早兩日行經灣仔，無意之中發覺有檔喇沙好好味，佢叫做狀元喇沙，值得推介：
環境就係窄左，但要食好野，都無所謂啦！
佢餐牌有個狀元去骨雞，睇落好似好好味，亦好似係佢地既招牌菜，好想食，不過今次都食唔哂了，唯有下次啦！
佢餐牌上好多好多選擇，我深信每一款都好好味：
我同龍嫂最後叫左狀元喇沙及蝦喇沙，一碗都係三十幾蚊咋：
狀元喇沙真係乜都有，無論在麵質，湯底，配料，美味度都肯定拎足一百分；不過我諗星加坡人同馬來西亞人都會認唔出呢碗係喇沙，如果佢地黎到呢度，仲以為係香港特色粉麵，因為我去星加坡，吉隆坡同檳城食過既都完全唔係咁樣嫁！
蝦喇沙，蝦唔係好大隻，但好好味，有少少棘：
我下次黎到一定要食佢既狀元雞！如果你行過不妨俾個機會佢！
狀元麵館
地址：灣仔軒尼斯道 184-186 號地下
必食推介：狀元喇沙，蝦喇沙
平均消費：每人一百四十元
分數：＊ ＊ ＊ ＊ ＊（特登都去）
（分數指南：以六粒星最好，無星最差。）
無星：一生不去
一粒星：被迫才去
兩粒星：免費才去
三粒星：可以一去
四粒星：一定要去
五粒星：特登都去
六粒星：一生必去
