網上交友捉手影 – 如何辨別對方喜歡自己?

網上交友盛行,在增加機會的同時,也要學習心態上的轉變,以及如何解碼;今天為大家帶來D小姐的分享,讓大家可以學習這些技巧。

D小姐的分享

龍師傅你好,我一直都有睇你的blog同書,加上不少朋友都會讚我靚(雖然自覺相貌平平),所以都不乏追求者,而且用龍師傅的LAP 笑容 flirting技巧,總算一直佔上風。但我對於新相識的a君有點力有不遞。所以很想請教一下,如果覺得適合可以在網上公開。

我是在網上識這a君,我一向識人都好小心,所以對方一符合龍師傅所講的黑心男同搵食男的特徵,我就會叮走佢。

(龍師傅註:要感情技巧提高,大家可以多看我的感情網誌及感情書,以及我的 facebook。這些都是可以幫助你感情運提高的方法;看完,就做,有著百分之二百的執行力是很重要的。

很多人有看,但不做,到頭來不會有任何改變;要改變,先要改變自己的行為,說話,這樣對感情運一定有幫助。

只看事實。事實是,很多客人及網友都在看了我的網誌及 facebook 之後,想法有著一百八十度的轉變,結果由沒有感情變為有感情,未結婚的結了婚;對象多到自己都頭痛,為甚麼呢?就是因為我教的方法,全部都是有根有據,而且極為實用,符合現實。

每個人的桃花都不盡相同,所以不能一概而論感情運可以提高多少;但可以肯定的是,感情運一定會提高。)

但同a君係網上交談了大約一個月,佢都未有呢d特徵,之後交換左電話就whatsapp,一直都係佢主動同我傾計,有時問下我做咩,有時就會虛寒問暖,所有野都好正常。之後我地交換埋fb,但我發現佢fb無咩野post出黎,係佢wall留言的又只有女仔,而且fd list又無公開,所以覺得有d怪。

佢係做入境處,要輪班,成日要就時間先食到飯,加上我自己都好忙,所以到兩個月之後先有機會出黎食飯,佢好有風度,幾幽默,揸車黎接我食飯,成程好細心,又無越軌,我知龍師傅教我地要照顧男人,但所有野佢都做晒,我嘗試過要幫手,佢又堅持唔比,又唔肯aa制,簡直當我公主咁。之後就車我返屋企。如是者一齊食過幾餐飯,全都是佢邀約,次次都係咁好,雖然有時佢都會拉住我行(唔係拖),有時又會摸下我個頭,但又無對我有非份之想。因為有次一齊去酒吧,我醉了,佢都只係送我返屋企,無其他企途。所以我諗佢對我係咪無興趣呢?但佢隔日,甚至乎每日都主動text我,亦試過話我唔主動text佢約佢,所以之後我有試過約佢,佢表示開心,但又唔答實我幾時得閒。朋友說他是高級玩家,我唔夠佢玩。

對於a君我解不到碼。師傅救救我啊。(我唔知資料夠唔夠,如果唔夠請告知)

龍師傅分析

這很簡單,只看事實。

1. 網上交友,就是識異性朋友。如果沒有結識異性朋友的意圖,就不會網上交友;我未聽過,女孩子上網認識朋友,是純為認識朋友;也沒有聽過,男孩子在網上交友,是只為了只結識朋友。

如果按照這樣的邏輯,那這位男生在網上結識異性,是為了愛情上的需要(請注意,愛情上的需要,可以是性,可以是愛),至於是性還是愛,動機未必很明顯,但一定是男女關係。

那去到第二個問題,就是為何男生不停對自己問候,不停關心自己,但卻沒有發展感情。

2. 男生沒有和自己開始,原因有兩個:

i) 男生已有女友或老婆,有所顧忌
ii) 自己的吸引力未去到讓對方再進一步

這就需要自己觀察。男生是否在晚上少了 whatsapp,晚上是否少了講電話,星期六日是否一般都不會和自己出來因為 family day?這些都是男生不和自己再進一步的理由。

當然也有人會問,那男生已有太太或女朋友,為何還要在網上認識女生?那我就會說,如果愛情是這樣簡單就好了,但事實顯然不是如此。

另一方面,也有可能是因為自己的吸引力未去到那個地步,所以對方不和自己發展,這也不足為奇。

所以每事都要自己觀察,自己想清楚,然後才會有著分析力,知道自己下一步怎樣做。

另外一個重點,就是對於未能確定的男人,如果持續一段時間都沒有反應的話,自己也不要期望過高,不要將注意力放在同一個男人身上,而將注意力分散在其它男人身上,才是上策。

