這天行經銅鑼灣 Sogo，看到有一間新雪糕店開張，係叫做 MILK TOP：

好多人行過都忍唔住睇下，因為佢既重點係有得試食，無乜比得上試食更吸引了，咁多隻味，你夠厚面皮可以叫佢比勻哂你試，就係咁，好多人都扮買然後走黎試食了：

睇落真係好似係唔同Ｄ，果種氣氛令你忍唔住留係度，而且都有好多人買：

但價錢一Ｄ都唔平嫁！十八蚊一球，但好多款式選擇：

除左散裝既雪糕球之外，亦有包裝好既，好靚！

日本野確係唔同，點解人地日本可以做得咁靚？真係要諗下了，我覺得佢地既文化，同埋做野好認真係一大原因！

我同龍嫂後尾都忍唔住買左一球黎食，好好味，下次一定會再來！

佢除左賣雪糕之外，仲有賣北海道牛乳，又係靚到暈：

我同龍嫂又當然忍唔住買左一樽番黎食，雖然要二十元，但也超值。

回到寫字樓，即刻忍唔住立即開黎食，個樽超靚，而且入面既牛乳也好好味，好似雙皮奶咁既口感同味道，超香，超滑：

—————————————————————————————————————

BONUS BLOG：GODIVA 朱古力

呢隻梗係朱古力名牌既象徵啦！收到佢係代表你好尊貴，亦代表對方 treat you as a 好朋友，因為佢真係好貴，我都收過唔少次，次次都好感動嫁！

有幾好味，你唔駛食，單單係睇下已經知道了：

睇完都無野講啦！佢係逐粒計既，而且可以幫你每粒做一個獨立包裝，你諗下有幾尊貴！

同場介紹佢既原因，係因為佢又係崇光地庫二樓，而且佢適逢情人節，做左Ｄ好有特色既朱古力：

佢每粒朱古力都係士多啤梨黎既，賣到四十蚊一粒，是否值得就見仁見智了！

不過人地真係手工錢黎嫁，要整一粒都好繁複：

另外仲有包裝既，都好靚！

有機會去試下啦，送比人包保人地開心！