今天為大家帶來L的故事分享，我們可以從中學到一點男女感情的技巧。

信有點長，但值得看。

L 的故事分享

Hihi龍師傅, 

你好呀﹗

我好鍾意睇你個blog架，你兩本感情書我都有齊晒，仲等緊第三本呢﹗如果睇左第三本，可能我 而家無咁彷徨了。 

你令我睇感情既野唔同左好多，open左好多…我年幾兩年前分左手之後都無拍過拖，都有人約下既，不過唔知點解一 行落 去就無左下文…都 好恨再拍番拖啦，不過就唔會好似以前咁迫人結婚囉，你講得好o岩，迫係無用o既，個男人同你一齊開心o既係唔駛迫既…我個行好難識男仔既，咁你講過我地唔可以係屋企等等等就有姻緣，所 以我 都開左個友緣人戶口，雖然有好多都好奇怪，一開聲就問人電話，又或者你可唔可以做我女朋友﹖勁好笑﹗

不過我都識左d幾好傾下既男網友….其中有一個男仔，我都覺得幾好。我同佢大大話話傾左兩個月，不過唔係msn， 唔係電話，而係最原始既電郵。我地既email唔係d港式英 文短句，係真係有上款下款有頭有尾既通信呢﹗點解我咁強調呢﹖因為我第一樣欣賞呢個男仔就係佢有一手流利既英語，內容亦都係言之 有物、唔係一般撩女仔既用字，佢好有心機，好有誠意咁同我交流、交朋友。我同佢通信後，英文再好左好多﹗

由九月尾到現在，我們由工作傾到生活到感情。佢同我講佢應該都唔會結婚，因為佢害怕婚姻，唔相信兩個人憑乜野可以長時間咁一齊生活。佢話佢有過超過一個既散拖對象，我問佢，咁佢地知唔知你一腳踏幾船﹖佢話佢地無問過亦都唔在乎， 反正 佢亦都唔知佢地既感情狀況，同埋其實工作好忙宜家都無乜時間俾到佢地lu。

我自己本身係一個好傳統既女仔，但自從上次分手之後我改變左，我宜家既理念就係，唔會拍拖第一日就要認定係結婚既對象，但我情願要好多dating既朋友，都唔接受多角關係。叫得做男朋友既，一次都只可以係一個。

我好老實咁同佢講，我尊重但唔認同佢既做法，佢好贊同我，仲話或者佢唔應該講得太死愛情一定要點，或者一定唔要點既。

自從個次之後，佢對我既語氣就唔同左，我地之間多左一d男女之間既…我想算flirting吧。直到有次佢出trip，佢事先同我講可能那個星期我地會通唔到email，我聽到有d怕之後就咁失左聯繫，就主動提出交換電話，結果係佢一做完野就返酒店email我，一日一封甚至早晚各一封。早知唔駛交換電話啦，題外話佢好似唔 太熱 衷講電話sms都 仲好d，不過好明顯唔似得email咁熱情。

佢對我不只一次表示興趣，亦都開始提出想見面，雖然對佢好有好感，但我 唔想係我地既理念未一致之前，發生什麼去令件事更複雜，佢無迫我，久唔久有提下，上兩星期生日佢有問我可唔可以見下我，但我都是拖字訣，都係唱左隻生日歌俾佢了事。

其間我自己發現左一樣野，令我對佢加左好多分。一直以來，我地都有分享工作上既事，但無問到大家既公司同職位，佢一向以office potato自居，我只係知佢熱愛工作，因為呢行係佢自小既興趣，佢亦做得好開心。 佢一向都係樂觀、正面、積極既人。直到有一次我同我自己又係做呢行既朋友提到呢個男仔個名，我先知佢原來好出名好高職位，仲剛剛係佢地呢行既一個幾有代表性既頒獎典禮得到年度個人最佳表現獎。我欣賞既唔係佢既名氣，而係佢既謙和，佢既字裡行間無個一份傲氣，我個一刻先記得佢某一次其實有同我提過佢有去過咩慶功宴…

我一路記住你既方向，令佢舒服，唔煩，所以我一路順住佢既喜好習慣去傾，唔迫佢聯繫我，由得佢，佢反而風雨不改咁email我，到上星期五我突然收唔到佢既電郵，我茫然若失，才發現自己好緊張呢個人。我唔敢打電話去問，因為唔logic，結果我星期一先send左只有一句既問候email佢。原來一切是個誤會，個晚我自己回家開email才發現他的回信一直被email a/c 扣起左，我係一次過收到佢星期五到星期一既email。到佢發現左我d回信有奇怪問起，我先大約講左個情況，佢就逐封再send俾我問我收唔收到。

