下:

另外賣得最多係呢D吊燈,五步一樓,十步一閣;一包都係一百銖,好抵買;不過記住燈數要用 1,4,6,8 尾數喎!

如行得累,可以到來按腳,價錢非常平,好似係一百二十銖,但我都唔敢坐低,因為好熱,而且裏面冷氣麻麻,另外睇個樣好似唔太乾淨,我驚坐到打冷震呢!

不過又有鬼佬係度好 enjoy 喎!

呢D燈都幾有神秘感下,我覺得好有特色!

下面呢間重有特色,泰國塔羅牌:

我都好想入去見識下,不過我都唔識泰文,所以無去了。

黎到呢度發生左一件怪異事情。我地行完,諗住去另一邊睇下有乜野食,於是就去搵保安員問下。佢指左個方向,然後話帶我地去,我既天生觸覺就來了,我猛話 "No"!

個保安員無理我地,繼續跟住我地行,其實真係一條大直路,駛乜你帶?佢口中不停話 "Two 匹s"

佢係都要帶,一路跟尾,我覺得似係我地帶佢多D!

去到目的地,佢仍然指手劃腳,我地理佢都傻,一個箭步沖入人群之中,之後佢就無跟來了。

其實泰國人係咪咁有錢?我覺得唔係咯,兩銖都要屈,仲要著哂制服,真係離哂譜!

終於去到食既地方了,你鐘意食乜都得,都係一D小食,飲下啤酒之類。

我同龍嫂就無乜興趣了,因為食得太飽,於是就坐的士回酒店。又發生左一件怪事。

我地上的士,話去 pullman,俾埋張酒店咭佢睇,佢話知道,咁就開車啦,點知行左九個字都未到,然後帶我地去左另一間五星級酒店,非常偏僻!

我地話唔係,佢又再行,終於再行左半個鐘先回到酒店!

落車時,佢猛話 sorry,好似好有禮貌咁。明眼人一睇又知,泰國的士司機又係度屈水!

我諗個路程都唔會超過四十銖,佢可以打到個錶有百五銖。大佬,我D時間好寶貴嫁,你帶我遊勻成個泰國邊皮有鬼用咩!

大家上的士時真係要小心!

回到酒店,檯面上又多左三件甜果,真係好有心呢!D野真係多到食唔哂;由於過左一日,又可以飲兩杯 softdrink 同埋有兩枝新水啦!仲有,尋日既生果都仲未食完,仲有上機時無食既三文治呀!真係飽到上心口了!好滿足!

第二天很愉快,很快又進入夢鄉了……

(Day 2 到此完結,團友們可以返酒店睡覺,抖足精神,迎接 Day 3 的節目)

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?