所有文章, 感情個案21 10 月, 2021

A0 男人,意思是指未拍過拖,一直維持單身的人;不過請別誤會,在用這個形容詞的時候,絕對不是說那些鑽石王老五,而是說那些性格有問題,沒有朋友,不懂哄人,很自我的男人。

這次剛好有真實個案,包保大家看到火都黎埋,女主角也是一樣。

看我的網誌真好,因為不同的讀者不停來信,讓我們看到不同類型的男人,以及火滾事件;這次所說的,是 A0 男人。

未拍過拖的男人,未必一定不好,我就有很多客人都是和未拍過拖的男生拍拖,然後幸福結婚生子,組織家庭的;最重要是看那個人的本質,是否值得結交;如果拍拖之後,只是未拍過拖而已,社交正常,各樣都正常,就必然沒有問題,怕醜一點我也覺得不是問題。

只是對方如果性格很自我,沒有社交能力,甚至乎基本應對也沒有,那麼和這種人一起,又怎麼會得到幸福呢?

正好有這個個案,讓我可以有切入點說出我的看法之餘,也可以歸維和 A0 男人交往要考慮的事情。

網友來信

您好龍師傅,

由2014年已經睇左師傅既blog 7年,好多謝龍師傅係我7年前最失意既時候搵到你既blog, 令我可以對自己既性格可以改善,同男仔相處應該要點做,非常多謝你!

(龍師傅註:謝謝你的讚賞!七年不是一個短時間,相信你在我的網誌中已經學到很多東西,能夠學以致用,你就會有能力解決所有感情問題。

而我網誌分享的,全部都是真實個案;我教授的技巧,全部都是合乎邏輯,常理以及理性,而你絕難在坊間看到;坊間大部份都是感性作家,自己的感情一直沒有著落,甚至還未拍過拖,還可以厚著面皮去不停分享感情技巧;你相信這種人,結果自然是一塌糊塗,但還有很多人都樂此不疲。

所以不停看我的網誌,歷久常新;我有部份客人感情有著落了,以為是事情的終結,結果要到出事的時候又來扒文。

我的建議是,有感情問題看我的網誌固然會有幫助,感情幸福的時候也要常看,不停提醒自己,不要做一些對感情不利的事情。)

最近我開始同一個男仔拍拖,但呢個男仔係從來未拍過拖,先講一講我地既背景。

我今年33歲,文職工作,拍拖5次,但每一次既時間都唔長,大約半年左右就分手,未睇師傅個blog前,係一個無所事事既人,淨係識做一個attachment既女仔,第4次分手之後睇到師傅個blog之後,就積極去搵自己既興趣,例如跳舞,做運動,進修同增值自己既知識,同埋睇師傅個blog, 希望可以將師傅個blog分享比我身邊朋友。

(龍師傅註:多謝你介紹我的文章給你的朋友看,只要看得入眼,就一定會幫助到自己的感情。

初步分析,你拍拖五次,拍拖次數算是多,你有吸引異性的特質,而你也容易過電,這在感情之中是好事來的,即代表你樣子,身材,身體語言都不錯;只是你每次只有半年左右就要留意,你有可能是內在美需要改善,男生和你一起之後就發覺不對勁,這也是我的客人經常遇到的問題。

而你也說出了重點,就是你之前要做別人的 attachment,這種女生最沒有價值,一味只想被愛,卻從來沒有想過等價交換;所以我的網上課程都是說等價交換很重要也是這個原因。

無所事事很危險的,感情最多佔人生 30%,其餘還要分配給你的興趣,運動,家人,工作,朋友,人生確實有很多事情需要做的,一定要分散投資,這樣對雙方都好。)

男仔,佢同我一樣,33歲,做會計工作,係以前公司既同事,性格內向,怕同陌生人講野,興趣不多,打機同睇劇,冇任何進修同增值。

(龍師傅註:初步看上去已經有問題,33 歲還未拍過拖,必然有原因,再加上他怕和陌生人講野,也要看他的社交能力是否出現問題,連基本的社交技巧也沒有;我不是要求要講到口甜舌滑,但基本應對還是需要的。

另一方面,33 歲算是年青,一定要看他有沒有上進心,有沒有想進步,有沒有事情可做;如果無所事事,那根本和你一起的話題也沒有。

男人去到這個年紀,除非是專業人士,人工高到根本不需要進步,那就沒有進步的理由;即使如此,除了工作之外,人生也需要進步的,學東西是很重要的;即使如我,我也會有計謀地定期學習不同的東西,因為每個人都一定要進步。)

