吾好吾食23 6 月, 2008

看到傻瓜的網誌, 列出討厭的食物, 發覺每個人都是不同的; 所以我又要和大家分享下我最討厭的十大食物.

第十位: 鯇魚

熟悉我的朋友都知道, 我唔係海魚唔食, 而淡水魚更係我必 out 既食物之一. 淡水魚之中, 我只食有 "淡水魚老鼠班" 之稱的桂花魚, 清蒸, 炒球或椒鹽我一樣咁啱.

但鯇魚, 我真係頂唔順佢既腥味.

第九位: 金針

我真係唔知佢點好食. 又硬, 又有陣怪味, 總之就係唔鐘意食.

第八位: 雲耳

雖則口感爽口, 但無乜味, 同雪耳差唔多, 點可以用黎做餸.

第七位: 羊肉

我最怕食有羶味既羊肉, 唔羶就OK, 但唔羶既羊肉又點會好食呢? 所以我係唔會食屬羊既米雪兒的.

第六位: 明太子

我最記得, 我以前係無食過明太子的. 有次同龍嫂去食壽司, 佢話明太子難食, 仲話我食到兩件明太子壽司話我好野. 我心諗, 有乜係食唔落口嫁? 於是叫左一碟明太子. 真係夾硬食左一件, 第二件已經食唔落了, 番到屋企仲要嘔! 請留意, 唔係形容詞既嘔, 係 physically 嘔左出黎, 連埋黃膽水, 你可想而知我係幾咁抗拒!

唔知點解日本人鐘意食呢? 同埋我想問, 明太子係乜? 龍嫂話係鯨魚既 ger ger, 我好有保留, 因為睇個 size, 真係一D都唔似喎! 莫非佢切細片, 又或者磨碎佢?

第五位: 沙律上既紫色樹葉

我食沙律, 最怕見到上面有D紫色野, 我都而家都唔知係乜, 亦無興趣深究, 只覺得佢係樹葉.

我又唔係野人, 點會食樹葉嫁?

第四位: 田雞

自少在街市見到人點劏田雞之後, 我一路都唔敢食. 田雞有異味, 有人話佢好香, 但我覺得好難頂. 仲有人話蒸一煲飯, 放隻生田雞入去, 咁佢好熱, 又就黎死, 所以痛到會標尿. 咁呢督田雞尿落左去碗飯到, 話可以醫內傷, 邊有咁殘忍呀? 如飲田雞尿會醫內傷, 我寧願內傷!

第三位: 鱔蒸飯

飯我食, 鱔我都食, 但係兩樣一齊蒸出黎就唔食.

唔知點解, 用蒸籠蒸鱔飯我就覺得想嘔, 一食就會胃抽筋, 只覺得果種味會反胃.

第二位: 另類牛雜

我在西環試過一次, 果陣時覺得好新奇, 因為牛雜我食得多, 但佢賣既係另類牛雜, 例如牛潤, 牛開心, 牛腎等等, 於是就叫左一碗.

食左一啖, 馬上埋單, 自此以後也發毒誓, 不要試了.

第一位: 野味

我其實唔明野味有乜咁好食, 而家都比較少有, 例如兔肉, 貓肉等. 我以前在大陸看過, 睇到佢地咁可憐, 又慘叫, 點食得落呀!

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>