早兩天和龍嫂去了一間在香港有很老字號的酒家　－　鳯城酒家。

我們去的，是在上環西港城附近那一間。其實它們有很多分店，在銅鑼灣禮頓中心對面也有，一看裝修，就知道是食傳統的中菜；其實是吃地道的順德菜的：

內裏環境裝修不算新，但也算企企理理：

一看餐牌，好明顯係新年貴價菜牌，但也沒有所謂了，正所謂新正頭，最緊要食得開心同埋好食，兩個人食得幾多錢呀？

他們另有一張餐牌有埋圖片，更為清楚：

我們有兩樣東西很想叫但叫不到，一個是上圖的鍋貼大明蝦，另一味是吊燒雞，不過兩樣東西都是分量太多，怕吃不完會浪費，所以也沒有叫了。

我們叫了冬菇炆鴨掌，非常好味：

冬菇入味，鴨掌超軟滑，正是無牙都食得到，你睇佢將大隻：

所以老牌酒家都係有保證的！另一味係大良炒鮮奶：

佢其實同賽螃蟹差唔多，不過又比賽螃蟹好味好多，味香，用黎送飯一流，我即刻叫左一碗白飯來送，真的是人間美味！

吊燒雞叫唔到，唯有叫燒腩仔來補數，份量唔太多，三十八蚊碟合理，入口非常鬆化，一入口即溶：

佢既燒腩仔真係做得唔錯的，你睇下佢幾有層次感，少少肥，一流，肚餓食你會食得好感動！

這間酒樓平日人流不多，七點前去都好穩陣。埋單也只是二百多元，非常抵食及好味，我誠意推介！

鳯城酒家
地址：西港城對面
必食推介：燒腩仔，大良炒鮮奶，吊燒雞
平均消費：每人一百四十元
分數：＊　＊　＊　＊（一定要去）

（分數指南：以六粒星最好，無星最差。）

無星：一生不去
一粒星：被迫才去
兩粒星：免費才去
三粒星：可以一去
四粒星：一定要去
五粒星：特登都去
六粒星：一生必去