28 2 月, 2008

好,尋日開始介紹美麗華全新改革既新餐廳 Yamm,仲要係前 Ritz Carlton 總廚 Eddy 主理,真係一百個放心,繼續享受佢為我地帶黎既美食!

先回顧一下,尋日有講過剝左殼既蟹腳,真係好甜,好似落左好多糖咁甜!鮮甜!

龍蝦仔,又係齊口剝埋殼俾你,真係一啖,係肉,再咬多啖,又係肉,我諗同皇帝既感覺都差唔幾了!

壽司到了,排得好整齊,而且佢好細。據 Chef Eddy 所講,因為係日本師傅主理,仲要係特登在東京請黎既,自不免會認真D。

我都好同意。壽司不嬲都唔使大,只要細細件,新鮮就好易入口。Yamm 所包裝既壽司口感好強,而且飯又唔會鬆散,試問一般市面上既日本壽司店又點做得到呢?大部份都係入行未深,而且亦未必有心整,所以都整得唔太好,同 Yamm 真係差天共地。又諗起一件事,如果有個師傅話佢只係學左兩個禮拜,然後同你批命,你會覺得佢既功力點呢?整壽司同玄學一樣,都係浸出來的,經驗真係累積番黎嫁!

好快又黎左好多野,黎一個遠鏡:

我想大家留意左面既食物,你可以知道呢個自助餐有幾抵食; 海膽,帶子,任食!!!只係呢樣我諗都唔駛講野了,仲要係好新鮮,好美味果隻,一陣仲有樣野令你更加震驚,返本就靠哂佢!

好,暫且不表,講下以下呢個餐牌先:

自助餐都有餐牌?無錯,自助餐都有餐牌,其實 Yamm 呢個自助餐,據主廚 Eddy 所講,只係一個 75% 既自助餐,你可以再在右下角既 main course 之中黎多樣,有四樣野,分別係牛面脥,羊架,銀鱈魚,天婦羅長腳蟹腳,真係正到暈!

我同龍嫂,王子同王妃四個人,梗係每人叫一樣大家 share 啦!

經過自己拼過一輪之後,自己整個一個頭盤:

我本來好鐘意食翡翠螺,但全晚只食過一隻,因為其它野已經多到我食唔哂。

我敢講,如果 Yamm 話全場每樣食物如果你只食一件而可以食得哂,可以免費離場的話,我相信日本既大胃王黎到都無本事賺到;因為佢真係太多野食了。你諗下,我連最鐘意食既鐵板燒一件都無試過,你可想而知。

吞拿魚既近鏡,如果你覺得好靚,好新鮮既話,我可以話俾你聽,呢D只係小兒科:

魚子海膽任食,海膽真係好鮮味:

你見佢拼到咁,我諗真係日本料理先至會有師傅肯同你咁有心機拼,仲要送到你面前!

帶子真係唔錯,好新鮮:

三文魚都唔錯,不過太多野食了,我全晚只係食左一件;一生人去酒店自助餐第一次只食一件三文魚,全因為好野食多到數唔哂!

噔噔噔噔……我頭先要介紹的,就係呢隻牡丹蝦了:

我真係未食過一個自助餐可以有牡丹蝦任食,我地一齊食左六隻:

王子教我,佢話牡丹蝦最當做既時候係十二月至二月,因為蝦膏好多,而家食啱哂時候;同埋睇下隻蝦有幾新鮮,就睇下佢既蝦肉,越透明越新鮮,越白越唔好食。

咁呢隻……

好透明,超新鮮,唔怪得話係飛機貨,下畫剛剛空運黎到香港了。

我同王子討論左好奈,佢地點樣賺錢?據王子講,一隻牡丹蝦既來貨價要三十蚊以上,仲要整到咁靚,真係自己買黎整都圍唔到條數。

我追問了 Chef Eddy 很久,他只說:"你理得我?"

到現在還不知道怎樣可以維持呢!食物質素,服務同價錢成了強烈反比!

超新鮮,當天吃的還是下午才到的飛機貨呢!我們太有口福了,我覺得好幸福呀!

再來還有一個,我想也沒有多少間酒店有的食物 - 我最喜愛的溫泉蛋:

我覺得溫泉蛋好難整,你睇果D所謂日本拉麵做既溫泉蛋就知道了,全部都係熟蛋,Yamm 所整既,我自己親身試過,真係溫泉蛋。

再來一個近鏡:

要留意既係 Yamm 既碗口側邊有個咀俾你啜啜的,我都試過,真係 work 嫁!

食左一半,龍嫂特意叫我影下佢開左黃既姿態,好撩人呀!

我好鐘意果種口感,軟綿綿的,超正!

海膽豆腐,只係在高級料理之中看得到:

(待續)

尖沙咀美麗華酒店 Yamm
必食推介:晚餐 buffet
平均消費:五百五十元左右連加一(一至五有特價)
分數:* * * * * *(一生必去)

關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

想知道 { 桃花萬人迷 } 的共同秘密嗎?