投資錢途14 10 月, 2008

早兩天回信了給我的客人,她再來信,我亦作了回覆。

覺得很值得和大家分享一下我的看法。
陳小姐回應:海怡 931 呎 458 萬好抵買!

很多謝你的詳細分析, 或者而家真係唔係一個買樓好時機.
 
其實呢個筍盤真係好吸引, 931呎, 3房半, 望避風塘海, 可試458萬 (4,900呎咋!), 銀行估足價有多 (hsbc-530萬),
(永亨-578萬), 賣家係一間公司, 因投資過度, 急放. 人就係咁, 怕而家唔買, 將來未必有咁既機會….面對抉擇總是進退兩難. 足足平左100萬,
好難唔心動. 唔係我覺得樓市不會再向下, 而係我覺得平左成20-25%, 趺左都仲有buffer.
 
事實我都知道呢次金融風暴牽連甚廣, 但就係咁既市才有筍盤, 真係好矛盾! 不過我最後都係turn
down左個agent, 聞說有另外幾個準買家落票, 但塞翁失馬焉知非福, 仲有始終計唔到條數, 大部份資金比股票扣住, 要做9成mortgage, 有d吃力,
又驚借唔到二按.  唯有寄望明年, 出年我一定會買(聽從你批命時的意見), 希望到時個價好d. 

龍師傅回應:低處未算低,寧買當頭起

收到你既電郵, 好感動, 如打字超慢能有此字數者, 定必有心, 謝謝.
 
其實投資就係咁, 無人會估到下一步, 今日聽六叔好好笑, 佢自己都唔知道自己講乜, 個市跌左咁多, 今朝一開市又跌,
以為定左, 咁話會有支持, 點知下畫繼續跌, 買遲一日股票唔知慳番幾多!
 
千祈唔好令自己太過吃力, 同埋唔好去得太盡, 經濟穩定之人, 唔駛太博, 個心貪心可以, 但唔好盡地一煲.
例如三幾萬買窩輪, 自己負擔得起, 求下個賭博刺激感可以, 但如如幾百萬, 去博一舖, 望一次過可以變幾千, 咁就千祈唔可以. 你可能都可以供得起,
但萬一有甚麼變化, 就有問題的話, 咁就唔好制了.
 
銀行估價, 聽你所說, 出乎意料之外的高, 可能真係荀盤也說不定; 但如問我, 我都係叫睇定D, 買樓總無預知,
玄學可以預測趨勢, 和走勢圖表一樣, 但總無 exactly 知道, 唔係我已經唔駛做, 日日去炒樓, 炒股票, 炒恆指了.
 
睇住而家個市, 真係心寒, 有人話而家係熊三,
我怕反反覆覆之後, 突然有個恐慌, 咁突然大量掟貨, 真係袋定錢入平貨.
 
至於海怡半島, 真係好樓, 長線計一定要入; 我地又可以咁睇, 雖然而家既價位, 未必會再低, 但亦無可能突然抽高哂,
所以即使出年唔大跌都好, 都唔會買太貴貨, 但以博奕的 concept 來看, 如繼後日子有甚麼東瓜豆腐, 就有機會掃平貨, 那就好像下棋一樣, 著數多一步.
或許出年的今天, 你就會像電影空軍一號的女副總統一樣, 感激自己當日堅持不簽字罷免總統; 那一幕震撼人心, 到今天我還記得.
 
平多一百萬, 真係爭好遠, 當一個月人均搵一萬七千元計, 已經係五年人工了.
 
機會還有, 繼續留意; 我覺得起碼等個市穩定下來才考慮, 現時太波動了!
 
這套 29+1 話劇過兩天會有網誌分享, 留意了!

關於作者

龍震天

龍震天,玄學家,作家,擅長替客人分析感情問題,推算姻緣運,一生運程,同一時間也是課程講師;出版書籍超過三十本,題材包括心理學,身體語言,行為解碼學,男女感情技巧,男女感情個案分析,感情理論,潛意識,改思改運等等。


服務詳覽:

http://lungcourse.com/service

分享
Facebook LikeFacebookWhatsAppLineEmailSumoMe

四天戀愛溝通術


原價 HKD2,680,現時 免費獲得!

「四天戀愛溝通術」免費獲得!


四天網上課程讓你了解男女關係如何用適當方法,包括誘導術,心理學,潛意識的控制,讓每個男人都為你做你想他做的事,說你想聽的話!

>