一直以來，我都說感情要好，一定要有理性思維，邏輯及常識；這次分享一個有戀愛腦的人，如何努力將整個姻緣掉轉，到最後人財兩失；這是警世文章。

這次的分享，是一位 Patreon 會員在討論區分享的；她有感而發，談及她的一位感性友人，如何在人生努力做錯，不依邏輯及常識去思考，導致浪費青春，又損失金錢。

會員來信

Hello師傅，我最近有朋友離左婚，希望佢呢個case, 可以話比大家知道，女仔真係唔好咁戀愛腦。

（龍師傅註：多謝會員分享。我們在不公開討論區當中，不時都會分享有啟發性的個案，讓大家都可以學習；我常說，實例更容易讓人理解理論的操作及應用，所以一定要多看真實個案。）

首先交代一下背景先： 我同呢個離婚朋友（簡稱C小姐)同埋另一個女仔(簡稱D小姐），我地3個都係18歲個陣一齊做part time識既，到而家都仲有keep住聯絡，已經相識左18年左右。

C小姐既外表係非常亮麗，初初係做櫃位售貨員，目前轉左去做時裝產品 sales, 從來不缺男人，可以一次有3個以上既男仔approach佢；但男仔既質素，都係搵食男居多，可能佢外表打扮容易吸引呢啲人，而佢既性格偏向被動，被動到係令人髮指既地步；溝通技巧都麻麻地，多愁善感，偏感性人。

她非常相信風水命理，經常要去睇相，亦會比較戀愛腦，愛情係佢人生既全部。

（龍師傅註：看到這裏已經可以解碼，外表及身材吸引，自然會有更多機會結識異性；也由於打扮亮麗而沒有思考力，所以只會有好色男人追求，這絕不出奇。

所以我常說，女人要吸引異性，除了要有刻意打扮之外，更要有內心想法，一定要有邏輯及常識，以及要有等價交換，這樣才可以防止被騙，不停以十萬元去換取一百元的貨物。

關於刻意打扮，我的皇牌課程「桃花萬人迷控心術」就有很多分享，大家有興趣可以參加，學習實用的吸引異性技巧。）

男人部份： 40歲，大公司工作，人工方面唔差，樣比較普通，身高唔高，人品不明（因為我第一次見佢，已經要結婚） 。

（龍師傅註：這也可以解碼。戀愛腦的通病，就是一日等於一生；相識一星期已經可以下世也認定，其實自己根本就沒有思考力，即使觀察十年也未必可以選擇正確對象，及不清楚對方為人；但她們可以見面數次就覺得很了解。）

有次我同C去旅行，問佢有咩景點或者野食想食/唔食，佢就無所謂，於是我帶佢去食韓國烤肉，去到先話比我聽，佢唔食牛，我問佢你唔同我講既，佢話我已經plan左，唔好意思改，所以就夾硬食左少少。

（龍師傅註：由此看來她很被動，其實很多事情如果一開始時不合，就不應該因為不好意思而不作聲，而是要在事前說清楚。

這也提醒我們一點做人道理：人生應當要主動，你才會比別人有更多機會，你的人生才會比較好；要所有事情自動安排幾乎是沒有可能的事情，但你可能說一句，情況就差了許多。）

有次C去左睇相，個相士話佢會同一個大佢10年既人結婚，咁佢就深信左呢樣野，過左幾個月之後，佢同我地講，佢要結婚，個男人真係大佢10年；所以我第一次見呢個男人，就已經係佢地結婚而且只係識左3個月左右。

（龍師傅註：雖然我從事算命行業，但我也要說這是完全沒有邏輯及想法的事情。

首先，有很多人都會過份相信緣份是天注定，而自己也沒有思考，所以就會在不想付出及思考的情況下，期望可以透過命理來得到自己想要的事情；我一直都說得很清楚，三分先天七分後天，自己後天也要透過非常努力才可以得到成功。

即使問了對象大自己十年又如何？根本邏輯就有問題，這個男人大自己十年，並不代表一定是他，因為全世界不只一個男人大自己十年，這是最基本的邏輯。

此外，相識三個月就很了解對方嗎？也絕對不會；她這樣相識不久就結婚，其實是萬分危險的事情。）

而C小姐之所以要結婚，係因為女生30歲封鎖線我完全理解唔到，不過唔緊要啦，佢地開心咪得囉... 之後我同D小姐都幫佢手，做佢婚禮既伴娘同姊妹... 

有日我地食飯，佢同我地講佢地既事，我聽完真係有d著火： 

事件1：係佢地兩公婆結左婚冇耐，就開左個聯名戶口，佢地會將人工一部份放入個戶口度，而C小姐從來都過問戶口既錢，有一日，C小姐打開個戶口，發現冇左一大舊錢，於是問佢老公，佢老公話，佢啲投資唔生性，蝕左好多，攞左出黎填數，之後會放返d錢入去，最後就梗係冇入返錢落去呀。

（龍師傅註：這是戀愛腦自己要負全責的問題，就是認識的對象錯了，往後全部都錯；相識三個月就結婚其實是很有問題，只是戀愛腦相信緣份天注定，不以為然，結果自己要負上全責，賠上了自己的人生。）

事件2： 疫情期間，當時冇堂食只係得外賣，佢老公唔知那來的自信，覺得飲食業有得做，就決定開間舖，做餐廳，但佢唔係攞自己d錢，係問C小姐攞錢出黎，話係幫佢理財，賺左就會比返佢，而C小姐又真係比左幾十萬佢，但佢淨係知佢老公間餐廳開邊一區，其他野一概唔知，我同D小姐聽到呢度，真係...

