豪宅西半山翰庭軒風水之二 — 裝修品味

早前為大家介紹堅道豪宅,翰庭軒的風水,今天繼續為大家介紹內裏的風水及裝修。

戶主為甚有品味之人,所以裝修也一點也不馬虎,內裏的設計,差不多全部都改過,而且甚懂玩燈光效果,一開一亮,感覺就完全不同,好像這個靠近門口的鞋房:

燈甚為光猛,不只房內有燈,連櫃裏也有燈照出來,感覺截然不同:

說回廚房,昨天已說過,戶主為廚神美女,所以特意將廚房做得很大,而且是開放式,她喜歡煮食後直接在廚房享用,所以飯廳就和廚房連在一起:

這個顏色令整個客廳甚具特色,一進屋就會不期然 "嘩" 一聲叫出來。不過要留意的是,本身坤位向星二,山星八,運星五,全土格;中宮向星五,山星二,運星八,也是全土格,嫌土太重,用紅色,為火,火能生土,雖則能生旺正財星八白土之旺氣,但同時也生旺了二黑土及五黃土之煞氣,所以我說這間屋能旺財,但要留意健康即是此理。手背又是肉,手掌又是肉,既要健康,又要財富,真是兩難全;不過戶主已裝修好,顏色不能改,就著戶主在窗台位置放八棵植物用以擋煞,希望能夠旺財,也能保持健康。

再加五帝錢化解,我看也差不多了,因為家中沒有老人家,還是以催財為主。我著戶主如發覺住進去健康有問題,就找我佈一個比較健康之局,但同時會減了少許財運。戶主過了一段時間也沒有找我,應該健康沒有大問題。

這個廚房真的很大,看看廚房的另一邊:

再看第三邊,有一個洗手盤,設計得很有品味,戶主對家居要求甚高,全部都堅持用德國名牌,真是貴得有道理:

我看單單是這個廚房,也沒有多少個豪宅能有這個裝修;我想起看過多個千呎單位的風水,他們願意用過千萬去買一個單位,卻不願意花百萬去裝修,真是可惜,正是有錢也不懂享受;有些人窮一生去搵錢,卻只儲起來,到老也沒有用過,在我看來,和一個住在屋村的普通人沒有分別。

怪不得這個單位在裝修好以後,已經有多間報館和雜誌爭相為它照相,做訪問;其實裝修的錢也不是白花的,它日再賣出去,自然又會高價一點;我有見過裝修好的單位和一塌胡塗的單位,價錢可以相差二十萬。

燈制也是一流的,看得出戶主花了很大的心機,而且對事物每一樣細節都一絲不苟:

睡房的這個景觀,已經值回票價:

主人房沒有路沖,所以不用化解:

一千呎只去間一房一廳,實在足夠有餘。

水龍頭也是名牌,甚為光亮,真的是一分錢一分貨:

馬桶也要換過一個全新的。也對,全部都新,感覺自然良好!

洗手盤也很特別,水龍頭來水位是內藏的。

總括來說,這個單位最重健康,正財和事業都很好,希望戶主住得順順利利,住它個三數年,然後又賣出去賺一大筆!

  • CalCalvin表示:

    嘩!  水龍頭真係好光亮呀!!   若跟我家發展商出品的水龍頭比較….. hahaha
     
    如果呢間屋有老人家住, 就真係麻煩好多了!
    [版主回覆09/02/2008 21:42:00]Cal Cal, 呢間屋適合年青人多D, 老人家唔會住得慣嫁!

  • Rebecca表示:

    WOW! The renovation cost will be more than 0.5 million la? is it? The design is good for young couple…..yuppie la..
     
     
    [版主回覆09/02/2008 21:46:00]Reb, 哈, 當然唔止啦, 由頭到腳都全部裝修過, 花費不少嫁!

