這天下午肚餓，又是下午茶時間，於是去了一間上環吃米線的地方　－　御麵。

地方不算寬敞，但也可以。

如果你想去，就要六點前去，佢地晚上係唔開門的。

我其實唔係好明佢地點做，上環租金已算不便宜，他們還要不做晚市，真係有得做？

隔離果間神谷日本料理更是神奇，以前收七點半我都覺得神奇，而家每日只開十一點半到三點更是不可思議；只係做一個午餐都圍到本？我真係唔明了，神谷賣的更加不是甚麼貴東西，午餐定食四十蚊有找果隻，只係計做午餐我計過交租都唔夠。

唯一解釋的是佢地根本係蝕錢，而由於租約已簽，又未到期，晚市又無人，唯有只做午市頂住，到租約期滿就唔做。

過多一年看看情況是不是這樣吧！

我和龍嫂兩個人，叫了兩個下午茶餐。

龍嫂叫的是海南雞米線，非常好味。雞肉有雞味，米線非常幼滑：

我叫的是餐蛋米線，塊午餐肉好好味，而蛋也算煎得不錯：

我最欣賞的是他們的湯底，味甘香，又甜，我成碗湯飲哂（又再一次印證男仔係鐘意飲湯，女仔要學煲湯了）。

餐茶當然叫咖啡，味不算好，蒸溜，但也勉強可以，好過即沖，黎呢度都係為左碗米線而已。

龍嫂叫既係蜂蜜綠茶，都合格。

唯一覺得美中不足既係佢地既棘椒係買番黎既，味道點都唔及自家製：

到後來人少了，員工同老細自己開餐，都食得好開心喎！我睇個老細都幾好人，唔該前唔該後，老細對Ｄ員工都應該幾好：

下次黎開上環又撞正下午茶時間都可以試下。午飯時間就一定無位。

御麵
地址：上環文咸東街 50 號寶恆商業中心
必食推介：海南雞米線
平均消費：每人二十二元（下午茶餐）
分數：＊　＊　＊（可以一去）

（分數指南：以六粒星最好，無星最差。）

無星：一生不去
一粒星：被迫才去
兩粒星：免費才去
三粒星：可以一去
四粒星：一定要去
五粒星：特登都去
六粒星：一生必去