（龍師傅註：這也是我常說的事情，就是人生要成功，自己必然要多一份思考；而戀愛腦就是不願意思考，進步，每天只有愛情，結果和伴侶溝通不順利，對方做甚麼自己一來沒有興趣知道，二來自己也沒有這個能力去了解。

所以大家看到這裏，也必然要好好審視自己，人生一定要有思考才有主動權，才會了解不同問題的解決方法。

關於思考力，我在不公開平台 Patreon 就有大量影片提及，也別要為自己找籍口，不停說自己不懂思考而不思考；這不是你有沒有具備思考力的問題，而是你必需要改變才能有運氣。）

跟住，過左2個月，佢老公走黎同C小姐講，舖頭賺到錢呀，要擴張，但要C小姐再攞多10萬蚊出黎，今次開係中環，去到呢度，C小姐問我地意見，好唔好比錢佢老公？ 

我同D小姐都係一致意見，叫佢老公攞盤數出黎睇下先，點解賺左錢仲要攞錢出黎呀？盤數點計出黎呀？我地叫佢問返佢老公，跟住佢就淨係識傻笑...但佢話佢唔敢問佢老公。

（龍師傅註：C 小姐的問題是，因為她戀愛腦，人生沒有思考，也沒有甚麼能力，所以即使想了解也好，也無從了解；我們不要做這樣的人，因為這樣的人生，只會等待失敗來臨，分別只是遲或早而已。

沒有能力的人，即使知道問題所在，也不會知道如何解決；自己的錢給了丈夫投資，連問也不敢問的人，你可以知道她的能力是如何低，只看事實。

我們的人生，真的要任人擺佈，甚麼都不懂，然後又不停有不安好心的人出現來騙自己嗎？

感性人真的很容易控制，很好騙；如果不幸有感性思維的話，就一定要改變，一定要有動力付出。）

事件3： 有d延續事件2，佢話佢老公，經常係勁早出，勁晚歸個隻，從來冇比過家用，屋企所有日用品，都係C小姐自己買，咁我地同C小姐講， 同roommate有咩分別？ 

之後，佢同我地講，有時佢老公出國去第2度都冇同佢講，等佢發現先同佢講。

（龍師傅註：這樣的話，丈夫還是愛自己及重視自己嗎？感性人最喜歡就是只看表面，不願意想深一層去思考，也不願意面對現實，不停自己騙自己。）

另外，佢發現佢老公一早將所有既資產，包括現金，舖頭，全部轉晒比男方既家人，舖定路離婚，只係男方唔想做衰人... 

（龍師傅註：你看看，世界上真的有這樣的男人，感性人呀感性人，我可以不停提醒大家理性思維，但是否做得到就得靠自己；我不停放實例給大家看，就是想大家明白，現實生活當中，的而且確需要自己有思考力才可以改變自己。）

有一日，佢收到一個IG dm, 係一個陌生女人，同佢講佢老公已經同左佢一齊，仲有個1歲定2歲既仔，問佢幾時走...

跟住佢先決定同老公提離婚，佢老公亦爽快地答應。

跟住我地問佢，咁你有冇同律師consultant過贍養費，或者要佢比返佢問你攞個d錢呀？ 

佢就話，因為冇小朋友，就唔會有贍養費，至於d錢，佢唔追，淨係想快d淨身出戶...聽到呢度我真燥左，同佢講，該爭取就要爭取，佢攞左你d錢唔洗還呀，同佢玩大佢都得呀... 人已經冇左，錢點都要攞返...但佢話唔追。

（龍師傅註：一個連自己應得的東西也不願意爭取，你可以想像到這個人的人生是如何失敗。

你可以取笑這樣的人，但我更關注的是讀者看到這裏，你其實自己現實上有甚麼經歷？

真的，我們看這些個案，用意就是不停提醒自己，不可以做這樣的人。）

之後，佢自己又要搵屋搬，又要轉工，加埋雜費，要洗一筆錢，居然同我地講，唔想搞咁多野，激到我呀，不過算啦，佢都唔care, 我可以講d咩... 唔好意思，有d長，希望師傅唔好介意。

（龍師傅註：朋友就是這樣，有時候我們看到問題主動提醒對方，如果對方有夠思考力的話，必然會用心聽取以及改變；不過對方反應冷淡，我們也要懂人情世故，對方不聽也不方便再說下去，只是對方要為自己所做的錯誤決定而負全責。

看了這個分享，真的很有感覺，世界上的確有不少感性人，每日不停想變好，但行動上卻和變好完全相反。

希望這篇文章對你有所啟發。如果你有分享，有事情想不通，歡迎直接按此來信給我分享。

最後再次多謝這位會員大方無私分享，讓我們得以透過實例學習思考。）