早陣子行經閣麟街，一間洋服店吸引了我的視線：
吸引我的，不是門口擺放的西裝恤衫，而是門口的方向，於是停下來研究一下。
從圖中所見，這條是斜路，由上而下，氣流不算太過急速，但如果佈局不當，都會慢慢散氣，跟住執笠。
我覺得這間洋服店好聰明，因為他的門口是迎著斜路而開的，不是平門。
再來一個近鏡給大家看一下：
由於是玻璃門，所以看不清楚；不過你只要留意門口的地氈，你就可以知道開門的方向。
我睇佢地應該有搵人睇過風水。唔只門向開得對，就連開門的方向也對，門較是在左面的。意思就是開門的時候，氣流會由上而下，食正條水，他們的生意應該不錯。
其實再細心睇，門口有石級，做了一個天然平台，也自然幫助聚氣。
越睇越有興趣，於是睇下整條街的舖位開門方向，發覺無一間係咁做，有一間舖頭仲開左相反方向添！
睇下睇下，我想起洪葉書店，以前這裏也有一間洪葉書店，後來結了業，不過唔關開門事（以前中環洪葉書店係上樓店，而大廈樓下則沒有大問題），而係受到中環行人天橋影響。
洪葉除左中環之外，銅鑼灣以前都有一間，係利舞台附近，渣打隔離，不過而家都執左笠了。
果個位真係死到唔死。結業之後，開了一間傢俬店，也是做了一會又執笠，現時開了一間玩具店，真係祝佢好運啦，佢應該無搵人睇風水。
平日睇多Ｄ，身邊真係有好多風水看的！