  • FreelineAsia表示:

    Mr.Dragon, your clients are so wealthy, no wonder why you got so much money to spend on food and gadgets la.
    [版主回覆09/02/2008 23:58:00]摸石過河,其實個個都可以好有錢,只係每個人既睇法唔同,同埋睇下D錢駛在邊度。有人可以數十萬買套 Hi-Fi,我就唔捨得了,過兩日我會介紹一套我最近買既三千元 Hi-Fi,一樣聽得咁開心,最重要係個心境。
    賺錢,也要賺得其法,我成日都話,五百元睇單風水,一年可以睇到幾多單?睇一千單都無用啦,車錢都蝕埋。
    客人當中,有D好有錢,有D好窮,其實乜野客都有;我亦唔會因為有錢收得多,無錢又收得少,好公道既。

  • TEA表示:

    嘩!嘩!嘩!嘩!嘩!嘩!... 真係好大既廚房呀~
    唔得喇...我要趕緊開始去發我既夢,希望會成真! 回返你上次講既野,你問我有否想過我廚房係點,點裝修,有咩廚具,煮咩食,材料係邊到買 (我本身就係自己屋企既大廚!!!)....哈哈哈,其實我成日都有想架~ 不過唔好意思講出黎俾人知,我怕人地誤以為我”恨嫁”,事實係我好熱愛cooking!! 希望嫁唔出我都可以擁有一個”星級廚房”,因為我係為自己而活既...哈哈哈~  嫁得出,那”星級廚房" 就係為左我既家庭的… hehehehhehe…
    最好搵到個… 同我一樣 熱愛cooking…的honey 添.. kakakaka  呢個就真係奢想嚕 ….. 唔多會成真.. hahaha
    [版主回覆09/03/2008 22:02:00]笨小孩, 每事都唔會無可能. 只要能夠懷著這個信念, 你既人生幾時都會有驚喜!
    我都係咁樣, 乜都試下, 無話唔得, 就係咁, 創造一次又一定既奇蹟, 一次又一次完成不可能既任務. 每個人既睇法, 其實就係佢既運氣. 乜都唔想, 乜都以為唔得, 咁就真係唔得, 好似我地成日講 "抵你一世捱窮" 或 "抵你一世做死個文員仔" 係有原因既, 最近發生既事, 令我既感受好深好深.
    煮野食叻, 絕對會加分, 係一個好大既優點, 我都好欣賞嫁!

  • TEA表示:

    龍師傅… 哈哈…好可惜, 唔知你既"龍官"(office) 係邊.. 唔係.. 就久不久送d.. 實驗品俾你試食…kakaakakkakak..
    講起cooking, 我成日都有一個想法, 如果我有幸開到餐廳/ 麵包店, 或做到一間食店的主持人, 我好希望每日都可以送一d 食物 / 蛋糕俾"老人中心"…  我深信老人家見到d 食物/ 甜品 會開心好多嚕…. 哈哈.. 我又發夢添..
    [版主回覆09/03/2008 23:51:00]笨小孩, 不要說發夢, 如說發夢, 就不會成真了.
    我好欣賞你既性格, 說如果開餐廳就會送蛋糕給老人家, 真係好心地, 我常說, 人既心地係好緊要的. 我覺得重緊要過樣貌同身材, 因為即使好靚, 如心地唔好, 在旁人看來, 就會是很恐佈的.

  • Yin Chun表示:

