遊記15 7 月, 2008

食完野一出門口就見到 Toyota 的陳列室,真係唔買都睇下啦!睇下幾型!!

 

Siam Discovery Centre

根據本書所講,我地第一站諗住去 Siam Discovery Centre, 因為有龍師傅至鐘意的 Loft,一路行去過陣,見到街邊好多野食賣呀!但就唔係好敢食喇。

 

我諗黎到泰國,一定唔少得黎 Boots 行下喇,Boots 係泰國既藥房,類似香港既屈臣氏,去到泰國一定要黎呢度,佢有好多分店的,所以你一定會見得到。

而另一個原因要來係因為平過香港好多,黎之前已經受朋友所託,要幫佢買 Eye Gel,佢話好好用,唔怪之得佢男人老狗,四十幾歲人,皮膚咁靚啦,原來有秘密的,我自己好少用 Boots D 野,但見佢咁講,即管睇下啦,原來比香港平好多,Eye Gel 香港賣 $120, 呢度賣$90, 於是幫朋友買左兩支之餘,我自己又買左一支,發覺真係唔錯,後悔點解唔買多兩支。唉。。。女人就是如此呢!

這間Good Job 店的返工袋很特別呢,價錢都幾貴的,但勝在夠特別,但實唔實用就見人見智喇。最後龍師傅都買左個唔知用黎做乜的紙巾套。如果我係度,或者會阻止佢買的。無錯,我地是分開行的,去自遊行的話,我地必備的就是 walkie-talkie, 佢有佢行,我有我行,因為男人同女人天生喜歡的東西係唔同既,大家各睇各的,自從上次去日本之後,我地發覺最好的方法就是用對講機。

泰國的傢俬 design 的確是有一手的,睇下d書架幾特別!

總括黎講,呢個 Siam Discovery Centre 無乜特別,如果無時間的話,可以唔黎都無乜損失。

Paragon

跟住過隔離的 Paragon,如果你唔頭先的 Siam Discovery ,你可以剩係行呢個,在 Siam BTS 站,夠方便,唔使揾,一落地下個層就有一個好大好大的 Food Hall, 好多野食,最衰頭先食到飽哂,食唔落喇!

Paragon 由上面望落去,真係大到嚇死人,大到對講機都有機會收唔到,我真係唔敢想像如果一齊去,又唔拎對講機既話會點樣,兩個人被迫睇同一樣野,如走失又一定搵唔返,真係好煩;所以出外旅行一定要帶對講機!

比龍師傅見到呢間飲 coffee 既地方,佢梗唔放過啦。即刻飲番杯,我地都就覺得麻麻地。

跟住比我見到至愛的雪糕,結果因為太飽,我都係無食到。但我係唔會放過佢的,等我,I'll be back…..

估唔到係泰國都見到呢 d 咁懷舊既中國野,好攪笑!

 

我地仲偷雞打開左個蓋影張左相。

仲有擦鞋既用具,宜係好得意!

呢個 Paragon 真的很大,如果可以的話,最好能夠提供 Golf Car,而家行到腳都跛埋,好攰呀,但我同龍師傅覺得如果無時間行,又或者無腳骨力的話。我就建議你去你剩係行第三個商場,Central World 既ZEN:

只係 Zen 都夠行架喇,呢到 d 野好靚,有些日本 feel。唔知點解,同樣係商場,硬係覺得呢間的擺位順眼 d,好行d咁!

順帶就介紹埋 Siam 區既另一個大型商場,Central World 了。

呢個商場,一入到去,應該有 function 攪,見到有些所謂 model 綵排緊,個樣真係……

泰國也有無印良品呢,但和香港差唔多,如果你唔係信徒的話,可以唔使行喇。如果你好似龍師傅咁係無印信徒的話,呢度唔太難搵,只要認住 Zen ,佢就在 Zen 隔離而已。

我好鐘意呢幅的象仔呀!

Royal Cappucinno 咖啡機真係好多人用,無論你身處香港定泰國,都會見到,想起當初龍師傅既決定真係無錯,寫字樓買左呢部咖啡機隨時都飲得;不過我飲咖啡會頭痛,所以都係久不久飲一杯咋!

龍師傅買的型格紙巾套!

未完,待續 (Day 1 Part 2 完)

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>