(五)Ritz Carlton 最後晚餐 - 萬眾期待:甜品

5 2 月, 2008

龍嫂最雀躍的,就是這裏的甜品!

我諗你問十個女仔十個女仔都鐘意食甜野。因為甜品會令人開心,令人精神,也因此令人容易肥胖!

但今天是 Ritz Carlton 的最後一晚的晚餐了,盡去啦!

看到這樣多的甜品等著你,又怎能不心動?無奈肚只得一個。我好慎重咁考慮過不如入厠所嘔乾嘔淨出黎再食,就好似果D飲好多啤酒既人一樣,不過後來因為太過辛苦而作罷。

甜品基本上係分三個 section,第一個係小碗既甜品,例如 Mousse,荔枝等:

第二個 Section 比較大少少既,我最 impress 既係士多啤梨 cheese cake,邊有可能整得咁好味嫁?

第三個部份係呢邊,包埋生果,相比之下,生果只係得一碟,唔似得有D酒店咁,又香蕉,又蘋果,又梨,攪到地方好大,邊度駛嫁?要食我都只係食西瓜,咁既排列真係剛剛好了!

其實仲有好多其它的,例如雪糕,Pancake 之類,不過都係一陣先講了。

先講另一邊(係,仲有另一邊,因為太多,我而家都攪到亂哂),有三種配料係比你加落去個熱蛋糕度既:

配料樣樣睇落都好好味!

我都無食過,因為真係太多了,而且樣樣都好美味,我地根本就食唔哂,呢D應該係朱古力:

仲有 Pancake,真係好好味:

師傅見我要食,即刻同我整,仲要整兩份,仲要叫我返去等,一陣拎比我,真係醒目無比:

整完出黎香噴噴,咬感又好,真係一流:

雪糕有兩種,一種係士多啤梨雪糕,我都唔知係乜牌子,總之就係好味,又夠香!

另一種係雲呢拿,又係好好味!

龍嫂好有心機咁整埋一舊,仲將朱古力豆加埋上去,食完又係猛咁點頭!

我想介紹另外一杯小杯,係有金箔係上面嫁!

上面果張你可能睇唔到金箔,下面呢張你會睇得好清楚:

龍嫂自己拎既甜品,全部都好好味;最下面既我都唔知佢點整,總之就係好香既芒果:

另外有一種,全部配料都係好細,但係好香甜,應該係霉,細細粒,但係自己買好貴嫁!

士多啤梨芝士蛋糕,龍嫂食完之後,講唔到野,只係叫我試下,我睇到佢眼泛淚光:

我食完之後,都無野講,唔係,係講唔到野,我都好感動,因為士多啤梨太甜了,甜到我覺得唔應該存在係呢個世界上;

拿拿臨即刻出去再拎,我一口氣食左六粒:

仲有呢件軟餅,我都無機會試了。

食完之後,大家再無所求,人生也不過是如此吧。

可惜的是,大家都沒有機會再去了。懷著失落的心情埋單,一看錶,十點四十五分,我地足足坐左四個鐘頭十五分鐘!從未試過可以食一餐食咁奈的,因為同 Eddy 傾計都傾左兩個鐘,佢都好俾面,本來佢已經收工了,但見同我又咁好傾,傾到差唔多食甜品先至走!

埋單後先記得,原來仲有咖啡未叫!於是再飲埋咖啡先走。

我諗我日後都會好回味呢餐,也可以列為我覺得最感動既十大之一。

​關於作者

龍震天課程

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


​原價 HKD2,680,現時 ​免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>

四天戀愛溝通術網上課程