    龍師傅,
    您好!我係 "笨小孩" 既老友,係佢提議我上犁睇您既blog,話會對我有所"釋懷",同埋可能會有所啟法。但睇左幾日,仲未搵到位攝入犁,我諗呢個blog entry岩岩好 ,可以晌您地既對話當中分享。
    呢個單位真係好grand,好有品味。我同意您的論點係,既然住得起幾千萬既豪宅而吝嗇百萬元既裝修,其實真係有點浪費。晌某個程度上,"係某個程度上"(再focus下先,我驚有報應!)"錢係囉犁洗,唔係愛犁擠"。一個舒服的家,係好緊要,無論晌風水磁場,抑或心理上都有影響。
    家庭,人的基本,來自的地方;我覺得如果一個家,係唔完整舒適,人行出犁既路都唔會寬闊同康莊。
    至於以上笨小孩所講既食店仔,我前幾晚都有聽佢提過。我唔係馬後炮,其實我都有時發覺笨小孩成日講 "算啦,您當我發下夢"。
    我深信每個人都有一個夢,我都有。有時我覺得,夢想係一個目標,無論幾細幾大,可能我地呢世人都無法實現,但只要朝住呢個方向進發,去追尋,不論成敗,其實已經係一件好有意義既mission。
    我冇咩朋友,通常都係靠自己,最近我終於發覺自己能力有限,撐左7年,其實好"支力",笨小孩都知,因為我成日精神虐待佢(即係同佢呻,屈佢食飯)
    我好似越講越離題………….  我好想有個"家",有自己的事業王國,但我呢個時候真係好lost好迷失,每樣野都綁手綁腳,有人同我講我不知天高地厚地妄想,但我真係唔甘心我既人生就甘沉落去,七年,真係好"支力"。
    龍師傅,請問破軍化權入命係咪真係要大上大落呢?我知我問得好空凡,或者將來等我約見您時再討論呢樣野。
    呢個blog reply好似越講越冇上款下款甘,又離題…………..  家,其實都可以係一種原動力。講真,而家我其實唔鍾意返屋企,係因為,唔想一返到去就漆黑一片,只得四面牆。我好想當我返屋企時,有自己既屋企人,一家人齊齊整整。呢樣野對好多人犁講,絕對係垂手可得,但對於我來講,實在太遙遠好困難。
    "達者兼濟天下,困者獨善其身"。我係改左少少,希望將來我能夠幫到更多有需要既人。
    [版主回覆09/04/2008 23:23:00]Dark Knight,   你好, 歡迎你上來, 點解你個名咁得意既? 你鐘意黑武士?
    要在這裏回應, 唔使等位嫁, 只需睇完當日我既 blog 之後, 發表一下自己既意見, 即使一句 thank you 都好, 都係一個回應.
    希望呢度可以改變你. 每個人都應該有夢想, 你講得對, 即使夢想不能達成, 但過程也是快樂的. 家亦都係好緊要, 無一個人可以靠哂自己, 所以你要識多D朋友, 主動D, 咁你既運氣一定改變.
    好多人都好鐘意同我傾計, 其實我覺得自己有資格做心理醫生. 雖然我無牌, 但我見人好多, 每當同一個人 start conversation 的時候, 我總能好快拿到重點, 知道對方既想法, 所以我都出左創勢記呢本書, 係講點樣將人地既說話背後既意思解碼.
    人緣係好緊要, 希望你能夠記住, 如果能夠人緣運好, 真係對一生既運氣好重要. 我最近常說, 個人有甚麼睇法, 個人就有甚麼運氣. 有人一生都平平無奇, 點解, 因為佢既睇法係覺得佢自己平平無奇, 只要有遠大既理想, 實幹, 積極, 咁就一定得!
    有時間多D上來呀! 我支持你!

  • Yin Chun表示:

    龍師傅,
    多謝您。我諗您既強項正正係我既弱項。好想同您面談一次,好想了解自己多一點,自己強項弱項係甚麼。其實一個唔明白自己的人,都幾可憐。
    一路以來,好想有個mentor兼心理doctor,但可遇不可求。
    [版主回覆09/07/2008 01:03:00]Dark Knight, 當然無問題, 你可以考慮看紫微斗數一生運程, 我就可以和你面談一小時, 每個人都一定得, 每個人都係法拉利, 只不過係自己以為係前七; 只要入對波, 一踏油, 架車即刻發發聲咁去, 你唔駛擔心, 最重要係搵到自己方向而已.
    如你決定到就打電話和我預約時間啦, 我們的電話是 82040102.
    希望可以很快見到你, 其實心理都係一個病來的, 只要正面面對, 找出問題所在, 一定可以解決!

  • Yin Chun表示:

    龍師傅,
    多謝~!
    我之前光顧過幾位專業人士睇過八字及紫微斗數,但佢地通常都唔會講得太詳細,一係就非常負面,一係就講得非常樂觀,連身強身弱都幾個講法,聽到我唔上唔落;最誇張既係分別比人排錯年月時~!但係共通點係唔會講得太長遠,至於我地之前提及的強弱項,優劣點,都冇机會知道。
    當然我對你有信心啦 ,從少到大,其實想有個mentor,互相交流,不至於成日孤軍作戰。
    人其中一個遺憾就係連自己都唔明白自己,或者逃避接受自己。你有冇聽過九型人格?我都係花左一段時間先知自己似係邊一格
    我抄左您個電話,我相信我地短期內可以見面,您weekday既schedule係咪冇甘趕? weekend係咪比較難?
    [版主回覆09/08/2008 23:15:00]Dark Knight, 九型人格我有研究過, 我覺得你係比較複雜既一種, 可能有雙重性格都未定, 所以成日諗野, 令到自己辛苦咯!
    人最重要都係要認識自己, 行自己應該走既路, 如果行錯, 咁行一千年都唔會好的.
    睇法都係好緊要, 最緊要係樂觀, 不過記住, 係真係樂觀, 唔係扮樂觀, 例如一早講:"好野, 又開始新的一天的工作了." 呢D唔使講, 因為係呃自己, 只有鬼上身才會這樣講的.
    真正樂觀, 係由個心底裏說出來的. 在我而言, 乜都無所謂, 唔好一開始就抗拒. 既來之, 則安之, 我成日都係咁講.
    例如去飲, 如果好悶, 咁咪自己行下咯, 主動去識人, 咁可能會有意想不到既事情發生. 好似我有次搭長途的士, 無野做, 同個司機傾起來, 原來他的經歷很豐富, 在大陸做過生意, 自己患過血癌, 現時是慈善機構副會長, 一席話, 令我認識血癌, 認識化療, 認識血癌病症, 認識抽骨髓的詳細過情, 認識癌症病患者的心理狀態, 後來佢仲俾咭片我, 咁我又留低, 可能將來會遇到朋友有需要.
    好多事情, 一開始可能無乜關連, 到最後會有很多意想不到的事情發生的!
    有機會, 你都可以睇下我既書, 我諗會幫到你.
    而家年尾, 都會好忙, 現時預約至九月尾, 遲D就唔敢包了. 因為越近過年, 就會越忙呢!
    如決定了, 就和我預約, 希望可以很快見到你!

  • TEA表示:

    好多事情, 一開始可能無乜關連, 到最後會有很多意想不到的事情發生的! <—–
    絕對同意! 未到最後…. 都唔會知道結果! 唔可以妄下判斷! 未到最後…. 唔知道對手係龍定鳳! 未到最後…. 唔知道自己得到OR失去什麼!! 或者會有意外驚喜呢~~
    [版主回覆09/09/2008 23:49:00]笨小孩, 所以未到最後一刻, 都唔可以論成敗呢!

  • Yin Chun表示:

    人生好玩就係在於你估唔到下一刻係點,好刺激。但係,矛盾既係,你又好想好奇知道自己將來係點。
    認命,知命;一線之差!認命係咩都做,知命起碼可以Maximise the good and minimise the bad
     
     
    [版主回覆09/10/2008 14:58:00]Dark Knight, 水太清則無魚, 所以知道方向, 然後好好享受命運所給你的樂趣, 是最好的.
    例如說我今年有一個生意上的機會, 咁都好足夠了, 咪自己發掘下咯, 乜都試下, 咁又會有好東西了!

  • Rebecca表示:

    Yes…………yes…. Dr. Lung is really great to share our ups and downs… he is our friend, teacher, coach, mentor and doctor……will brighten up your life!
    Better to visit him as soon as possible la…………
    [版主回覆09/10/2008 15:02:00]Reb, 多謝你既讚賞喎, 其實開頭寫 blog 既時候, 從無諗過會咁成功, 而家直頭係一個網上心靈雞湯, 我可以分享, 你地又可以分享, 人最緊要都係要分享事物, 識得分享, 先會有進步, 獨食難肥, 幫到人, 又幫到自己.
    呢個世界真係無乜秘密, 收收埋埋只會變成自私, 運勢都會急速下滑!

  • Rebecca表示:

    I dare to say that Dr. Lung is really 好公道 and 好  professional 好! 好! 好!
    I got great improvement with my son's  relationship la… better to listen to him and act now!
    Moving to this Great house is my dream, too……renovation without budget concern!
    [版主回覆09/10/2008 15:03:00]Reb, 咁快快把握機, 做好自己, 運勢一到, 就去左另一個 level 了!

  • Yin Chun表示:

    龍師傅,
    仲有14個鐘,就會被您道出我的生命藍圖。
     
    [版主回覆09/11/2008 16:30:00]Dark Knight, 計得咁準? 現時唔駛十四個鐘了, 好快就會見到你!

  • >