例如,在這段時間,D小姐也可以和其它男生約會,結識其它男生,而不需要每天都想著同一個男生。

(加我進 facebook,讓你從此交上好運:http://www.facebook/lungchuntin1

(覺得這篇文章有用嗎?如果覺得有用,希望你能夠幫助分享,幫助你的朋友,請按文章開始的「讚好」按鈕,可以增強你和你朋友的運氣。) 

(你是否在感情路上,事業路上遇到問題?其實未必是你的命格不好,只是你不知道自己的整體人生藍圖和命運軌跡而已。如果連自己最旺的顏色,數字,方位都不知道,那怎樣會有運氣?在我看來,只要找對自己的方向,沒有一個人是不幸運的人。清楚了解自己強項弱項,對著目標而行,一定好過盲目亂撞。與其一生猜度自己的命運,倒不如清楚了解自己的命運軌跡,及知道自己現時是否跟命運軌跡有所偏差。

龍師傅設有紫微斗數一生詳批,紫微斗數感情增强桃花咨詢,陽宅及商舖寫字樓搶運風水,改名轉運,擇吉日結婚,擇日生子及問事服務,了解各項目詳情:

http://www.sunchiu.com/38754355272591036027.html / info@masters.com.hk

  • Pui Ching表示:

    龍師父, 我有一個0分既男人事例想分享, 你可放上blog供大家參考
    這是我拍拖一個月既男朋友,剛分開了
    呢個男人大我13年,係交友網識,佢自稱做外判運輸老闆
    上網傾左一個禮拜計,佢同我講一個月可以比至小兩萬我洗
    感覺佢個外型雖然唔合格,但幾好傾,所以過多兩日出黎食飯(佢請)
    食飯百零蚊! 感覺幾開心既! 呢個時候惡夢就開始啦!
    佢問我佢無錢仲會唔會跟佢 心諗(咁大個人都問白痴問題,你有咩其他條件先?)
    又話以後月5號同20號過數比我 (你做得到至好講丫)
    到十幾號,我錢銀有困難,問佢早幾日過數得唔得 佢話好 但'無做'
    過多幾日我同佢講'如果你唔想做直接同我講好嗎?'佢答好 問佢 '咁有無幾千蚊 睇住醫生先'
    佢話'好,上唔上床唔緊要,最重要幫到你! 兩日過數' (我真係好感激你,你樣唔得,但有心)
    點知兩日後未過,我同佢講 '你不如同我講真話啦' 佢話'其實我唔想比……xxx…xxxx…xxx" (講咁多做咩姐 你唔比就咪話好啦 又做唔到,大佬我卜左身體檢查架!) 之後開始鬧交…我'你做唔到咪應成啦,耍我咩,次次都係咁,你可以say no,你講大話做令我無法信任你' 佢'你只係識講錢,我都係摸過你幾下,就要比幾千蚊,邊有咁著數丫 你都係想扼我錢姐' (你又知我係扼,你自己話好我又無迫你)
    最後當然分左手啦 如果佢有比錢我 我真係會同佢一齊加發生關係 '拒絕左佢幾次' 但呢次已經可以睇到佢個人係點 他日佢比錢我都唔會同佢發展
    原因有三 1.佢計較 (洗係我身既錢都無五百)
    2.人品差 (口才都無,悶到死)
    3.樣唔得 (人短身脹,加點白點髮)
    咁樣既0分男人,仲話某d女仔樣衰,接受唔到 (反屋企啦!!)
    [apple回覆12/16/2012 12:22:47]我的確有樣貌身材,如男方覺得我沒有條件,大可以不主動講5號、20號過數,令我誤會,都不用說最重要幫到我,上不上床沒關係,分手後還要加一句:你點樣都陪左我幾晚,你20號打俾我過數俾你. 難道對住他不生氣嗎!不做,不付出錢,還扮大方,不給錢,也不至於令我憎佢:::但明明不過數,大方為何要扮到最後:
    [Gianne Yu回覆12/16/2012 01:44:45]佢話佢係老闆,你就信?有事實証明嗎?
    再者,根據師傅講既"等價交換"原則,男方肯出錢供養你,雖然佢話唔洗同你上床,但你有咩條件同佢交換呢? 樣貌?身材?同你一齊覺得舒服? 男方都講左只係摸左你幾下咋,就要比幾千蚊你? 咁似乎佢發現左你無佢想要既條件囉……
    [apple回覆12/15/2012 04:09:42]可能我表達意思不清晰,開頭發展因為覺得他人幾好傾,又會付出錢! 但由佢不停問無聊問題時,開始減分!每次亦不停用長輩語氣同我講野,沒有說話技巧!再減分!說做又不做,減分!說做又不做×2,減至零分! 令我馬上分手,是沒錢,沒樣,人品都沒有!! 他沒錢可以直講的,用騙的手法太黑心!
    [apple回覆12/15/2012 01:54:57]不是肯問題,係不停答應,主動話好,又唔做
    [Crystal回覆12/14/2012 23:29:34]救命
    看來龍師傅教的真理被你錯誤解讀了, 理直氣壯要求一個識了一個月的男人, 供養自己, 男人不肯就不斷數落及批評對方, 你呢世都唔會找到真愛你的男人。
    [Pui Ching回覆12/14/2012 02:45:50]佢仲要推個責任話我迫佢,真係唔知邊個講錢先
    又邊個扮大方!