而我地開始相處係係我上年生日,因為我岩岩考到車牌,而佢就岩岩買左車,我另一位朋友就約埋我地去遊車河;就呢個時候,先叫做開始出黎一齊玩同操車,平時會問下我揸唔揸,佢都會比我渣既,出街食飯係AA多,因為大家只係朋友,所以我地大家都相安無事咁出去玩。

(龍師傅註:同事關係,由普通朋友開始交往,很正常。)

我地既第一次單獨出街係另一位朋友學完車,佢就自己幫我地book餐廳,叫我地兩個去食飯,係個男仔冇任何行動下,叫做第一次我地出去食飯,傾計話題同朋友冇分別,但同佢相處我感覺係好有負擔,佢中意車,就同佢講下車既話題,講下架車我渣完既感想,例如個引擎1600cc但好似好kick咁,唔係好去,或者我有次去學院補鐘架車會溜後既經歷佢聽,佢聽完比左d反應就靜左,跟住佢就講佢細妹男友有3架電單車,泊係佢屋企天橋底....如是姐就咁食左一個鐘多d,佢就送我返去,都冇咩特別。

(龍師傅註:其實初次約會已經如此,你根本就不需要考慮他;你也有能力去再找的,你的年紀絕對沒有問題。)

第二次因為日頭去完遊車河,夜晚臨時話去觀塘一間餐廳食飯,比起上一次,尷尬感覺加強左,大家相處都係好見外,大家傾下公司juicy野就完左。

(龍師傅註:有問題的不是你,而是他,為甚麼?

第一,女仔應該不要太主動,男方在開始追求的時候都會主動,而他沒有;第二,追女仔追女仔,他有甚麼行動是追女仔的?我也看不到;第三,由這些行為可以看到他的社交能力有問題到甚麼程度,我就看到他有很大的問題了。

當然,少少怕醜是可以接受的,但這只是對陌生人而言;你和他是同事,又出來數次了,又有單獨約會,還要這麼見外嗎?他根本表達力也很有問題。

你和這些人一起,你會很痛苦的;他自己一個人,活在自己的世界,就很好了,你也不要故意打擾他。)

第三次食飯,先係叫做佢約食飯,食完飯之後送我返去,無啦啦同我表白,我係冇即刻應承佢,因為太突然同埋唔覺得佢有咩表現出係中意我,連追求既行動都冇,所以我話要諗下先。考慮到佢人雖然悶d, 但經濟條件正常,有車品,都唔會太差,都想比個機會人地,所以一星期後(今年8月頭)就應承一齊。

(龍師傅註:你的想法是正確的,你也無需要和他一起,你也必然不能答應他的表白,因為他根本不是你心中那杯茶。

這種人,不要說拍拖了,連做個普通朋友我也覺得有壓力:悶,沒有話題,九唔搭八,不會讓我有進步,不會說有趣事情,不會說得出一些我不知道的東西;更何況你要找伴侶,就更加不能考慮他。

給個機會也是可以的,不過你必然會很後悔。)

詳細問佢,先知佢從來未拍過拖,追都係追過一個,但個女仔就派張好人卡比佢,我問佢幾時開始對我有意思,佢話係大約2年前已經有d興趣,跟住出黎玩之後先再多少少,直到今年1,2月左右,我少左出去玩,佢先開始識驚會冇左我先等到8月先表白,又話驚我知道佢中意我先唔敢講,我初初聽到既時候以為佢怕醜姐,但冇諗過拖咁耐,當日坐佢車既時候,講到要開始換車,要買兩架車,因為多左個屋企人,要開始諗下將來,我心即刻有d突然,點解呢個人一齊第一日就講呢d野?連同女仔點相處第一步都未搞掂就講將來結婚點....我就同佢講,唔好咁快諗呢d住,大家相處下先....

