遊記21 7 月, 2008

晚飯食過魚翅過後,可以回酒店了,於是我們就坐的士回酒店。

這次我們住的是 Pullman,選擇它的原因是:

— 價錢平:房間每日七百多元,連早餐,這個早餐我俾足一百分。
— 地點方便:它位於 Skytrain 站附近,坐 Skytrain 兩個站就到 Siam Square,佔盡地利!
— 口碑極好:網上一致公認呢間酒店既設施,舒適都非常足夠,而且走年青路線,啱哂我地D年青人(雖然我都唔係好年青)。

好大張大床呀,而且被舖舒適非常。住泰國,除非有特別原因,如果唔係都一定要住間好D既,因為實在太平宜了!

睇下龍嫂第一日既戰利品,唔算多,因為之後佢番兜左三次,買到成個行李喼都裝唔哂!

圖中既小袋,用黎裝電話,唇膏乜都得,唔怪得之咁受中環 OL 歡迎啦,十零蚊之麻!

房間設備齊全,有寬頻可以上網,每人每日免費四個鐘,兩個人即係八個鐘,夠用有餘,而且書檯亦夠大!

我好鐘意開頭第一日黎呢間酒店既時候,佢地既專業招呼。好似做戲咁,有個好靚既泰國女仔由大堂開始介紹,話俾我地聽邊度食早餐,邊度游水,房間既設施等。一入到房,你個口一定唔得閒,因為:

— 有一盤免費生果等你食。
— 有兩枝水,免費飲。
— 雪櫃入面既 softdrink,每人每日一枝,免費。

再加埋我地係飛機度無食既三文治,返到黎已經多到食唔切。

行李唔駛你自己拎,另有專人幫你跟上來,真係好招呼!

電視都用 samsung,細就細D,不過都算好有誠意!

電話都幾靚嫁!

順帶一提,呢度既插頭同香港一樣,所以連 adaptor 都慳番!

牆壁佈置精美,有好靚既油畫,儘管後來我地在 night market 睇到,都係幾十蚊一幅!

呢盤生果,對於食飽哂先番黎既我地黎講,係食唔哂既:

酒店房另一角,非常舒適:

門口地區,有 mini bar,衣櫃,而且衣櫃另一面同洗手間係通既,方便你沖完涼之後即刻換衫出街,非常好既設計:

用品亦一點都不馬虎。你睇下個紙巾筒,我好鐘意橙色!

我其實係好想買呢個,但後來都買唔到,只係買左個文件 folder 咋,都係橙色,算啦,都算有交代了。

浴室用品,非常齊,用料質素一般,但如自己唔記得帶既,呢度都可以滿足到你:

對我好重要既洗手間,完全對板,簡潔明亮:

我好鐘意個花灑,水溫夠,力度夠,非常舒服!

浴缸,洗手盤,非常整潔:

又夠光,其實屋企使乜諗設計諗到頭都大埋呀,跟足呢個洗手間就已經極OK了,不過起碼都要有百五呎地方。

我最高興係佢呢度包埋浴鹽,浸浴缸前放D落去盤水度,一日既疲倦就係咁,消除哂了!

好有 resort feel,七百幾蚊一日真係抵住!

最令我笑到肚痛既,係佢既浴缸旁邊,放左一隻鴨仔!

真係令我會心微笑,亦睇得出呢間酒店既心思,唔怪得咁多香港人一致推介啦!

想起細個沖涼,梗有隻上左鍊既鴨仔,又或者有個上左鍊既潛水人一齊沖既,而家諗番起都好開心,亦好感概,咁就過左半世了,我當晚沖涼,同隻鴨仔一齊沖,同隻鴨仔一齊玩,我講左好多野俾佢知,我話佢聽,我要發明一樣野改變世界,我要好似 iphone 咁,發明一樣野係全世界都知道既;佢一路都係咁既表情,似明非明!我夜晚放左隻鴨仔在我枕頭旁,陪著我睡覺。

第一日真係太累了,如果你地有留意,你會發覺我係每日都有覆 blog 既,去到泰國都係咁,人地可能唔介意,但我反而覺得,每日定期做一樣野,係恆心同鍛練自己既表現,所以我每日都有睇你地既留言嫁!

未完,待續(Day 1 Part 5 完)

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>