西半山豪宅 HONOR VILLA 翰庭軒風水 (一)

很久也沒有寫過有關風水的文章了。沒有辦法,因為稿太多,到現在才稍為有少許空檔寫一些樓盤介紹。

今天要介紹的,是早前在西半山堅道看過的地王,翰庭軒。雖然樓價在 08 年第二季稍為回落,但市價仍要七百多萬:

先說來路,對面馬路有車沖,所以健康運一般。我未上去拜訪客人,也知道要特別著重健康問題。

這幅圖會清楚一點,留意的士的車向,從上而下,單程路,還好不是沖正。

離屋苑不遠處有一天橋,影響不是太大。

這幅圖會清楚一點,天橋和屋苑有一段很長的距離,所以不受影響:

這條天橋甚斜,如果在天橋兩旁的住客就要小心,因為煞氣甚為急速:

屋苑對面剛好有大廈裝修,不過是短時間,而且不是煞位,所以影響不大:

堅道有一特色,就是行人路不闊,甚為擠迫;翰庭軒大堂門前的一段則甚為闊落,我感覺上還是可以的:

翰庭軒旁邊是學校,風水上來說是好的,因為學生代表活力,不像墳場,警察局,醫院等,這點要攪清楚;有很多人將學校和警察局,醫院等建築物混為一談,其實錯得很。

上到去望一望窗外環境,甚為開揚,不過要留意的是正對有一建築物,反光;幸好隔得比較遠:

向下望,環境寬闊,合格:

中環景果然不同,國金都望得到,而且也有部份海景:

在房間之中望出去,其景觀就像一幅畫一樣,可遇不可求:

大踏進客人的居所,感覺煥然一新,因為戶主找了設計師幫她設計,所費不菲,而且戶主不和家人同住,自由度甚大,要怎樣改也可以,不用就老人家,我覺得玩味甚重,我看後非常喜歡:

以大門度向,得到艮山坤向,八運,是為上山下水,全局起三般卦,稍為留意的是中宮二,五;古書有云 "二五交加主損主",而且在未入屋之前,已經看到來路對健康有影響,所以要想化解方法:

這個星盤還要留意一點,就是中宮二,五之外,坤方,大門方向之向星也為二,運星為五,也是二,五;艮方,山星為五,運星為二,也是二,五;再加上大門開坤門,開正二黑位。

到此,我不得不加倍留意這間屋的健康情況,每一個細節我都要留意,反而財運我不太擔心。

戶主是在裝修完才找我看風水,所以未能和裝修配合。好像這盞燈,數為三盞,在風水上是容易吵架之數,已提醒了戶主。

睡房顏色用了藍色,合局:

值得一提的是這個廚房。戶主是美女廚神,對煮食甚有研究及要求,所以在買這間新屋時,特別設計了這個開放式廚房,用了飯廳的空間全部做了廚房,我也是第一次看到有這樣大的廚房:

看了很久,想了很久,才想出了化解方法。

化解甚麼呢?因為廚房在飯廳位置,在全屋的正中間,是二,五位,單單用一串銅錢化解能力有限,所以建議戶主在廚房窗台位置放置八棵植物。

八棵植物,一來可以化解二,五之煞氣,二來可以增旺財氣,因為艮方向星八,用八數自能增旺財運,本身這個單位財運甚佳,只要稍稍一催,運勢自然迫過來。

睡房的冷氣,設計味道甚重,藏了進去,但我覺得有一個問題,就是風口吹不出,可能會不夠涼,如果戶主常常開窗,不太靠冷氣的話,問題還是不大的。

這個單位有一千呎,只間了一房,所以甚為好用,例如主人房,還可以在裏面再間一間化粧用的房間, 內裏還有一個大衣櫃:

明天再為大家分享堅道翰庭軒的風水。

  • Rebecca表示:

    Dearest Dr. Lung,
    Love to read Feng Shui stuff very much……………..great! Learn a lot! 八棵植物 is good for investment. How about nine or ten 棵植物? Four is good for study and promotion, is it ?
    Cheers
    Reb
     
    [版主回覆08/25/2008 21:40:00]Reb, 知道你啦, 見咁奈無寫風水玄學, 所以又寫下咯!
    八係最好, 旺正財, 九係催結婚生仔, 十就無乜用, 因為十等於零!

  • Rebecca表示:

    WOW! I love the wall paper……so elegant!
    Reb
    [版主回覆08/25/2008 21:41:00]Reb, 呢間屋既裝修係用左唔少錢, 入到去感覺好高級, 好舒服, 同埋好有設計!