(龍師傅註:看得出他是認真的,但他一定有問題。正常人也不會想得那麼遠,就等於網上交友未見過就開始談婚後生活,到那裏居住,生多少個小朋友,最好再談及退休生活;這種人只是神經及有問題。)

有一次,我放假想自己周圍去下,有返d me time時間,佢就突然話都要請假同我去,我唔好意思turn down佢就由佢黎,反正都係正常出街,但個內心係好有負擔,我揸到過去食飯都冇咩野,男友朋友傾計食飯,夜晚去左佢party room屋企買野食,我地冇任何野發生過,好正常睇下電視咁,之後就送我反去,事後,佢話想係屋企拖下我,全日都冇掂過我,跟住我話其實身體接觸好正常,我同意佢有身體接觸。

(龍師傅註:這種全被動的男人真的很有問題,真的不要交往;如你早兩個月還未拍拖前問我,我必然是一千個反對。

另一方面,他也不識趣,每個人都要有自由空間,有時真的想自己靜一靜,但他就故意要來陪你,掃你雅興。)

但來到第2個月,就睇下有d咩課程,展覽可以大家一齊學或者去睇下,佢office放工時間放7點,大部份閒日既時間都係7點開始,就問佢星期六或者日,佢就諗都唔諗話:星期六或日去咪少左時間去party room囉!

(龍師傅註:這種人你一聽也知道他悶,他根本毫無想法,就像一個打機男一樣,最好永遠都不出房門口,三餐有阿媽送到門口,吃完之後碗筷就放回門口一樣。

和這種人一起,你的人生就這樣過嗎?我相信你不會,也不會有人想這樣。)

我即刻pop到師傅講過,咁似搵食男既動靜,我就話,學野都係幾個鐘既事,總好過幾個鐘一齊唔知做咩,佢話咁又係,但其實呢個我已經係扣分。

(龍師傅註:他其實不是搵食男來的,難聽點說,他還差過搵食男;如果他是搵食男,他已經在第一次和你去 party room 就毛手毛腳了,但他沒有。)

另外一次,大約一星期前同佢講約左朋友食飯,佢話好,但係前一日, 佢話日頭同我去碌保齡球,夜晚再去行海旁,我話夜晚約左人食飯,佢先記得我講過,話車我過去。

(龍師傅註:他根本在世界之中只有自己,也沒有你存在,也沒有將你的話記在心裏,也沒有很體貼。)

我問佢之後去邊,佢話佢唔返屋企食飯,佢同屋企人講去party room屋企睇波,但其實冇野做,我話不如早d約人食飯,唔洗咁悶,有反d自己生活,佢就一推再推,話到時先約啦。

(龍師傅註:你真的强人所難,他根本一個朋友也沒有,也沒有打算找節目,更衰過宅男;宅男自己一個也會去腦場看看啦,他連這點興趣也沒有。)

佢送左我到餐廳之後,佢走左,但我坐落冇耐,佢就send msg黎話佢自己係車食m記,係我餐廳附近;我問佢做咩唔返party room, 佢話冇人同佢食飯就等我,仲話幾耐會到黎接我。

(龍師傅註:這種人真的很有問題,我看他只是你的依附物,一點作為也沒有,也不會對你的生命有任何價值。)

但其實好唔鐘意呢d, 因為我想同fd傾耐d計,想有下場,我亦都唔想佢浪費自己時間,佢應該要有自己既生活,跟住我同佢講,其實我唔中意佢黎咁接,之後佢話睇電視劇,d女仔鐘意男朋友黎接,所以佢覺得佢都要黎接,我無語。

(龍師傅註:正是,你剛去到和朋友傾計,他就在附近等你,當然給你構成壓力,而拍拖目的絕對不是為你自己增添壓力;拍拖最緊要兩個人都自然做回自己,大家又可以接受,暢所欲言又有進步,最好。)

佢成日都中意講,有左女朋友既目標係對佢好,錫佢,都會諗將來,諗得好長遠,話要同我同居生活,驚冇左我,仲會問我有冇結婚既壓力,有冇想結婚。

(龍師傅註:這種人想得太理想,自己沒有思考力,只是看到電視或電影就對號入座,甚麼想法也沒有,也不實際。)

話我唔識煮野食唔得要學黎煮比我食捉住佢個胃,有時會有意冇意講。

(龍師傅註:捉住佢個胃?你捉住佢個胃是沒有問題的,我常說是第二句,就是他有甚麼好處值得你捉住佢個胃?他好到你沒有他不行嗎?看來他弄錯了。)

佢知道我好多野,facebook睇晒我d野,我聽完心諗,先一齊3個月都未夠講呢d做咩呀?做都冇做講左當做左呀?

