一直以來，我都很强調行動最實際。因此，我們在感情當中，真的要著力看一個男人對自己做了甚麼事，而不是說了甚麼事。

有些別有用心的男人是很狡滑的，你一定要認清楚些人，免得上當。

這次的個案女主角，戀上了一個已婚的男人；這個男人口裏說會有將來，說得很完美，但現實生活之中一件事情也沒有做過。

讓我們來看清楚這位女網友是如何被騙的，然後加以防範。

網友來信

龍師傅，自從上年係Yahoo睇左你既文章之後，我慢慢從感情迷惘同低潮期走左出黎。多謝晒你教醒左我呢個感性既人，你既文章寫得非常岩同合乎現實情況。

（龍師傅註：好的，能夠看到我的文章都是緣份，而過去也有大量網友及客人因為我的文章，影片，Podcast 或咨詢之中得到幫助，我也希望能夠幫助到你。

我的文章理性，符合現實，全部說的都會在現實生活當中發生；所以我常說不要看感性文章，看那些只是讓自己發夢及滿足情緒的理論，然後照著做讓自己感情越來越差，一生都不可以做。

除此之外，我最近也成立了 Patreon，我很勤力拍影片，而影片當中有大量真實例子分享，我的分析更到肉，是因為在公開平台有很多東西我都不能說得淋漓盡至；所以你也要留意。)

我想分享下我既故事，我同A君一齊左2 年，我岩岩決心同佢分開，我覺得我分手既決定是對的；因為女人既青春真係唔多，而我睇左師傳既咁多文章，我就係果個用緊十蚊去買1 蚊野既感性人。

（龍師傅註：對，我們何時都要想等價交換，才能夠讓自己在感情上有優勢，投資在有物值的事情和人上；另一方面，青春的確很寶貴， 用錢不會買到，但我真的有很多感性客人她們一點都不介意浪費青春，將自己的時間和精力投放在沒有結果，對方又對自己差的感情上，一點都不以為然；口裏說不開心，但行動上卻很樂意迎合，總有理由，結果很痛苦。）

以下係A君好多行為，係迷霧，令我覺得無信心行落去：

1。佢係已婚狀態，俾我踢爆果時，佢話佢係假結婚，我一直驗證唔到，雖然佢晚晚同我傾計，亦唔會無啦啦唔見人，亦時時出街。但係我覺得佢Background係一個迷。因為我無見過佢屋企人亦都無上過佢屋企。但係如果佢對我態度上都滿意，亦無乜詐型，點會遲遲唔敢見屋企人？我無追問因為放在心中下決定好過，師傅都講過，做人不需要咁坦白。

（龍師傅註：我常說看一個人很重要，這種人只顧自己，而且滿口大話，你務必要在最初的時間看得出來；所以我常說要看對方做了甚麼事，而不是說了甚麼；那些假結婚也說得出，你一定不能相信。）

2。佢俾左個時間我，叫我等佢搞掂佢既Status，佢話要多1 年。佢在此之前都應承過我好多野，唔係我迫佢應承，而係佢主動提出。但十樣有一半無左下文。感覺佢係情緒起黎心情好時，就咩都應承得。我覺得係佢拖得就拖，而我亦睇唔到佢言語間想有下一段婚姻。

（龍師傅註：當然，你不能只給一個時限，而是要看他做了甚麼事，是否每天都一直向著離婚的方向走；例如他和你認識之後就搬了出來自己住就是很好的實質行動。

但我看他甚麼都沒有做過，只是在和你見面時甜言蜜語，這些都是全無意思的話。）

3。日久見人心，我愈黎愈睇唔到大家有等價交換既情況。以前佢追我時做左好多野，但係感情穩定左落黎後，就懶左好多好多。我都唔係一個只要求被愛既洋娃娃，其實我不時有煮野食俾佢，有心機搵地方一齊同佢去，見到佢有野鐘意既買俾佢，佢工作辛苦時理解佢俾空間佢。偏偏佢而家有時間都沒有再接過我放工，應承左我做既野突然話要OT或有Urgent野而無做。無做都唔緊要，但係佢連一句Sorry啊～陪唔到你啊，之類既說話都無，好似老奉咁。仲有好多野，令我覺得成件事好廉價。 

（龍師傅註：這去到等價交換問題。剛開始追求你的時候當然甚麼都好，大家都不會做回自己；但去到三個月之後，很多東西都會回復人的本性，這個時候你就會看到。

他既已婚，又對你不怎麼好，也沒有甚麼經濟資助，所以我看不到等價交換在那裏；反而你和他一起浪費時間，這些青春真的用錢也買不回。）

我之前有話過分開，而佢死纏難打我就心軟。都係自己既問題。佢俾我好強烈既感覺係我只係暫時佢所搵既對象條件最好果個同最就得佢，而唔係真心既。我其實曾經真心對過佢好好，可惜佢無自知之明，搵到一個真心人其實好難。

我睇左你既文章好耐，下次拍拖時一定會選岩對象先拍，因為一開始錯，真係以後都好難岩，人係好難改變既。

多謝你既時間！

（龍師傅註：其實看上去他不會分開，只是想和你有男女關係拖著你而已，你真的不必太上心，一定要主動遠離。

也當然，如果是感性三寶「習慣了」，「我不捨得」，「我沒有辦法離開他」那任誰也不能討論，因為這是個人情緒問題了。

祝你早日找到新對象，找到幸福！）