  • 晴晴表示:

    可能由於D小姐一直都佔上風, 所以當有個條件唔錯又唔完全掌握既人就有D亂分寸,我睇完都有少少覺A君就算唔係玩家都係有經驗之人, 佢唔會咁快OR咁易越軌, 因為咁樣唔好"玩",佢知點樣拎到女人個"心"
    [Pang回覆12/15/2012 11:19:30]同意你的說法 。

  • K 氏表示:

    樓下那位,我第3者角度唔理你d內心獨白,點睇都覺得你想扼佢錢多d喎,
    '咁有無幾千蚊 睇住醫生先' 就算對方話會比錢你洗都唔洗好似理所當然咁啦
    我認為即使對方如期每月給錢你,你們的關係也不會長久,
    而且你的內心獨白睇錢份上,當有其他條件更好的人時,你便會踢走他吧?
    [apple回覆12/16/2012 12:39:56]咁你有無睇“就算佢之後俾錢我都唔會同佢一齊"如你還認為男方吹水人品沒有問題我無話可說,如果龍師父都覺得問題係我身上,我就不會反駁妳,感情不用替我擔心,我和前男友覆合而且很開心!
    [Crystal回覆12/16/2012 01:28:22]對吳住, 我只懂尊重一些值得尊重的人。
    由你第一次的自白, 已經知你係咩人, 點 "dull" 都無用, 吳係K氏都吳回應你喇!
    『 如果佢有比錢我 我真係會同佢一齊加發生關係 '拒絕左佢幾次'』『你只係識講錢,我都係摸過你幾下,就要比幾千蚊,邊有咁著數丫 你都係想扼我錢姐'』
    [apple回覆12/16/2012 00:23:45]Crystal 主動說養我的是男方 主動話5,20號過數俾我的是男方 我沒問過他一句 唯一主動是問他早幾日行不行和先給幾千蚊,他說不是為了上床,兩日過數 如果他話不可以,我都會同佢拍拖, 但兩次答應又不做,到底誰問題! 請小姐妳尊重別人,尊重你自己!
    [Crystal回覆12/15/2012 22:56:56]
    吳駛問喇! 貪心兼心地吳好, 以為人人都係傻仔傻女俾佢呃!

  • Gigi表示:

    龍師傅、能夠在這樣少的資料中、也能立即找到重點看出問題和給予清楚和明確的答案、龍師傅確係專家中的專家、期待龍師傅再舉辦感情技巧班、令大家能學習和吸收更多實用又不困難的高級感情技巧!^^

  • ♥メロメロメロディ♥表示:

    謝謝.
    好明顯, 其實男方嘅婚姻又或者同佢女朋友之間都有問題.
    如果冇問題嘅話, 男方點會明知有另一半. 都仍要跟別人發展感情?

  • Bel Bel表示:

    佢的 fb 的 wall post 只有女仔, 好明顯那個 fb 只係 for 溝女 only, 又好明顯佢一定有另一個 fb for 佢身邊的人。fb wall 無野 post, 一係佢就 set 左野唔俾某些 group 既人睇, 一係佢就唔鍾意向人透露佢的生活, 個人意見係佢並沒有把 D 小姐納入佢的生活圈子入面。

  • K 氏表示:

    龍師傅,下面apple個個案真係要搵你分析一下,
    係男錯,女錯定兩者都錯
    [Crystal回覆12/16/2012 10:48:03]
    好啊! 真理愈辯愈明, 請吳師傅教吓一眾 fans 喇, thank you.

  • >