(二)Ritz Carlton 最後晚餐 - 繼續講頭盤

2 2 月, 2008

呢個晚餐係半自助式,頭盤係任食既,甜品同生果都係任食,而主菜則係佢地供應,但都好夠食,因為頭盤已經可以令你食飽埋單!

開頭比左六個麵包我地,我就無食,龍嫂就忍唔任食左一個,我都好驚浪費;不過聽總廚 Eddy 話食唔哂既會拎去飯堂益員工,咁就無所謂啦!

頭盤除了生蠔同阿拉斯加蟹腳之外,仲有好多野係好值得大量食既,以下呢個 Balik 三文魚就係其中之一!

我唔知點解會咁好食,煙三文魚我食得多,Balik 三文魚我未食過,據 Eddy 所講,呢種魚係好少有既,而且只係取成條魚最美味果部份,佢整到好似魚生咁,我都忍唔住食左十幾舊!

整個環境是這個樣子的。可能我成日幫人睇風水,我好鐘意最後面既肥豬肉,家肥屋潤喎!

野食實在太多,以下呢款我都唔記得左係乜,好似係肉類加蕃茄,我都食唔切!

另有一款都幾好味,都係肉類:

湯則有兩款, 一款係忌廉磨菇湯:

另一款係白杏汁豬(月市)湯:

兩款湯都各有特色,真係死唔死,我每樣都飲左一碗,未到主菜已經飽哂了!

我想講下個白杏汁豬(月市)湯,真係煲得好到無倫,又香,又白,又滑,豬(月市)一舊舊咁咬落去,又腍,又入味,真係甜在心頭。

你都知啦,咁凍,有碗熱湯即刻乜野精神都番哂黎。

又睇番另一邊,好多服務員都望向另一邊,因為果邊就係高官宴客出入既地方,亦有大批記者守候:

餐牌都特別過人,質感甚佳:

磨菇湯既近鏡,真係睇都而家都想喊出黎!

呢抽豬(月市)腍到無牙既都食得落,你可以想像下,呢抽野一啖放入口既口感係點樣,有杏汁既香味,有豬(月市)既鮮味,Yummi Yummi 呀!

另外,以下呢D咁似午餐肉既,大家知唔知係乜?

我都唔知,但食落幾好味,後來睇到介紹,有個 rabbit 字,吓?唔係兔肉卦?我後來見到,食左一舊都唔敢再食,但真係好好味!

另外仲有沙律:

不過我每樣都只係敢食少少,因為太多野食,每樣食一舊已經等於兩餐既總和了;再者我已經食左咁多生蠔打底,真係有D飽:

飯都有得食,係海鮮飯,美味到不得了,我真係慘,而家邊寫個肚邊叫:

仲有一味我要介紹,就係咸火腿加生果,我真係飽,所以我無食,不過龍嫂有食,佢食完猛咁點頭:

(待續)

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

四天戀愛溝通術網上課程