早前發表了一篇關於我的女客人的情緒問題之後，得到大少拉的回應，她說關於自己兩年前父親母親過身的問題。

大少拉的分享

龍師傅~ 我尋晚就係話正想回應你呢篇文章而眼濕濕..正因為篇文章提到..如有親人離開之後, 我地應該點做..

其實07年.. 呢年真係永遠無辦法忘記… 當時過左個媽媽節加上細佬生日後..幾日後..我爸爸突然離開我地..係好突然.! 記得佢出事前既一日.我地幾姐妹仲返去食飯~ 好開心..估唔到第2日就發生事.. 佢既一暈, 第2日後佢就走左… 我當時都仲識痛哭….. 但世事就係咁.. 當我爸爸走左後..我地好細心地照顧我媽媽, 我記得當時我媽媽係無喊過…. 但4個月後. 我媽媽都離開埋我地… 但呢次. 我記得我祗係響我媽媽走左果日喊過之後, 我再無識喊既感覺… 我當時都覺得自己好不孝…. 點解?? 明明好傷心..但唔識喊出黎….

事隔左兩年喇. 我其實發覺自己將呢年既事放左響自己心底..我好少再提.仲多數當左我父母係去左第2個地方生活..係實實在在既一個地方.(唔知龍師傅明唔明白?) 我依家…好少返我爸媽以前住過既屋… 我發覺我每次返去之後.. 返到自己家.. 就會有好幾日既掛念..

其實我知咁係唔岩..但我都係好難唔會想起佢地. 佢地太錫我喇.. 有d人會話..時間耐左.. 傷痛既心就會慢慢無咁痛.. 但依家我聽見人家過~ 返去爸媽屋企食飯lu~ 我好羨慕.. 因我再無呢個機會喇.. 大家要好好珍惜父母.. 珍惜眼前!

龍師傅… 今次我叻左.. 無再眼濕濕..而係識得流出眼淚來, 但都可以打哂我想打既野出黎…心情好了.! 謝謝龍師傅..

龍師傅的回應

情緒是很奇怪的東西，每個人都有情緒，分別在於情緒怎樣釋放而已。情緒很難控制，但我們可以用人為的，後天的環境去控制。

例如你聽一首感動的歌（例如我早前所分享的 "手紙"），你就會流淚；如果你沒有聽，你就不會流淚。

每個人對情緒的承受到有所不同。有人家中死了一條魚就會狂聲大哭，一個月都不能復元；有人會甚麼感覺也沒有，這就是不同的人不同的分別。

在大少拉的 case 之中，其實是很正常的。我常說，親人去世，如果和自己關係密切，而大家不是仇人的話，其 impact 是可以很大的，尤其是突如其來那一刻，每個人都接受不到。所以，大少拉第一次父親去世，大少拉會痛哭，傷心，也會在很快的時間之中，喚起往日和父親相處的情形。

至於第二次，由於事隔日期只是四個月，類似的情形又再發生，那可能自己潛意識之中有心理準備，只是再發生一次而已；所以沒有那麼傷心也是正常的。

在這件事情當中，我覺得沒有不孝的情況存在；並不是大哭就是孝順，不哭就是不孝，所以大少拉切勿放在心上。

情緒要適當地釋放，傷心過後，就要平復，因為還有很多事情要做的，並不是十年都不能復元，就是對自己已過世的親人好。

利用人為，後天環境控制自己情緒很簡單，就是不要讓自己接觸一切和以往有關的東西，例如相片，有關的物件。

不單只親人離開，即使和男友或女友分手，也是如此；那些將大量物件或相片保留，故意放在家中當眼位置，不停的幫助自己回憶的人，我覺得很傻。

人已走，自己應該儘快恢復，重新投入。

如親人去世，不用以情緒來斷定自己是否孝順。