(龍師傅註:他很認真,但認真到讓你覺得心寒;趁現時剛開始,快快分手,不要錯下去,一來免得浪費你時間,你用這些時間去找其它對象更有價值,二來如果一直下去,只會越來越難分手,你要小心他不肯分手,每天都你家門口等你,到時你要認識另一個對象也不能。)

我同佢講左起碼十次以上,又send龍師傅個blog佢睇,同佢講初戀失敗係好正常,大部份都唔會同初戀開花結果,佢一睇到就話唔一定既,佢身邊有一兩個朋友都係初戀結婚,話會努力唔會冇左我,唔會放棄。

(龍師傅註:他不會明白的,因為這種人你絕對不能以常理去理解,也不能和他說道理,因為他根本連基本認知,常識也沒有。)

仲有,我同佢講唔好諗咩結婚d咁長遠既野,相處左大家價值觀,相處夾先講,佢話:「電視劇d女主角同d男主角講有冇諗過我地將來,所以我都要諗定都冇問題呀!」

我話電視劇好多呃人,現實唔係咁,唔好咁多幻想,佢就話我呢排唔同左同疏遠左,我聽到真係咩好感都冇晒,只有反感,未一齊3個月已經壓力大,我會考慮慢慢疏遠佢。

(龍師傅註:你不能考慮,而是你要馬上行動!)

師傅,想問下,如果面對A0既男仔拍拖應該點處理,因為睇得多未拍過拖既女仔,未睇過未拍過拖既男仔係點,如果師傅有時間,可以分享比其他人參考下,同埋可以比d意見我可以做好d, 祝師傅身體健康!

(龍師傅註:無得處理,因為你一開始時找錯了對象,即如我一開始時問你我如何可以和一枝原子筆拍拖,我相信全世界也不會有答案,因為我找錯了對象。

我希望我的分析可以幫到你,最後忠告你一句,越快走越好,因為往後你只會越來越麻煩。)


(你有個案想和大家分享嗎?如果題材合適,你的個案有機會得到龍震天詳細分析!

如有個案,可以來信至 info@masters.com.hk,讀者個案分析逢星期五及星期日刊登。


千呼萬喚!

【高情商溝通術】現時推出!

限時優惠期間再送溝通秘密課程!

限時優惠期間,你只需要 HKD699.00(原價 HKD11,920),就可以得到總共八個單元,二十三堂課的超卓溝通技巧影片,連厚達59頁筆記,再送你一個將來獨立發售的溝通秘密影片,幫助你用情商帶動別人有感染力,到處都受人歡迎化解伴侶及同事間的矛盾,讓你得桃花,得人緣,得貴人,得運氣!

愛情心理學控心術限時優惠!

限時優惠期間,你只需要 HKD489.00(原價 4,960),就可以學習强大的心理學控心術課程,幫助你控制別人想法,在潛意識之中調校對方,讓對方做著你想他做的事情!

正向心理學限時優惠!

只需要 HKD489.00(原價 5,160),就可以學習利用信念改變潛意識,重塑大腦,讓人生從此變得不一樣,讓身邊所有人對你另眼相看,解決所有人生,工作,感情問題!

是否想學習超卓溝通技巧?


50 分鐘講座讓你明白溝通技巧大忌,同時教你三招厲害溝通招數,讓你吸金,吸人緣,吸桃花!

運氣一直不來嗎?

無論工作,感情,人生,你一定要明白運氣操作原理,你就何時都會交上好運!

十七個重點

讓你成為桃花萬人迷

綜合 6,500 個真實個案,超過 100 個桃花萬人迷,找到她們不告訴你的想法,行為,潛規則,你現時可以免費得到,打開神秘大門!

四天戀愛溝通術

了解男女心理學,用潛意識溝通

控制對方不由自主

做任何你想他做的事情


王姬課程

讓你幸福的十個理由

如何找到幸福人生?在這本精讀筆記當中你會找到答案!


五天看穿男人心

了解男人心理,知道男人想法,對你的感情有莫大益處!


是否還未找到好姻緣?感情路上遇到問題?工作是否一直沒有突破?

其實未必是運不好,而是你不清楚問題的解決方法而已;方法不通,任你有多大努力都沒有用處。

龍震天有以下一對一咨詢服務,可以幫助你突破現時困境,找到出路:

  • 感情咨詢
  • 一生運程詳批
  • 工作咨詢
  • 陽宅風水
  • 改名
  • 婚嫁擇日,搬遷擇日
  • 擇日剖腹生子

了解服務詳情可以按以下連結:


關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>