今日講下呢間尖沙咀 "昌與醇酒坊" 既風水:

點解要講佢, 因為我想講下食正條水既舖頭風水.

昌興係賣酒既. 剛巧醒起早前有客人找過我, 說想開一間酒舖, 想做網上, 又或者做地下舖. 網上我勸佢唔駛做, 生意唔落本, 除非好似我呢行呢, 只係 sell 服務, 如果唔係, 只係想在網上攪, 又唔落本, 以為咁樣可以好慳, 一定無得做.

好簡單, 當你知道香港既拍賣 top seller 一日做十三個鐘, 扣除成本, 都只係賺得果兩萬蚊, 我真係諗唔到係點做.

所以一定要租舖, 但我客人講, 如果在佐敦租間舖, 入貨, 要二百萬本錢, 成本大, 所以一定要睇風水, 揀好舖!

這間酒舖的風水, 非常之好, 我想講三樣野, 第一, 佢食正條水, 因為係一個三岔路口, 全部氣都入哂, 正係要乜有乜!

車水馬龍, 大旺, 但係租一定貴到飛起, 咁自己又要平衡下了, 睇下賣乜貨同埋利錢重唔重, 以我所知, 酒係利錢重既, 但唔奇怪, 因為酒呢行係好複雜既, 我客人同我講, 我仲回味緊.

從後看去, 佢呢個舖位隔離就係 7-11, 正係 "舖頭隔離有七仔, 呢間舖頭實有計"!

點解呢? 好簡單, 7-11 係帶旺人流既, 總好過乜都無, 直頭無人行; 不過呢間舖位處尖沙咀心臟地帶, 都唔駛靠七仔帶旺了!

不過要留意, 因為在三岔路口, 好多車行, 而且亦有煞氣, 迎頭有急促氣流, 但無有怕. 點解? 呢個就係呢間風水舖既精妙之處, 亦係我講既第三樣野, 睇下門口有乜:

係一個報紙檔, 就係咁, 急促既氣流俾呢個報紙檔擋哂, perfect!

再睇下圖你會更清楚:

順帶一提, 看車流方向, 係環抱水, 對間舖有利.

但我又要提一點, 就係如果將來無左間報紙檔的話, 呢間舖就會煞氣太重.