我慶幸佢看不到我焦急的樣子，卻記起朋友的勸告，沒有見面之下，我根本不可能要求呢個男人長時間同我玩呢d無名份的浪漫，時間一久，佢總有一日會沒有耐性玩，亦都會尋覓另一些對象。

 ##問題就係呢道o勒##

我星期五晚我終於見左佢，不過出左一d狀況。

個晚我地第n次sms傾計佢邀我出去蘭桂芳join佢同佢d朋友飲野既時候，我竟然臨時起意答應去了。

我換好衫執好個樣出去找佢，佢來接我的時間已經很過了半夜，他看來已有點醉，但很高興終於見到我，也問我為什麼突然肯出來，我只笑笑沒有回答。我到場後人好多，很自然的我們就拖手入了場，我跟著他點了酒喝著，見他和其他人傾談，我也和他的朋友聊兩句，但他突然站在我身邊，我們的手在檯底又很自然拖著，挑引著，他親親我的面頰，然後他為我拿第二杯的時候，我已經暈眩，不知是誰主動我們kiss了，然後再回來的時候我們就像情侶一樣纏著，擁著…那一刻我想如果他提出有下一步我是不會反對的，不知是幸或是不幸，我們沒有做出什麼事，他只擁著我找車 (他看來實在很累，我也不好意思要他送我回家，我家住得遠)，途中擁吻了一會，最後他說好我們要再見，便送我上的士回家。

我折騰著回到家便睡著了，第二天酒醒在床的時候，才知後悔，這樣一來，我們的關係就扭轉到那回事上了。我真的很慶幸沒有真的幹了那回事，我text了他謝謝他的照顧，也說笑了希望沒有幹了太不恰當的事吧。然後我半說笑的，說昨晚其實是遲來的生日禮物，但優惠期完結了。

這樣說的第一原因是，我不是傻的，沒有期望因為這事去確實大家的關係， 其次是暗示我不是常常如此，不要以為已經得手，下次一定可以為所欲為。 

他睡醒後回我那真可惜啊，大家打個哈哈就了事。我打了通電話給他，聊了一會，說了幾句傻話，他問我晚上的安排，知道我和朋友吃飯，他記得我說過我朋友也是喜歡喝紅酒的，就叫我小心一點，我知道他這晚原來打算再叫我出來的，但我裝作沒聽懂~

晚上在朋友家，很想很想打電話給他，很想很想見他，但我不斷提醒自己不要再做什麼，若這個關頭我俾個男仔感覺到因 為昨晚的事我會上心我會迫佢認什麼做什麼，他一定會煩會怕上身，反而仲會走得快。這和我的本性是相違背的，不過遊戲規則是不能挑戰的，對嗎﹖

雖然很喜歡他，但如果順著這樣的趨勢來走，我只是淪為他另一個causal gf，更甚只是sex buddy.既然如此，我想不妨拖一拖，讓我自己想好才行動。我沒有想可以扭轉 他把 我當作一個結婚對象，不過讓他重視我一點，在乎我多一點，才讓他得逞，總是可以吧﹖又或者，到我真的接受了可以隨時let go的時候再真的和他玩吧，現在的我，心裡動情太大，要是很的有了關係，而他又未夠喜歡我，我總是會受傷。

龍師傅，我不知道自己理解及應用你的理論得怎樣，你可以給些什麼意見我嗎﹖thank you! 

L.

龍師傅問的兩個問題

好了，信已看完，我的想法先暫且不表，我先帶給大家兩個問題作思考，過兩天才說出我的看法。

1. 那個男人，是不是真心喜歡L？

2. 有沒有方法可以令那個男人喜歡L，而不和其他 Casual Girlfriends 來往？

大家想一想，當作是一個練習；請注意，有看開我網誌的朋友，知道感情分析一定要用理性，以及邏輯，我想請大家向著這個方向去想。

（你是否在命運之中感到難以適應？其實未必是命不好，只是你不知道自己的整體人生藍圖和命運軌跡而已。我常說，如果連甚麼顏色，數字，方位旺自己也不知道，那人生又怎會有運？清楚了解自己一生，一定好過盲目亂撞。與其一生猜猜度度自己的命運，倒不如清楚了解自己的命運軌跡，及知道自己現時是否跟命運軌跡有所偏差。

龍師傅設有論命及堪察陽宅風水服務，紫微斗數一生論命為港幣一千八百元，陽宅風水以建築面積計每呎九元，最低收費三千八百元，歡迎致電 82040102 預約或電郵 info@masters.com.hk 查詢詳情）