  • JadeL表示:

    龍師傅﹐正對面的建築物有反光會有什麼影響﹖
    架冷氣真系‘晒’左﹐幸好香港不會太熱。
    [版主回覆08/26/2008 01:44:00]Jade, 係反光煞, 不太好, 如近, 影響尤深. 我仲有一個例子, 係在葵涌廣場, 由於稿太多, 有很多我都沒有時間寫, 等我遲點九月再找找. 因為現時稿誌已經排到九月了!

  • Rebecca表示:

    That flat is very very expensive, I checked via centraline web….it should be over$8 million… 這個單位有一千呎,只間了一房… so the  gross to lettable sizze ratio should be around 70% la…. 1000 square feet can have three bedroms and 2 toilets and one maid room la…
    [版主回覆08/26/2008 21:10:00]Reb, 對呀, 此即我覺得非常豪的地方, 總之, 一入到去, 嘩一聲, 因為只間一房, 再加個咁大既開放式廚房, 真係好正! 名乎其實既美女廚房!
    價錢亦係好貴, 但我幾時都講, 買樓同買錶一樣, 買一百隻五百元的錶, 不如結結實實買隻五萬銀既勞力士好過, 又可以戴, 又會升值, 一定唔會蝕.
    樓也是一樣, 我最近看樓, 發覺貴價的樓, 絕對無買貴, 繼續係咁升, 因為供求問題, 半山既地好少, 所以物以罕為貴.
    反而中價樓, 平價樓就會跌.

  • QQ表示:

    currently is very hit design to hide 部冷氣 
    [版主回覆08/26/2008 21:11:00]QQ, 其實 design to hide 部冷氣都要實際試一試, 我覺得會幾熱. 如果唔熱, 咁既設計當然係一流啦!

  • TEA表示:

    如果有日我有自己既樓...我都好希望有個大大大廚房!!其他地方細D唔緊要,廚房要盡大, 最好可以一班朋友圍埋一起COOKING… 一齊heha !! 呵呵 <—-哈哈 我又係度發緊夢!!! 原來呢度係望到咁高架! 一直都無為意添….
    [版主回覆08/26/2008 21:15:00]笨小孩, 唔好成日以為自己發夢, 只要你想, 你就會有.
    我見過好多人, 乜都話唔得, 乜都話爭D, 乜都話遲下, 到頭來乜都無, 最緊要有信心, 想起我學乜都係, 學識, 就試下同人講, 講講下, 就會熟, 咁又變左專家; 如果乜都唔講, 可能都今日都無乜成就.
    寫書又係咁, 出版社叫我, 即刻寫, 我果時根本寫乜都未諗到, 咪又係咁寫, 到而家都出左七本書.
    如想買, 有大廚房, 就積極諗下點樣可以做到, 大有大買, 細有細買, 如果唔行第一步, 永遠都做唔成.
    我有個朋友, 乜錢都無, 都要問阿媽借十幾萬去買幢樓, 死供; 到而家, 已經有三幢樓了.
    最緊要有決心, 然後開始, 就係咁簡單, 千祈唔好諗 "佢就好啦", 咁你既潛意識永遠都係停留在某一個階段呢!

  • TEA表示:

    廚房用"紅黑" … .. 廚房又係火之地….. 唔怕太沖咩??
    [版主回覆08/26/2008 21:15:00]笨小孩, 其實唔太好, 但已經裝修好, 無法, 唯有在其它風水上化解.

  • TEA表示:

    龍師傅….
    多謝你又送咁多字俾我… 呵呵 我又賺晒!!! yeah! 你成日都叫我"發夢" , 因為想我有多d "正能量" right??? (我哥哥成日都叫我去諗 "我得既!我得既!", 唔好被信念打倒!) 其實我好愛做夢… 我個腦成日都會 "想東… 想西.. 想東西!" 不過我有細到大都有個concept… 令我唔大貪,呢個concept有好有唔好… 就係 "各有前因,莫羨人!!!" 好既係.. 我唔會去諗 "你/佢就好啦… 可以 咁咁咁!" , 因為人地努力左..你係唔會知道既… !!! 唔好既係有左呢個信念… 我唔懂得點去令幻想… 變成真, 無左股原動力嚕!
    [版主回覆08/27/2008 01:21:00]笨小孩, 最緊要係利用潛意識去幫助你, 因為一己之力, 難完成很多事情, 但只要有潛意識, 好多事情都會完成到, 我在書中都有講過, 最緊要諗既野係實質, 具體, 而且有目標, 計劃, 不是空想, 咁已經很足夠了.
    例如你想要間廚房, 你有無諗過, 間廚房係點樣既呢, 地點在邊度? 幾大? 用乜廚櫃, 水龍頭係邊, 你入去既時候係著乜衫, 做乜野餸, D餸在邊度買, 例如豬肉, 有幾多, 整俾邊個食, 有無煙, 個爐係點, 乜顏色, 乜牌子, 在邊度買?
    諗野一定要諗得好具體好具體, 真係要諗到咁樣, 就有機會實現, 因為你既潛意識, 會控制哂你既行為, 你所做既每樣事, 就好似 paycheck 一樣, 慢慢幫你實現, 好多有錢人, 成功人既秘密都在此, 分別只係具體同唔具體而已. 好多人想有錢唔駛做, 講之麻, 但有幾多錢, D錢在邊度賺番黎, 從無諗過, 咁梗係唔會有錢啦!
    你講得好好, 各有前因, 莫羡人, 只需要做好自己果部份已經好足夠. 一想別人, 就有妒忌, 有妒忌, 運勢馬上下滑, 因為潛意識已經幫你停哂手, 原因係想著不公平, 自己潛意識會放 give up 再爭取下去呢!

  • CalCalvin表示:

    我最喜歡龍師傅的風水心得, 對了解好有幫助.  就此上山下水局, 真想知道好可扭轉乾坤啊!!!
    [版主回覆08/27/2008 15:23:00]Cal Cal, 多謝你鐘意睇我既文章, 其實平日睇好多樓, 大把實例, 只是稿多, 寫不切而已. 上山下水, 在八運來說不是大問題, 我之前都有分享過.

  • Rebecca表示:

    Totally agreed that we learn and we earn a lot from Dr. Lung…………….your positive attitude really work so well……….changed impossinle to I'm possible……and one dream, one action! Act Now! 
    For me, my dream is to bring up my two kids into two healthy, diligent and respected men and they should have solid contribution to the society, have faith, love in thier mind and keep helping the others…………….
    The road is too long but just like Dr. Lung said, I should think about the " positive scene" and make it happened……….Cheers
    [版主回覆08/27/2008 15:24:00]Reb, 想想下, 你既行為就會支配你培養兩個孩子成材了, 放心!

  • Rebecca表示:

     You are so ……so Wonderful…………….thank you for sharing the "secret of Success."…..I read the book from one of the writer of Chan Ho Yan about bringing up kids…….. the way is exact what Dr. Lung said…..最緊要有決心, 然後開始, 就係咁簡單, 千祈唔好諗………….
    [版主回覆08/27/2008 15:25:00]Reb, 係呀, 只要開始, 方向正確, 咁就可以了.

  • S & A表示:

    師傳, 除了以上的盤外, 還要看底盤, 放置八棵植物前, 要計算那時, 8位飛星,會到那位置, 才可以放上去,對嗎?  請問師傅要怎樣計算流月, 流日和流時呢?
    [版主回覆08/31/2008 21:09:00]無憂, 未明所說的底盤是甚麼, 是說運盤嗎? 如是運盤, 基本上沒有大關係, 只需要看向星飛到那一個方向即可, 不過要留意生剋制化, 也要參巧山星及運星之間的關係.
    流月, 流日, 流時是很簡單的, 很多書也有說及, 不過在這裏就不花時間寫了.

  • S & A表示:

    師傳, 我所講的盤應該是後天八卦, 原本的盤, 即北方1 白水, 東方三碧木…… 請問在邊個網誌有講解飛星盤的走向呢, , 可以給些資料
    [版主回覆08/31/2008 21:50:00]無憂, 其實後天盤和九宮飛星沒有多大關係, 也不用看到後天八卦八數, 即艮方才能放八棵植物.
    至於有那個網誌有說及九宮飛星的操作法則, 我就不知道了. 不過, 如果你去書局, 找排星方法的書的話, 我想你一問老闆, 佢即刻攞幾百本書嘭嘭聲扔俾你, 因為真係太多書有講了.
     

  • S & A表示:

    師傅, 如果七運樓, 入住時間都是七運, 過了2004年後, 應該是八運, 想把七運轉八運, 要怎樣改變呢, 難道要大改造, 才可以變八, 麻煩你
    [版主回覆10/25/2008 00:56:00]無憂, 如以正常來說, 是應該要全屋裝修的, 但如嫌麻煩的話, 可以在大屋正中心不少於一呎的地方裝修一下, 這樣也可以由七運轉八運呢!

  • flyme2japan表示:

    Master Dragon, 坐南向北七運樓 (2004年前入住).  請問應否把七運轉八運 =OR= 不轉較佳? THANKS!
    [版主回覆01/12/2009 19:16:00]你好, 很難這樣看, 因為坐北向南已經有很多不同的坐向, 而且也要環境配合; 我常說, 不是看到一個坐向就會看到好風水的, 一定要現場環境配合才可以呢!

  • >